Published:Updated:

காடன் - சினிமா விமர்சனம்

ராணா
பிரீமியம் ஸ்டோரி
ராணா

முரட்டு உடலும் கனத்த குரலுமாய் ராணா. காட்டைத் தூக்கித் திரியும் மனிதர் வேடத்தில் மொத்தப் படத்தையும் சுமந்து திரிகிறார்.

காடன் - சினிமா விமர்சனம்

முரட்டு உடலும் கனத்த குரலுமாய் ராணா. காட்டைத் தூக்கித் திரியும் மனிதர் வேடத்தில் மொத்தப் படத்தையும் சுமந்து திரிகிறார்.

Published:Updated:
ராணா
பிரீமியம் ஸ்டோரி
ராணா

வனத்தை அழிக்க நினைக்கும் அதிகார வர்க்கத்திற்கும் காட்டின் மகனுக்கும் இடையில் நடக்கும் போராட்டமே 'காடன்.'

இந்தியாவின் வனக்காவலனாக அறியப்படுபவர் காடன். தனியாளாக லட்சக்கணக்கான மரங்களை நட்டு வளர்க்கும் காடுகளின் காதலன். தலைமுறை தலைமுறையாக அவர் குடும்பம் பாதுகாத்து வரும் காட்டுப் பகுதியில் திடீரென ஒரு டவுன்ஷிப் தொடங்கும் திட்டம் அறிமுகப்படுத்தப் படுகிறது. அதற்குப் பின்னால் இருக்கிறார் இந்திய வனத்துறை அமைச்சர். சர்வபலமும் பொருந்திய அவரோடு மோதி, காடுகளைக் காக்கப் போராடுகிறார் காடன். துணைக்குத் தொல்குடிகளும் காடுகளைத் தங்கள் நினைவில் சுமந்து திரியும் யானைகளும் இணைய, முடிவென்ன என்பதே கதை.

காடன் - சினிமா விமர்சனம்


முரட்டு உடலும் கனத்த குரலுமாய் ராணா. காட்டைத் தூக்கித் திரியும் மனிதர் வேடத்தில் மொத்தப் படத்தையும் சுமந்து திரிகிறார். உடைந்து அழும் அழுத்தமான காட்சிகளில் மட்டும் கொஞ்சம் தடுமாறுகிறார். விஷ்ணு விஷால் படத்தில் நான்கு காட்சிகளில் இருக்கிறார். எதற்கு என்பதை இயக்குநரின் விருப்பத்திற்கே விட்டுவிடலாம். இரண்டு ஹீரோக்கள் இருக்கிறார்கள் என்பதற்காக இரண்டு ஹீரோயின்களாக ஸோயா ஹுசைனும் ஷ்ரியா பிஹலோங்கரும்! விஷ்ணு விஷாலின் மாமாவாக வரும் ரகுபாபு கும்கியில் வரும் மாமா கேரக்டரின் மறுபதிப்பு. வில்லனாக வரும் அனந்த் மகாதேவன் இதுவரை வந்த வில்லன்கள் கதாபாத்திரங்களின் மறுபதிப்பு.

அசோக் குமாரின் ஒளிப்பதிவு, டெக்னிக்கலாக படத்தைத் தாங்கி நிற்கும் பலம். ரசூல் பூக்குட்டியின் ஒலிப்பதிவுத் தடங்களில் நெடுக பதிந்திருக்கிறது அவரின் முத்திரை. ஷாந்தனு மோய்த்ராவின் பின்னணி இசையும் பாடல்களும் மிகச் சுமார் ரகம்.

காடுகள் ஆக்ரமிப்பால் நிகழும் விளைவுகளை, அதன் பின்னாலிருக்கும் சட்ட ஓட்டைகளை ஓரளவிற்கு விளக்குகின்றன காட்சியமைப்புகள். ஆனால் அதுமட்டுமே படத்தைச் செலுத்தப் போதாதே! இந்திய அரசின் வனத்துறை அமைச்சரே முன்னின்று இத்தனை மீடியாக்கள் பார்த்துக்கொண்டிருக்கும்போது எப்படி காடுகளை அழித்து டவுன்ஷிப் கட்ட முடியும்? யானைப்பாகன் எப்படி பலநூறு கோடி ரூபாய் புராஜெக்ட்டில் முக்கிய முடிவுகளைத் தன்னிச்சையாக எடுக்கமுடியும்? டவுன்ஷிப் அமையும் இடம் தொடங்கி இறுதிக்காட்சி இமெயில் வரை ஏகப்பட்ட லாஜிக் இடறல்கள் காடனை ரசிக்கவிடாமல் தடுக்கின்றன.

சீரியஸான பிரச்னையை இன்னும் சீரியஸான முறையில் அணுகியிருந்தால் `காடன்' கவனிக்கப்பட்டிருப்பார்.

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism