Published:Updated:

எம்.ஜி.ஆர் - ஒரு நிருபரின் டயரியிலிருந்து..!

M. G. Ramachandran - A Reporter's Diary
பிரீமியம் ஸ்டோரி
M. G. Ramachandran - A Reporter's Diary

MGR... He is a gem of a man!

எம்.ஜி.ஆர் - ஒரு நிருபரின் டயரியிலிருந்து..!

MGR... He is a gem of a man!

Published:Updated:
M. G. Ramachandran - A Reporter's Diary
பிரீமியம் ஸ்டோரி
M. G. Ramachandran - A Reporter's Diary

★ யாரையாவது ஒரு முறை பார்த்து சில நிமிடங்கள் பேசிவிட்டால் போதும் - பல வருடங்களுக்குப் பிறகு மீண்டும் அவரை திரு. எம்.ஜி.ஆர். சந்தித்தால் மறக்கவே மாட்டார். ``முன்பு ஒரு முறை நாம் இந்த இடத்தில் சந்தித்தோமே, அவர் தானே நீங்கள்?" என்று பளிச்சென்று கேட்பார். அத்தனை ஞாபக சக்தி!

ஒருவரோடு இரண்டு மூன்று நிமிடங்கள் பேசினாலும் கலகலப்பாகப் பேசி எதிரே இருப்பவரை எளிதில் கவர்ந்து விடும் சக்தி எம்.ஜி.ஆரிடம் அதிகம் உண்டு.

★ அவர் பத்திரிகையாளர்களுடன் கலகலப்பாகப் பேசுவார். இப்போது எப்படியோ எனக்குத் தெரியாது. ஏனென்றால், அவர் முதலமைச்சரான பிறகு நான் அவரைச் சந்தித்துப் பேசியது கிடையாது.

★ நல்ல கர்நாடக சங்கீதத்தை மனம் விட்டு ரசிப்பார்.

M. G. Ramachandran - A Reporter's Diary
M. G. Ramachandran - A Reporter's Diary

 ஒரு நாள் இரவு `ஒளி விளக்கு' படப் பிடிப்பின்போது ஷூட்டிங்கின் நடுவில் தான் கொண்டு வந்திருந்த டேப் ரிக்கார்டரைப் போட்டுக் கேட்டுக் கொண்டிருந்தார். பிரபல சங்கீத வித்வான் எம்.டி.ராமநாதன் பாடிய டேப் அது.

★ ஷூட்டிங் தொடர்ந்து நடந்து கொண்டேயிருந்தது. நடித்து விட்டு மீண்டும் தன் சீட்டில் போய் உட்கார்ந்து `டேப்' கேட்டார். அந்த நடுநிசியில் அவர் தன் முழு கவனத்தையும் செலுத்தி ரசித்துக் கேட்டுக் கொண்டிருந்தது, அன்று பகலில் ரேடியோவில் ஒலிபரப்பான சிறுவர் நிகழ்ச்சியில் ஜெயஸ்ரீ பாடிய காந்தி மகான் கதை.

★ இத்தனை பரம சங்கீத ரசிகராக இருப்பதால்தான் இவரது படப் பாடல்கள் பெரும் `ஹிட்' ஆயின.

★ நாடகங்களுக்குத் தலைமை தாங்கி அவை பற்றிப்பேசும்போது சிறுசிறு குறைகளைக்கூடக் குறிப்பாகக் கவனித்துச் சொல்லுவார். அதே போல, சிறு சிறு நல்ல 'பாயிண்டு'களையும் பாராட்டிப் பேசுவார். எப்படி இத்தனை விஷயங்களை இவர் ஞாபகம் வைத்துக்கொண்டு பேசுகிறார் என்று வியப்பாக இருக்கும்!

★ உடலைக் கட்டுமஸ்தாக `தொந்தி தொப்பை' இல்லாமல் வைத்திருந்தால் அவர்களைப் பாராட்டுவார்.

★ தன் வீட்டிலிருந்து ருசியாகச் சமைத்துக் கொண்டு வந்து மற்றவர்களுக்குப் போட்டுத் தானும் அவர்களோடு அமர்ந்து சாப்பிடுவது இவருக்கு மிகவும் பிடிக்கும்.

★ பழகுவதற்கு மிகவும் நல்லவர். அவரவர்களுக்குப் பிடித்த பொருளைப் பற்றி அவரவர்களோடு பேசுவார். பேசிப் பேசி `போர்' அடிக்க மாட்டார்.

He is a gem of a man.

- பாலா

(09.11.1980 தேதியிட்ட ஆனந்த விகடன் இதழிலிருந்து...)
தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism