Published:Updated:

ஓரம் போ, ஆரண்ய காண்டம், இன்னும் பல... - தமிழ் சினிமாவின் ஈஸ்டர் எக்குகளைக் கண்டுபிடிப்போமா?!

aaranya kaandam ( screenshot from youtube )

சினிமா உலகில், `ஈஸ்டர் எக்' என்றொரு சுவாரஸ்யமான விஷயம் இருக்கிறது. அதை எளிதாகச் சொல்ல வேண்டுமென்றால், ஒரு படம் எந்தப் புனைவுலகத்தில் நடக்கிறதோ அதே புனைவுலகத்தைச் சேர்ந்த மற்ற படங்கள் / கதாபாத்திரங்கள் / புகைப்படங்கள் போன்றவற்றை அதில் ஒளித்துவைத்திருப்பார்கள்.

ஓரம் போ, ஆரண்ய காண்டம், இன்னும் பல... - தமிழ் சினிமாவின் ஈஸ்டர் எக்குகளைக் கண்டுபிடிப்போமா?!

சினிமா உலகில், `ஈஸ்டர் எக்' என்றொரு சுவாரஸ்யமான விஷயம் இருக்கிறது. அதை எளிதாகச் சொல்ல வேண்டுமென்றால், ஒரு படம் எந்தப் புனைவுலகத்தில் நடக்கிறதோ அதே புனைவுலகத்தைச் சேர்ந்த மற்ற படங்கள் / கதாபாத்திரங்கள் / புகைப்படங்கள் போன்றவற்றை அதில் ஒளித்துவைத்திருப்பார்கள்.

Published:Updated:
aaranya kaandam ( screenshot from youtube )
ஈஸ்டர் திருநாளான நேற்று, `ஈஸ்டர் எக்' எனப்படும் ஈஸ்டர் முட்டைகளை அன்புக்குரியவர்களுக்குப் பரிசளிப்பார்கள். சில நேரங்களில் அவற்றை ஒளித்துவைத்து, `ஈஸ்டர் ஹன்ட்' என்கிற பெயரில் அவற்றைக் கண்டுபிடித்தும் களிப்படைவார்கள். அதுபோல், நம் தமிழ் சினிமா இயக்குநர்கள் சிலரும் அவர்களின் படங்களில், ஈஸ்டர் எக்குகளை ஒளித்து வைக்கிறார்கள் தெரியுமா!
super deluxe
super deluxe

சினிமாவுலகில், `ஈஸ்டர் எக்' என்றொரு சுவாரஸ்யமான விஷயம் இருக்கிறது. அதை எளிதாகச் சொல்ல வேண்டுமென்றால், ஒரு படம் எந்தப் புனைவுலகத்தில் நடக்கிறதோ அதே புனைவுலகத்தைச் சேர்ந்த மற்ற படங்கள் / கதாபாத்திரங்கள் / புகைப்படங்கள் போன்றவற்றை அதில் ஒளித்துவைத்திருப்பார்கள். அப்படி கண்டுபிடித்த சில ஈஸ்டர் எக்குகள் இதோ...

ஒட்டுமொத்த விகடனுக்கும் ஒரே ஷார்ட்கட்!

உங்கள் அன்றாட தேவைகளின் அனைத்து பொருட்களையும் சிறந்த தள்ளுபடியில் வாங்க

VIKATAN DEALS
விகடனின் அதிரடி ஆஃபர்!
தற்பொழுது ரூ.750 சேமியுங்கள்! ரூ.1749 மதிப்புள்ள 1 வருட டிஜிட்டல் சந்தா999 மட்டுமே! மிஸ் பண்ணிடாதீங்க!Get Offer

தியாகராஜன் குமாரராஜாவின் படங்கள் எல்லாம் ஒரே புனைவுலகத்தில் நடக்கக்கூடியவை. அதனால்தான், `ஆரண்ய காண்டம்' படத்தில் நடித்திருந்த நடிகர்களில் வெறும் இருவர் மட்டுமே, `சூப்பர் டீலக்ஸ்' படத்தில் நடித்திருப்பார்கள். அதுவும் முந்தைய படத்தில் நடித்திருந்த அதே கேரக்டரில். இன்னும் சிலரும் முகம் காட்டியிருப்பார்கள். ஆனால், அது 'கண்ணீர் அஞ்சலி' போஸ்டரில்.

aaranya kaandam
aaranya kaandam

`ஆரண்ய காண்டம்' படத்திலும், அதற்கு முன் தியாகராஜன் குமாரராஜா பணியாற்றிய `ஓரம் போ' படத்தைச் சேர்ந்த ஒரு ஈஸ்டர் எக்கை ஒளித்துவைத்திருப்பார். சப்பையும், சுப்புவும் சாலையில் நடந்து செல்கையில், அவர்களைக் கடந்து `ஓரம் போ' படத்தில் வரும் ஆட்டோக்கள் ரேஸில் பறந்துகொண்டிருக்கும்.

