Published:Updated:

சினிமா விமர்சனம்: கூர்கா

யோகிபாபு, சார்லி
பிரீமியம் ஸ்டோரி
யோகிபாபு, சார்லி

காவல்துறையில் சேர ஆசைப்படும் கூர்கா பாரம்பர்யத்தில் வந்த ஒருவன், ஒரு பெரிய தீவிரவாதக் கும்பலைப் பிடிக்கக் காவல்துறைக்கு உதவும் கதையே ‘கூர்கா.’

சினிமா விமர்சனம்: கூர்கா

காவல்துறையில் சேர ஆசைப்படும் கூர்கா பாரம்பர்யத்தில் வந்த ஒருவன், ஒரு பெரிய தீவிரவாதக் கும்பலைப் பிடிக்கக் காவல்துறைக்கு உதவும் கதையே ‘கூர்கா.’

Published:Updated:
யோகிபாபு, சார்லி
பிரீமியம் ஸ்டோரி
யோகிபாபு, சார்லி

ஒற்றை ஆளாக ஊரைக் காத்த தாத்தா கூர்காவின் பேரன், யோகிபாபு. போலீஸ் செலக்‌ஷனில் எல்லாக் கோமாளித்தனங்களும் காட்டி, அதிகாரியால் துரத்தப்படுகிறார். அதன்பிறகு நகரின் முக்கியமான மால் ஒன்றில் இருக்கும் தியேட்டரில் மக்களைப் பணயக்கைதிகளாகப் பிடித்து வைத்திருக்கும் தீவிரவாதக் கும்பல் ஒன்றைப் பிடிக்க, அதே மாலில் செக்யூரிட்டியாக இருக்கும் யோகிபாபுவும் அவர் நண்பர் சார்லியும் உதவ, ‘அப்பாடா... படம் முடிஞ்சது’ என்று நமக்கும் பெருமூச்சு வருகிறது.

சினிமா விமர்சனம்: கூர்கா

நாயகனான யோகி பாபுவுக்கும் உடன் வரும் சார்லிக்கும் கதையோ திரைக்கதையோ பெரிய வாய்ப்பு எதுவும் கொடுக்க வில்லை. வருகிறார்கள், வழக்கமான நடிப்பைத் தருகிறார்கள். யாரோ எப்படியோ போகட்டும் என்று சீரியஸாகத் தன் நடிப்பை வெளிப்படுத்தியிருப்பவர், வில்லனாக வரும் ராஜ்பரத்-தான். முகத்திலும் சின்னச் சின்ன உடலசைவிலும் வில்லத்தனத்தை வெளிப்படுத்துகிறார்.

ஒட்டுமொத்த விகடனுக்கும் ஒரே ஷார்ட்கட்!

உங்கள் அன்றாட தேவைகளின் அனைத்து பொருட்களையும் சிறந்த தள்ளுபடியில் வாங்க

VIKATAN DEALS
விகடனின் அதிரடி ஆஃபர்!
தற்பொழுது ரூ.750 சேமியுங்கள்! ரூ.1749 மதிப்புள்ள 1 வருட டிஜிட்டல் சந்தா999 மட்டுமே! மிஸ் பண்ணிடாதீங்க!Get Offer

கூர்காவின் வரலாறு என்று ஒரு ஃப்ளாஷ்பேக் காட்டுகிறார்கள். கொஞ்சம் நிமிர்ந்து உட்கார வைக்கிறது. பிறகு முதல்பாதி முழுவதும் ஏனோதானோ. யோகிபாபுவின் கால்ஷீட் பிரச்னையோ என்னமோ, படம் முழுக்க இருட்டில் நடக்கிறபோது ஒளிப்பதிவாளர்தான் என்ன செய்வார்? இசையும் சொல்லிக்கொள்ளும்படி இல்லை. ஆர்டர் செய்த ஃபுல்மீல்ஸில் ஊறுகாய் மட்டும் ருசியாய் இருப்பதுபோல ஆங்காங்கே சமகால அரசியலைத் தொட்டிருப்பது மட்டும் ஓகே ரகம். அந்த வில்லன் கும்பல் யார், எதற்கு இதைச் செய்கிறார்கள் என்றெல்லாம் ஒன்றும் சொல்லப்படவில்லை. ரவி மரியாவின் காமெடி நம்மை மேலும் சோதிக்கிறது.

சினிமா விமர்சனம்: கூர்கா

வில்லன் பணயக்கைதிகளை அடைத்து வைத்துவிட்டு, “கவர்ன்மென்ட் காசு பத்து ரூபா எங்க அக்கவுன்ட்ல வரணும்” என்கிறார். பத்து ரூபாய்தான் என்றாலும், அரசுப்பணம் என்பதால் என்னென்ன சிக்கல் என்பதை விளக்கும் அந்தப் பத்து நிமிடங்கள் பரபர. அந்தப் பத்து நிமிடங்கள் செய்த மாயம் படம் முழுவதும் நீடித்திருந்தால் கூர்காவுக்குக் கொடுத்த காசுக்குப் பொருள் இருந்திருக்கும்!

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism