Published:Updated:

மிஸ்டர் மியாவ்

விஜய் சேதுபதி போராளியாகவும், சூரி போலீஸாகவும் நடிக்கும் இந்தப் படத்தில்...

பிரீமியம் ஸ்டோரி

`மரகத நாணயம்’, `ராட்சசன்’ படங்களைத் தயாரித்த ஆக்செஸ் ஃபிலிம் ஃபேக்டரியின் அடுத்த படத்தில் வாணிபோஜனுடன் இணைகிறார் பரத். தான் நடித்து, 2019-ல் வெளியான ‘காளிதாஸு’க்குக் கிடைத்த பாசிடிவ் ரிவ்யூக்களால் உற்சாகமாக இருந்தவர், அடுத்தடுத்த கதைகளைக் கேட்பதற்குள் கொரோனா லாக்டௌன் வந்தது. இந்தப் பக்கம் 2020-ல் வெளியான ‘ஓ மை கடவுளே’ ஹிட்டால் உற்சாகமாக இருக்கும் வாணிபோஜனும் தகுந்த கதையை எதிர்பார்த்திருந்தார். இருவரும் இணையும் படம் என்பதால், இருவருமே பெரிய எதிர்பார்ப்புடன் இருக்கிறார்கள். இந்தப் படத்தைப் புதுமுக இயக்குநர் சக்திவேல் இயக்குகிறார். படத்தில் பாடல்களே இல்லை என்பது புதிய தகவல்!

மிஸ்டர் மியாவ்

விஜய் சேதுபதி, சூரி நடிக்க வெற்றிமாறன் இயக்கும் படத்துக்கு ‘விடுதலை’ என்று பெயரிடப்பட்டுள்ளது. விஜய் சேதுபதி போராளியாகவும், சூரி போலீஸாகவும் நடிக்கும் இந்தப் படத்தில் முக்கியமான கதாபாத்திரத்தில் நடிக்க கௌதம் வாசுதேவ் மேனன் ஒப்பந்தமாகியிருக்கிறார்.

சீரியல்களில் இப்போதெல்லாம் ‘அம்மன் கேரக்டரா, கூப்பிடுங்க அவரை’ என ‘சரவணன் மீனாட்சி’ ரச்சிதாவைத்தான் அழைக்கிறார்கள். தற்போது விஜய் டி.வி-யில் ‘நாம் இருவர் நமக்கு இருவர்’ தொடரில் நடித்துக்கொண்டிருக்கும் போதும்கூட இன்னொரு சேனலிலிருந்து, ‘ஒரு அம்மன் ரோல், கேமியோ-வா வந்துபோனா போதும்’ என அழைக்க, போய் நடித்துக் கொடுத்துவிட்டு வந்திருக்கிறார். ‘மூக்குத்தி அம்மன்’ நயன் மாதிரி சினிமாவுலயும் கூப்பிட்டா நல்லா இருக்கும் என்கிறார்.

மிஸ்டர் மியாவ்
மிஸ்டர் மியாவ்

நான்கு வருடங்களாக மலையாளப் படவுலகில் வலம்வந்து கொண்டிருந்த ரஜிஷா விஜயன், தனக்கு ‘கர்ணன்’ மூலம் கோலிவுட் விரித்த சிவப்புக் கம்பள வரவேற்பில் செம குஷி. மாரி செல்வராஜுக்கும் தனுஷுக்கும் நன்றிகளை வாரி வழங்கிக்கொண்டிருக்கும் ரஜிஷாவிடம் “அடுத்த படம் யார்கூட?” என்று கேட்டால், “இப்போதைக்கு நான் சொல்ல மாட்டேன். தயாரிப்புத் தரப்பிலிருந்து அறிவிப்பு வரும்” என்று சஸ்பென்ஸ் வைக்கிறார்.

உஷ்!

இப்போது நடக்கும் ஷெட்யூலுடன் தான் சம்பந்தப்பட்ட காட்சிகளை நடித்துக் கொடுத்துவிட்டு, அமெரிக்கா பறக்கிறார் உச்ச நடிகர். தேர்தல் ரிசல்ட் முடிந்ததும் பயணம் திட்டமிடப்பட்டுள்ளது. 10 வருடங்களுக்கு முன் நடந்த சிறுநீரக மாற்று சிகிச்சைக்கான செக்கப் அமெரிக்காவில் முடிந்து வந்ததும், அடுத்த பட அறிவிப்பு வரும் என்கிறது போயஸ் வட்டாரம். பேச்சிலும் சரி, அடுத்த படங்களிலும் சரி ‘நோ பாலிடிக்ஸ்’ என்று ஸ்ட்ரிக்ட்டான முடிவில் இருக்கிறாராம்!

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism
அடுத்த கட்டுரைக்கு