Published:Updated:

மிஸ்டர் மியாவ்

துருவ் விக்ரம் - மாரி செல்வராஜ் - பா.இரஞ்சித் கூட்டணி

பிரீமியம் ஸ்டோரி
  • தெலுங்கில் முன்னணி நடிகர் அல்லு அர்ஜுன். சமீபத்தில் இவர் நடித்த ‘அலா வைகுந்தபுரமுலு’ சூப்பர் டூப்பர் ஹிட். நீண்டகாலமாக `தமிழிலும் இவர் நடிக்கவிருக்கிறார்’ எனச் சொல்லப்பட்ட நிலையில், ‘புஷ்பா’ படம் மூலம் தமிழுக்கு வருகிறார் அல்லு. தெலுங்கு, தமிழ் என இரண்டு மொழிகளிலுமே இந்தப் படம் தயாராகிறது. ஏற்கெனவே அல்லுவுக்கு பெரிய ஹிட்ஸ் கொடுத்த சுகுமார், படத்தை இயக்குகிறார். ஆந்திராவில் தமிழர்கள் சுட்டுக்கொல்லப்பட்ட செம்மரக்கடத்தல் சம்பவம்தான் படத்தின் மையக்கரு. முக்கியமான கதாபாத்திரத்தில் விஜய் சேதுபதி நடிக்கிறார் என்பது கூடுதல் ட்விஸ்ட்!

  • துருவ் விக்ரமின் இரண்டாவது படத்துக்காக பல்வேறு இயக்குநர்களிடம் கதை கேட்டுவந்தார் விக்ரம். சில இயக்குநர்கள் ஸ்கிரிப்டையே கொடுத்துவிட்ட நிலையில், மாரி செல்வராஜ் சொன்ன கதை பிடித்துப்போக அடுத்து இந்தக் கூட்டணி இணைகிறது. படத்தை சோனி பிக்சர்ஸுடன் இணைந்து பா.இரஞ்சித் தயாரிக்கிறார்.

  • ‘மாஸ்டர்’ படத்தைவைத்து விஜய்யை மிரட்டிக்கொண்டிருக்கிறார் தமிழ்நாட்டின் முன்னாள் எம்.பி ஒருவர். ‘மாஸ்டர்’ படம் ஷூட்டிங்கில் இருக்கும்போதே பல கோடி ரூபாய்க்கு விநியோகஸ்தர்கள் வாங்கிவிட்டார்கள். தயாரிப்பாளருக்கு பணம் வந்துவிட்டது. விஜய்க்கும் சம்பளம் கொடுக்கப்பட்டுவிட்டது. ஆனால், கொரோனா பிரச்னையால் படம் ரிலீஸாகவில்லை. தியேட்டர்கள் எப்போது திறக்கப்படும் என்பதும் தெரியவில்லை. இப்போது விநியோகஸ்தர்கள் வாங்கிய பணத்துக்கு வட்டி எகிறுகிறது எனப் புலம்புகிறார்கள். அதனால், ‘தயாரிப்பாளர் கொஞ்சம் பணத்தைத் திருப்பிக் கொடுக்க வேண்டும். இல்லையென்றால், விஜய் வீட்டை விநியோகஸ்தர்கள் முற்றுகையிடுவார்கள்’ என மிரட்டல்விடுத்திருக்கிறாராம் அந்த ஏர்போர்ட் புகழ் எம்.பி.

சிம்ரன் - நயன்தாரா
சிம்ரன் - நயன்தாரா
  • சிம்ரன் சினிமாவுக்கு வந்து 25 ஆண்டுகள் ஆகின்றன. 1995-ம் ஆண்டு இந்திப்படம் மூலம் சினிமாவுக்குள் நுழைந்த சிம்ரன் தமிழ், தெலுங்கு, கன்னடம், இந்தி, உருது எனப் பல்வேறு மொழியில் 100-க்கும் மேற்பட்ட படங்களில் நடித்திருக்கிறார். கொரோனா பிரச்னைகள் முடிந்ததும் சில்வர் ஜூப்ளி விழா வைத்து கொண்டாட இருக்கிறாராம்.

  • ‘சந்திரமுகி’ வேட்டையன் ரிட்டன்ஸ். இந்த முறை வேட்டையன் ராஜாவாக ராகவா லாரன்ஸ். ஹீரோவாக யாரை நடிக்கவைக்கலாம் என பி.வாசு கேட்க, ரஜினி சொன்ன பெயர்தான் ராகவா லாரன்ஸாம். இந்தப் படம் முழுக்க வேட்டையன் மன்னனின் காமெடி அட்டகாசங்கள்தான் இருக்குமாம். சந்திரமுகியாக நயன்தாராவை நடிக்கவைக்க முயற்சிகள் நடக்கின்றனவாம்.

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism
அடுத்த கட்டுரைக்கு