''இனிமே இது உங்க படையப்பா!'' - கே.எஸ்.ரவிக்குமார்

ரஜினி படம் என்பது இன்று தமிழ் நாட்டில் தீபாவளிப் பண்டிகைக்குச் சமம் .

தீபாவளியாவது வருடத்துக்கு ஒருமுறை வரும். 'படையப்பா' - இரண்டு வருட இடைவெளிக்குப் பிறகு ரிலீஸாகப் போகிற ரஜினி படம் .

'இதுதான் ரஜினி நடிக்கும் கடைசிப் படம்' - என்கிற வதந்தி ஒருபக்கம் உலவிக்கொண்டிருக்க , அரசியலுக்கு யெஸ் / நோ இரண்டில் ஒன்றை ரஜினி சொல்வதற்கு அநேகமாக இதுதான் அவருக்குக் கடைசி வாய்ப்பு என்றும் சொல்கிறார்கள் .

பரபரவென 'படையப்பா' ஜுரம் பரவிக்கொண்டிருக்கிறது. தமிழ்ப்புத்தாண்டு தினத்தன்று ரிலீஸ் என்று சொல்லப்பட்டாலும்... அதற்கு ஒரு வாரம் முன்னாலேயே படம் தியேட்டருக்கு வரும் என்று பேச்சு .