Published:Updated:

“விஜய் படத்தில் நானா?”

ராஷி கண்ணா
பிரீமியம் ஸ்டோரி
News
ராஷி கண்ணா

“தெலுங்கு சினிமாவுல நடிகை களுக்கு முக்கியத் துவம் தர்ற பல படங்கள் வருது.

எனக்கும் அப்படி ஒரு படத்துல நடிக்கணும்னு ஆசை. முக்கியமா, ராஜமெளலி சார் படத்துல நடிக்கணும்’’ கண்கள் விரிய ஆசையாய்ப் பேசுகிறார் ராஷி கண்ணா.

“விஜய் சேதுபதியுடன் ‘சங்கத் தமிழன்’. எப்படி ஃபீல் பண்றீங்க?”

“விஜய் சேதுபதி என் ஃபேவரைட் நடிகர். அவர்கூட நடிக்கிறது அவ்ளோ ஹேப்பியா இருக்கு. ஒரு தெலுங்குப் பட ஷூட்டிங்ல இருந்தப்போ, இயக்குநர் விஜய் சந்தர் என்கிட்ட இந்தக் கதையைச் சொன்னார். கேட்டதும் ஓகே சொல்லிட்டேன். விஜய் சேதுபதி சாருக்கும் நான் ஹீரோயினா நடிக்கிறது கம்ஃபர்ட்டா இருந்திருக்கும்னு நினைக்கிறேன். ஏன்னா, அவர்கூட ஏற்கெனவே ‘இமைக்கா நொடிகள்’ படத்துல நடிச்சிருந்தேன்.மத்தபடி, அவர் வித்தியாசமான நடிகர்னு எல்லோருக்குமே தெரியும். முதல்நாள் ஷூட்டிங்ல அவர் வசனம் பேசுற அழகைப் பார்த்து அசந்துட்டேன். அவர்கூட நடிக்கிறதால, என் நடிப்பும் இம்ப்ரூவ் ஆகியிருக்கு!”

 “விஜய் படத்தில் நானா?”
“விஜய் படத்தில் நானா?”

“டபுள் ஹீரோயின் கதைகளில் நடிக்கிறது உங்களுக்குப் பிரச்னையா இல்லையா?”

“தெலுங்கில் மல்டி ஸ்டார் படங்களில் நடிச்சிருக்கேன். தமிழில் என் முதல் படமான ‘இமைக்கா நொடிகள்’கூட அப்படிப்பட்ட படம்தான். ஒரு கதையில எனக்கு என்ன முக்கியத்துவம் இருக்குன்னு மட்டும்தான் பார்ப்பேனே தவிர, எத்தனை பேர் நடிக்கிறாங்கன்னு யோசிக்க மாட்டேன். ‘சங்கத்தமிழன்’ படத்தில் கமாலினி என்ற கேரக்டரில் நடிச்சிருக்கேன். ஹைதராபாத், சென்னை, காரைக்குடியில் ஷூட்டிங் நடந்தது.”

 “விஜய் படத்தில் நானா?”

“சித்தார்த்துடன் ‘சைத்தான் கா பச்சா’ படத்தில் நடிச்ச அனுபவம்?’’

“சித்தார்த், அமைதியான மனிதர். அதிகமா பேசமாட்டார். இதுவரை நான் நடிச்ச கேரக்டர்லேயே வித்தியாசமான ஒரு கேரக்டரை இந்தப் படத்துல பண்ணியிருக்கேன். சித்தார்த்துக்குத் தமிழ், தெலுங்கு, இந்தி, இங்கிலீஷ்னு பல மொழிகள் தெரியும். அதனால, அவர்கூட நடிச்சது ரொம்ப ஈஸியா இருந்தது.”

“விஜய்யின் அடுத்த படத்துல நீங்களும் நடிக்கிறீங்கன்னு தகவல் வந்ததே?”

“விஜய் படத்துல நடிக்கணும்ங்கிறது என் கனவு. கண்டிப்பா அது நடக்கும்னு நம்புறேன். அதுக்காகக் காத்துக்கிட்டிருக்கேன்.”