மிஸ்டர் மியாவ்

இ யக்குநர் அஹமத் இயக்கவிருக்கும் படத்தில் நடித்துக்கொண்டிருக்கிறார், ஜெயம் ரவி. இதற்கிடையில் ‘ரோமியோ ஜூலியட்’ லஷ்மன் இயக்கிக்கொண்டிருக்கும் படத்திலும் விவசாயியாக நடிக்கிறார். ஜெயம் ரவியின் 25-வது படமான இதில், நிதி அகல்வால் ஹீரோயினாக நடிக்கிறார்.

‘து ருவங்கள் பதினாறு’ கார்த்திக் நரேன் இயக்கிக்கொண்டிருக்கும் ‘மாஃபியா’ படத்தில் ஹீரோவாக அருண் விஜய், ஹீரோயினாக பிரியா பவானி சங்கர் நடிக்கிறார்கள். முக்கிய கேரக்டரில் பிரசன்னாவும் இணைந்திருக்கிறார். படப்பிடிப்பு, தாய்லாந்தில் நடைபெறுகிறது. இந்த ஆண்டு இறுதியில் படத்தை ரிலீஸ் செய்ய திட்டமிட்டிருக்கிறார்கள்.

. ஏ .ஆர்.முருகதாஸ் இயக்கத்தில் விஜய் நடித்து ஹிட்டான படம், ‘கத்தி’. இது இந்தியில் ரீமேக் ஆகிறது. சஞ்சய் லீலா பன்சாலி தயாரிப்பில் அக்ஷய் குமார் ஹீரோவாக நடிக்கிறார் என்று சொல்லப்பட்ட நிலையில், இந்தப் படத்திலிருந்து அக்ஷய் குமார் விலகியிருக்கிறார்.

ந டிகர் சங்கக் கட்டட வேலைகள் முடிந்த பிறகு தன்னுடைய திருமணம் நடைபெறும் எனக் கூறியிருந்தார் விஷால். இவருக்கும் தெலுங்கு நடிகை அனிஷாவுக்கும் சில மாதங்களுக்கு முன்பு ஹைதராபாத்தில் நிச்சயதார்த்தம் நடந்து முடிந்தது. இந்த நிலையில், இந்தத் திருமணம் நின்றுவிட்டதாக சமூக வலைதளங்களில் தகவல்கள் பரவிவருகின்றன. ஆனால், இதுகுறித்துப் பேச இருவருமே மறுக்கிறார்கள்.

. ந ட்சத்திரத் தம்பதியான பிரசன்னா - சினேகாவுக்கு விஹான் என்கிற ஆண் குழந்தை உள்ளது. இப்போது சினேகா இரண்டாவது முறையாகக் கர்ப்பமடைந்திருக்கிறார். திரையுலகைச் சேர்ந்த பலரும் இவருக்கு வாழ்த்துகளைத் தெரிவித்துவருகின்றனர்.

. ஷ ங்கர் இயக்கத்தில் கமல் நடிக்கும் ‘இந்தியன் 2’ வேலைகள் நீண்ட இடைவெளிக்குப் பிறகு தொடங்கி, நடைபெற்றுக்கொண்டிருக்கின்றன. படத்தின் ஹீரோயினாக காஜல் அகர்வால் நடிக்க, ஐஸ்வர்யா ராஜேஷ் மற்றும் பிரியா பவானி சங்கர் இருவரும் முக்கியமான கேரக்டர்களில் நடிக்க இருந்தனர். இப்போது, கால்ஷீட் பிரச்னை காரணமாக இந்தப் படத்திலிருந்து விலகியிருக்கிறார் ஐஸ்வர்யா ராஜேஷ்.

ம்யூட்

சே ட்டை நடிகரின் படத்தை தானே தயாரிப்பேன் என அறிவித்தார், அப்பா. படத்தின் பட்ஜெட் எகிறிக்கொண்டிருப்பதால், தற்போது சிலரை அணுகி இணைந்து தயாரிக்கக் கேட்டுக்கொண்டிருக்கிறார். ‘பொறுப்பில்லாத பிள்ளைக்காக இப்படியெல்லாம் இறங்கணுமா!’ என்று அப்பாவுக்கு அட்வைஸ் கொடுத்துக்கொண்டிருக்கிறார்களாம் முன்னாள் சினிமா ஜாம்பவான்கள்.

ஒ ல்லி நடிகையின் எதிர்காலம் குறித்துக் கவலைப்பட்ட நடிகையின் பெற்றோர், திருமணம் செய்துவைக்கும் முடிவில் இருக்கிறார்கள். அப்செட்டில் இருக்கிறாராம் நடிகை.

மூ த்த இயக்குநரான அவர், இப்போது பிஸி நடிகர். சம்பள விஷயத்தில் கரகரக் குரலில் கறார் காட்டுகிறாராம். இதனால் பலரும் அவர்மீது வருத்தத்தில் இருக்கிறார்கள்.