Published:Updated:

மிஸ்டர் மியாவ்

‘எம்.மகன்’ இயக்குநர் திருமுருகன் இயக்கத்தில் ஒரு படம், சுராஜ் இயக்கத்தில் ஒரு படம் என வடிவேலு களத்தில் குதிக்க ஆயத்தமாகிவருகிறார்

பிரீமியம் ஸ்டோரி

‘ஏழாம் அறிவு’, ‘ராஜா ராணி’, ‘நீதானே என் பொன்வசந்தம்’ உள்ளிட்ட பல படங்களில் முக்கியமான கதாபாத்திரங்களில் நடித்துவந்த தான்யா பாலகிருஷ்ணன் பின் தெலுங்கு, கன்னடம் ஆகிய மொழிகளில் சில படங்களில் ஹீரோயினாகக் களமிறங்கினார். தற்போது, தமிழில் விதார்த்துக்கு ஜோடியாகியிருக்கிறார். ‘கார்பன்’ எனப் பெயரிடப்பட்டுள்ள இந்தப் படத்தை ‘அண்ணாதுரை’ படத்தை இயக்கிய நிவாசன் இயக்குகிறார்.

மிஸ்டர் மியாவ்

‘எம்.மகன்’ இயக்குநர் திருமுருகன் இயக்கத்தில் ஒரு படம், சுராஜ் இயக்கத்தில் ஒரு படம் என வடிவேலு களத்தில் குதிக்க ஆயத்தமாகிவருகிறார். குறிப்பாக, சுராஜ் இயக்கத்தில் உருவாகும் படத்துக்கு ‘நாய் சேகர்’ எனப் பெயரிடப்பட்டிருக்கிறது. நாய் சேகர் என்ற கதாபாத்திரமும் சுராஜ் இயக்கிய ‘தலைநகரம்’ படத்தில் இடம்பெற்றது. ஆனால், இந்தப் படத்தை யார் தயாரிக்கவிருக்கிறார்கள் என்பதை வெளியில் சொல்லாமல் இருக்கின்றனர். படத்தின் அனைத்து முடிவுகளையும் வடிவேலுதான் எடுக்கிறார் என்பதுதான் கோலிவுட்டில் ஹாட் டாக்!

மிஸ்டர் மியாவ்

நடிகை ரெஜினா கஸாண்ட்ராவுக்கு சர்ஃபிங் மீது ஆர்வம் அதிகம். ஹைதராபாத்தில் இருந்தவர், ஒரு படத்தின் ஷூட்டிங்குக்காக சென்னை வந்திருந்தார். அப்போது சர்ஃபிங் போட்டி ஒன்று கோவளத்தில் நடைபெறவிருப்பதைத் தெரிந்துகொண்டு, அதில் பங்குபெற்றது மட்டுமல்லாமல் அந்தப் போட்டியில் வென்றுமிருக்கிறார். இந்த வெற்றி, தன் மீதான நம்பிக்கையை அதிகரித்தது மட்டுமல்லாமல் பாசிட்டிவிட்டியையும் கொடுத்திருக்கிறது என்கிறார் ரெஜினா.

‘அசுரன்’ தெலுங்கு ரீமேக்கான ‘நாரப்பா’, ராணாவுடன் ‘விராட பர்வம்’, பாலிவுட்டில் அஜய் தேவ்கனுடன் ‘மைதான்’, மல்டிலிங்குவல் படங்களான ‘கொட்டேஷன் கேங்’, ‘சயனைடு’ எனப் பல மொழிகளிலும் செம பிஸியாக இருக்கிறார் பிரியாமணி. டெஸ்ட் போட்டியைப்போல மெதுவாகப் போய்க்கொண்டிருந்த இவரது இன்னிங்ஸ், தற்போது டி20 போல விறுவிறுவென தொடங்கிவிட்டதைத் தொடர்ந்து, பரபரப்பாக போட்டோ ஷூட் ஒன்றையும் நடத்தி முடித்திருக்கிறார்.

உஷ்...

உச்ச நடிகரின் பலமான படத்துக்கு எதிர்பார்ப்புகள் எகிறிக் கிடக்கிறது. இந்தியாவுக்கு கிரிக்கெட் விளையாட வந்த இங்கிலாந்து வீரரிடம், நம்மூர் ஆட்கள் அந்தப் படத்துக்கான அப்டேட்டைக் கேட்டு வைரலாக்கியது தரமான சம்பவம். “நாங்கள் வெற்றிபெற்றால் அப்டேட் கிடைக்கும்!” என்று தேசியக் கட்சியைச் சார்ந்தவர் சொன்னது அந்த நடிகரை கோபமூட்டியிருக்கிறது. நம்மைவைத்து அரசியல் செய்கிறார்கள் என்ற கடுப்பில், தயாரிப்பாளரிடம் சொல்லி அப்டேட் கொடுக்கவைத்திருக்கிறார் நடிகர்!

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism
அடுத்த கட்டுரைக்கு