’’சிக்கன் சாப்பிட்டேன்... விஜய்கிட்ட சிக்கிட்டேன்!’’ - ‘தெறி’ பேபி சமந்தா

தெறி ஹீரோயின். விஜய்யின் செல்ஃபி பேபி, சமந்தா எப்போதுமே அழகுதான். அவரை பார்த்ததுமே 'ரொம்ப அழகா இருக்கீங்களே.... என்ன சீக்ரெட்?" என கேட்டு கேள்வியை ஆரம்பித்தால்... வெட்கப்பட்டு சிரிக்கிறார்.
 
"உண்மையாகவே அழகா இருக்கேன்ல. என் மேக்கப் மேனும், சினிமால என் சினிமாட்டோகிராபரும் தாங்க என் அழகு சீக்ரெட்டுக்கு காரணம். அவங்க தான் என்னை அழகா காட்டுறாங்க. அவங்களுக்கு தான் இந்த கிரெடிட்ஸ் எல்லாம்போகும்." என சிரிக்கிறார்.

'தெறி'யில விஜய்க்கு நான் மனைவி.  ரொமான்ஸ்க்கு பஞ்சமே இருக்காது. அவ்வளவு லவ்லியாக நடிச்சு இருக்கோம். ஒவ்வொரு சீனும் ரொமான்ஸ்ல சும்மா தெறிக்க விட்டு இருக்கோம். எனக்கே என்னை ஸ்கிரீன்ல பார்க்கும்போது அவ்வளவு பிடிக்குது!"

 'தெறி' படத்துல ஷூட்டிங் ஸ்பாட்ல விஜய் கூட நடந்த கலகல சம்பவங்கள் நிறைய இருக்குமே?"

 "நைட்ல ஷூட்டிங் நடக்கும்போது விஜய் சாப்பிடவே மாட்டார். எல்லாமே பக்காவாக செட் ஆகி முடிஞ்சதுக்கு பிறகுதான் சாப்பிடுவார். ஆனால், என்னால பசி தாங்க முடியாது. மீன், சிக்கன்னு வெளுத்து கட்டிடுவேன். ஒருநாள் நைட் ஷூட்டிங் அப்ப இதை தெரிஞ்சுகிட்ட விஜய் சாரும், அட்லியும் செமய்யா கலாய்ச்சாங்க. அன்னைக்கு சிரிச்சதுல கண்ணுல தண்ணி வந்திருச்சு!’’

"சினிமாவுக்குள் நுழைந்து கடந்த பிப்ரவரி மாதத்தோட ஆறு வருஷம் ஆகுது. என்ன எல்லாம் கத்துகிட்டீங்க?"

"ம்ம்.. எக்கசக்கமான அனுபவம். நான் சினிமாவுக்கு வருவேன்னு நினைக்கவே இல்லை. தற்செயலாக தான் வந்தேன். வந்ததுக்கு பிறகு மூணு நாலு படம் தான் பண்ணப்போறோம்னு தோணும். ஆனால், தொடர்ந்து இதுவரை 27 படங்களுக்கும் மேல பண்ணிட்டேன். அதுவும் டாப் ஸ்டார்கள் கூடவும் நடிச்சாச்சு. திடீர்னு வாழ்க்கை தலைகீழாக மாறும்னு சொல்லுவாங்களே. அதுக்கு என் வாழ்க்கையே உதாரணம். கெளதம் மேனன் சாருக்கு தான் பெரிய தாங்ஸ் சொல்லணும். என் வாழ்க்கை மேஜிக் போல மாற்றியவர் கெளதம் சார்தான். தாங்ஸ் சார்."

புல்லட் ஸ்பீட் கேள்விகளுக்கு ஸ்மார்ட் சமந்தா பதில்கள்!


"ஃப்ரீ டைம்ல என்ன பண்ணுவீங்க?"

"சென்னைல இருந்தால் சத்யம் தியேட்டர் வந்து படம் பார்ப்பேன். ஆனா, அப்போவெல்லாம் என்னை நீங்க கண்டுபிடிக்கவே முடியாது. அது ஒரு சீக்ரெட்!’’

"செல்லப் பெயர்?"

"சாம்."

"வாழ்க்கையின் தத்துவம்?"

"All or Nothing."

"சினிமால உங்க பெஸ்ட் ப்ரெண்ட் யார்?"

"என் முதல் படத்தின் ஹீரோ நாக சைதன்யா!’’

"யாரைப் பார்த்தால் பயம்?"

"எனக்கு மனுஷங்க மீது பயம் இல்லைங்க. ஆனால், என் வேலை மேல ரொம்ப பயபக்தி."

"செய்ய நினைத்து செய்யாமல் போனது?"

யோகா செய்யணும்னு நினைப்பேன். ஆனால், எங்க நேரமே கிடைக்கமாட்டேங்குது."
 


"இன்னமும் அழிக்காமல் வைத்திருக்கும் மெசேஜ்?"
 
"நான் யார் மெசேஜையும் அழிக்க மாட்டேங்க. எல்லா மெசேஜும் அப்படியே இன்பாக்ஸ்ல இருக்கும்!’’

"அடிக்கடி முணுமுணுக்கும் பாட்டு?"
 
"இப்போ என் ரிபீட் மோட் பாடல் 'தெறி' படத்துல வர 'தாய்மை வாழ்கென' பாடல்தான்."
 
"பிடித்த இடம்?"
 
"என் பெட் ரூம் எனக்கு அவ்வளவு பிடிக்கும். ஷூட்டிங் முடிந்து வந்தால் அப்பாடானு எல்லாதையும் மறந்துட்டு.... ஃபுல் ரெஸ்ட்தான்!’’

"யாருடன் டேட்டிங் போகணும்?"
 
"ம்ம்ம். ஒருத்தர் கூட டேட்டிங் போகணும்னு ஆசை இருக்கு. ஆனால், யாருனு சொல்ல மாட்டேனே!"

 


- நா.சிபிச்சக்கரவர்த்தி

இதைப் படிச்சீங்களா?

 

Do you like the story?

Please Appreciate the Author by clapping!