Published:Updated:

சினிமா விகடன்: டேக் - 1

சினிமா பிரபலங்கள் தங்கள் முதல்நாள் ஷூட்டிங் பற்றிப் பகிரும் பகுதி...

பிரீமியம் ஸ்டோரி

ன்னுடைய முதல் படம் கே.பாலசந்தர் இயக்கத்தில் ‘பட்டினப் பிரவேசம்.’ 1977-ல வெளியாச்சு. கிராமத்துல இருந்து மெட்ராஸுக்கு வந்து கடை ஆரம்பிப்போம். அப்போ நான்தான் மூத்தவன். என் தம்பியா காத்தாடி ராமமூர்த்தி நடிச்சிருப்பார். ‘அண்ணே... பசுமாடு வருதுண்ணே. இது நல்ல நேரம். ஆரம்பிங்கண்ணே’னு முதல் வசனம் பேசுவார். அப்போ நான் என் அப்பாவுடைய படத்துக்கு முன்னாடி நின்னு ‘நாங்க பட்டினத்துக்கு வந்து புதுசா கடை ஆரம்பிக்கிறோம். கூட இருந்து ஆசீர்வாதம் பண்ணுங்க’ன்னு அவர்கிட்ட வேண்டிக்கிட்டு கல்லாப்பெட்டியில ஒரு ரூபாய் நாணயத்தைத் தட்டி அதுக்குள்ள போட்டு அந்தப் பெட்டியோட கடைக்குப் போவேன். இதுதான் நான் நடிச்ச முதல் சீன். முதல்ல எடுக்கிறது மங்களகரமா இருக்கணும்னுதான் முதல் வசனமே இது நல்ல நேரம்னு இருக்கிற சீனை எடுத்தார், கே.பி. அப்போ ஒரு அம்மா வந்து ‘நாலணாவுக்கு எள் கொடுங்க’ன்னு கேட்பாங்க. (முதல் நாள் எள்ளைக் கேட்கக்கூடாது. அது அபசகுனம்னு சொல்வாங்க) அந்த சீனை முடிச்ச பிறகு, நாங்க தொழில் நஷ்டமாகி பட்டினத்தை காலி பண்ணலாம்னு தயாராகிட்டு இருக்கும்போது எள்ளு கேட்ட அதே அம்மா வந்து, ‘நாலணாவுக்கு கொஞ்சம் மஞ்சள் கொடுங்க’ன்னு கேட்பாங்க.

டெல்லி கணேஷ்
டெல்லி கணேஷ்

அப்போ நான் ‘ஏம்மா... கடை ஆரம்பிக்கிற அன்னிக்கு எள் கேட்ட. கடையை மூடும்போது மஞ்சள் கேட்குற. நல்ல ஆள் நீ’ன்னு சொல்லுவேன். இந்த ரெண்டும் படத்துல வெவ்வேறு இடத்துல வர்ற சீன். தொழில் ஆரம்பிக்கிறது, தொழில் நஷ்டமாகுறது ரெண்டையும் அடுத்தடுத்து எடுத்தாங்க. தொழில் நஷ்டமானதனால பட்டினத்து மேல வெறுப்பு வந்து சொந்த ஊருக்கே போகலாம்னு கிளம்புவோம். அப்போ, ‘மெட்ராஸ் உங்களை அன்புடன் வரவேற்கிறது’ன்னு எழுதியிருக்கிற போர்டுல காறித் துப்பி கல்லை எறியுற சீன். இதெல்லாம்தான் முதல் நாள் எடுத்தாங்க. இந்தப் படத்துடைய பெயரைச் சொன்னா இப்போ இருக்கிற பிள்ளைகளுக்குத் தெரியாது. ஆனா, எஸ்.பி.பி பாடின ‘வான் நிலா நிலா’ பாடலைச் சொன்னா எல்லோருக்கும் தெரியும். பல படங்கள் நடிச்சாலும் முதல் படம் எல்லோருக்கும் ரொம்ப ஸ்பெஷல். அதுவும் முதல் நாள், சினிமா வாய்ப்பு கிடைச்சதுல ரொம்ப சந்தோஷமும் அதே சமயம் பதற்றமும் இருந்தது. கிட்டத்தட்ட 40 வருஷத்துக்கு மேல ஆகிடுச்சு. இப்போ அந்தநாளை ஞாபகப் படுத்தினதுக்கு ரொம்ப நன்றி!’’

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism
அடுத்த கட்டுரைக்கு