Follow @ Google News: கூகுள் செய்திகள் பக்கத்தில் விகடன் இணையதளத்தை இங்கே கிளிக் செய்து ஃபாலோ செய்யுங்கள்... செய்திகளை உடனுக்குடன் பெறுங்கள்.

இன்னொரு காட்சியில் சப்பை விளையாடிக் கொண்டிருக்கும் வீடியோ கேமில், ஒரு காதல் ஜோடியை ஏலியன் ஸ்பேஸ்ஷிப் ஒன்று தூக்கிச்செல்வது போல் இருக்கும். 8 வருடங்கள் கழித்து ரிலீசான `சூப்பர் டீலக்ஸ்' படத்தில் வரும் காஜியின் கதையை நமக்கு அப்போதே சொல்லிவிட்டார் குமாரராஜா.

poovarasam pepee
poovarasam pepee

`சில்லுக்கருப்பட்டி' படத்தின் மூலமாக நம்மை அன்பில் நெகிழ வைத்த ஹலிதா ஷமீம் இயக்கத்தில் அடுத்து வெளியாக இருக்கும் படம் `ஏலே'. ஆனால், இந்தப் படத்தை பற்றிய ஈஸ்டர் எக்குகளை தனது முந்தைய படத்திலேயே ஒளித்துவைத்திருக்கிறார் அவர். `பூவரசம் பீப்பி' படத்தில் வரும் ஐஸ்வண்டியில், `ஏலே' என எழுதியிருக்கும். அதேபோல், `சில்லுக்கருப்பட்டி'யில் முகிலன் தனக்கு நிச்சயிக்கபட்ட பெண்ணிடம், ``ஏலே' படத்துக்குப் போலாமா?' என வாட்ஸ் அப்பில் செய்தி அனுப்பிக்கொண்டிருப்பார்.

'ஓரம் போ' படமெடுத்த புஷ்கர்-காயத்ரியின் அடுத்த படம் தான் 'வ: குவார்ட்டர் கட்டிங்'. இந்தப் படத்தில் ஆர்யா 'ஓரம் போ' படத்தில் ஓட்டிய அதே ஆட்டோவுடன் வந்து அட்டெண்டெண்ஸ் போட்டுவிட்டுப் போவார். இந்த `ஓரம் போ' ஆட்டோதான் எங்கெல்லாம் பயணித்திருக்கிறது!

va
va

`மாற்றான்' படத்தின் ஒரு ஃப்ரேமில் கே.வி.ஆனந்தின் முந்தைய படமான 'கோ' படத்தில் வருகின்ற, அதில் இறந்துபோகும் கதாபாத்திரமான 'சிறகுகள்' வசந்தனுக்கு நினைவஞ்சலி போஸ்டர் ஒட்டப்பட்டிருக்கும். அதேபோல்,`கோ' படத்தில், `அயன்' படத்திற்கு சினிமா விமர்சனம் எழுதுவது பற்றியான உரையாடலும் பத்திரிகை அலுவலகத்தில் எழும். `அனேகன்' படத்தில் நாயகியுடன் படிக்கும் மாணவியாக ஆங் சான் சூகியைக் காட்டியிருப்பார்கள்.

'ஜிகர்தண்டா' படத்தில் அசால்ட் சேதுவுக்கு தான் எடுத்த குறும்படங்களைப் போட்டுக் காட்டுவார் கார்த்திக். அவை எல்லாம் நிஜத்திலேயே, நாளைய இயக்குநர் நிகழ்ச்சிக்காகக் கார்த்திக் சுப்புராஜ் இயக்கிய திரைப்படங்கள். அதேபோல், `பீட்சா' படத்தின் முதல் காட்சியில் அமானுஷ்ய நிகழ்ச்சி ஒன்று தொலைக்காட்சியில் ஒளிபரப்பாகும். அந்த நிகழ்ச்சியின் தொழில்நுட்பக் கலைஞர்களாக, `பீட்சா' படத்தின் கலைஞர்கள் பெயரே வரும்.

jigarthanda
jigarthanda

'வாரணம் ஆயிரம்' படத்தில் அமெரிக்கா செல்ல விசா கிடைத்த குஷியில் கிடார் வாசித்துக்கொண்டிருப்பார் சூர்யா. `இது என்ன படம் பாட்டு' என வீட்டார் கேட்கையில், `இது என்னோட சொந்த கம்போஷிசன். இந்த மாதிரி டியூன்லாம் வர இன்னும் பத்து வருஷம் ஆகும்` என்பார் சூர்யா. அந்த ட்யூன், `வேட்டையாடு விளையாடு' படத்தில் வரும் `மஞ்சள் வெயில் மாலையிலே'.

இப்படி நீங்கள் பார்த்த படங்களில், நீங்கள் கவனித்த ஈஸ்டர் எக்குகளை கமென்ட்டில் தட்டிவிடுங்க மக்களே!
தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism