Published:Updated:

மிஸ்டர் மியாவ்

‘பிகில்’ படத்துக்குப் பிறகு ‘மாநகரம்’ லோகேஷ் கனகராஜ் இயக்கத்தில் விஜய் நடிக்கவிருக்கும் படத்தில், அவருக்கு ஜோடியாக ராஷ்மிகா மந்தனா நடிப்பார் எனத் தெரிகிறது

பிரீமியம் ஸ்டோரி

* டாப்ஸி நடிப்பில் சமீபத்தில் வெளியான ‘கேம் ஓவர்’ திரைப்படம் நல்ல வரவேற்பைப் பெற்றது. இந்த நிலையில், இந்திய மகளிர் கிரிக்கெட் அணியின் கேப்டனாக வலம்வரும் மிதாலி ராஜின் வாழ்க்கை வரலாற்றை மையப்படுத்தி எடுக்கவிருக்கும் படத்தில், டாப்ஸியைக் கமிட் செய்திருக்கிறார்கள்.

டாப்ஸி,  ப்ரியா பவானி சங்கர்
டாப்ஸி, ப்ரியா பவானி சங்கர்

* ‘மான்ஸ்டர்’ படத்துக்குப் பிறகு ப்ரியா பவானி சங்கருக்குப் பல பட வாய்ப்புகள் வரத் தொடங்கியுள்ளன. ‘இன்று நேற்று நாளை’ படத்தில் கமிட் ஆகியிருக்கும் இவர், தற்போது அருண் விஜய் நடிக்கும் ‘மாஃபியா’ படத்திலும் ஹீரோயினாக நடிக்கிறார்.

* கோபி நயினார் இயக்கத்தில் நயன்தாரா நடித்த திரைப்படம், ‘அறம்’. இதைத் தொடர்ந்து ‘அறம் 2’ அறிவிப்பு வெளியானது. இந்தப் படத்தில் நயன்தாராவுக்குப் பதிலாக சமந்தா நடிப்பார் என்று தகவல்கள் வந்த நிலையில், அதில் உண்மை இல்லை என மறுத்திருக்கிறது சமந்தா தரப்பு.

* ‘ஒருநாள் கூத்து’ படத்தின் மூலமாகத் தமிழ் சினிமாவில் அறிமுகமானவர், நிவேதா பெத்துராஜ். தற்போது பிரபுதேவாவின் ‘பொன் மாணிக்கவேல்’ படத்திலும் விஜய் சேதுபதியின் ‘சங்கத் தமிழன்’ படத்திலும் நடித்து வருகிறார். இந்தப் படங்களுக்குப் பிறகு, அறிமுக இயக்குநர் பிரதீப் இயக்கவிருக்கும் படத்தில் ஒப்பந்தமாகியிருக்கிறார், நிவேதா. இது ஹீரோயினுக்கு முக்கியத்துவமுள்ள படம்.

ராஷ்மிகா மந்தனா, ஷெரின் காஞ்ச்வாலா
ராஷ்மிகா மந்தனா, ஷெரின் காஞ்ச்வாலா

* ‘நெஞ்சமுண்டு நேர்மையுண்டு ஓடு ராஜா’ படத்தில் ஹீரோயினாக நடித்த ஷெரின் காஞ்ச்வாலா, தற்போது சிபிராஜ் நடித்துக்கொண்டிருக்கும் ‘வால்டர்’ படத்தில் ஹீரோயினாக நடிக்கிறார். தொடர்ந்து தமிழில் நடிக்க வாய்ப்புகள் வருவதால், தமிழ் மொழியை விருப்பமுடன் கற்றுக்கொண்டிருக்கிறார் ஷெரின்.

* தெலுங்கு சினிமாவில் முன்னணி நடிகையாக இருப்பவர், ராஷ்மிகா மந்தனா. ‘பிகில்’ படத்துக்குப் பிறகு ‘மாநகரம்’ லோகேஷ் கனகராஜ் இயக்கத்தில் விஜய் நடிக்கவிருக்கும் படத்தில், அவருக்கு ஜோடியாக ராஷ்மிகா மந்தனா நடிப்பார் எனத் தெரிகிறது. தவிர, ராஷி கண்ணாவிடமும் பேச்சுவார்த்தை நடத்திவருகிறார்கள்.

Follow @ Google News: கூகுள் செய்திகள் பக்கத்தில் விகடன் இணையதளத்தை இங்கே கிளிக் செய்து ஃபாலோ செய்யுங்கள்... செய்திகளை உடனுக்குடன் பெறுங்கள்.

ம்யூட்

* ஹீரோவாக புரமோஷன் ஆன காமெடி நடிகரின் படம் பல சர்ச்சைகளைச் சந்தித்தது. அதனால், அப்செட்டில் இருக்கிறாராம் நடிகர்.

* உயரமான நடிகரின் முதல் படத்தை இயக்கிய இயக்குநர், மீண்டும் அந்த நடிகரை சந்தித்துக் கதை சொல்ல நேரம் கேட்டிருக்கிறார், நடிகர் தொடர்ந்து தவிர்த்துக்கொண்டிருக்கிறார். ‘இவரை ஹீரோ ஆக்கியதே நான்தான். என்னை சந்தித்துப் பேசுவதில் என்ன சிக்கல்?’ எனப் புலம்பித் தவிக்கிறாராம், இயக்குநர்.

* படிப்பில் தீவிர கவனம் செலுத்திக்கொண்டிருந்த கேரள நடிகைக்கு மீண்டும் நடிக்கும் ஆசை வந்தது. ஆனால், அதற்குப் பிறகு வந்த பல நடிகைகளில் டாப் கியரில் நடித்துக்கொண்டிருப்பதால், நடிகைக்கு வாய்ப்புகளே இல்லை. இதனால், திருமணம் செய்துகொண்டு செட்டில் ஆகும் எண்ணத்தில் இருக்கிறாராம்.

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism
அடுத்த கட்டுரைக்கு