Published:Updated:

மிஸ்டர் மியாவ்

 யாமி கெளதம்
பிரீமியம் ஸ்டோரி
News
யாமி கெளதம்

அருண் பாண்டியன் தயாரிக்கும் படத்தில் நாயகியாக அவரின் மகள்...

  • அசோக் செல்வன் தெலுங்கில் அறிமுகமாகும் படத்தில் நித்யா மேனன், ரீத்து வர்மா ஆகியோர் கதாநாயகிகளாக நடிக்க ஒப்பந்தமாகியுள்ளனர். ஐ.வி.சசியின் மகனும் மலையாளத்தில் பல ஹிட் படங்களை இயக்கியவருமான அனி சசி, இந்தப் படத்தை இயக்குகிறார். இதில் அசோக் செல்வனுக்கு செஃப் கேரக்டராம்.

ஹியூமா குரேஷி
ஹியூமா குரேஷி
  • ஹெச்.வினோத் இயக்கத்தில் அஜித் நடிக்கும் ‘வலிமை’ படத்தின் படப்பிடிப்பு, சென்னையில் நடைபெற்றுவருகிறது. கதாநாயகியாக யாமி கெளதம் நடிக்கிறார் என்ற தகவல் வந்த நிலையில், பாலிவுட் நடிகை ஹியூமா குரேஷியும் இந்தப் படத்தில் நடித்துவருகிறார் என்ற புதிய தகவல் இப்போது வெளியாகியிருக்கிறது. இவர் ‘காலா’ படத்தில் ரஜினியுடன் நடித்தவர் என்பது குறிப்பிடத்தக்கது.

  • மணிரத்னம் இயக்கும் ‘பொன்னியின் செல்வன்’ படத்தில் நடிப்பதற்காக தன்னைத் தயார்படுத்திவருகிறார், நடிகை த்ரிஷா. அதற்காக கல்கி எழுதிய ‘பொன்னியின் செல்வன்’ நாவலின் ஆங்கில வெர்ஷனைப் படித்துவருகிறார். ஐந்து பாகங்கள் உள்ள அந்த நாவலின் அட்டைப்படங்களை புகைப்படம் எடுத்து, தன் இன்ஸ்டாகிராம் பக்கத்தில் மகிழ்ச்சியுடன் பதிவிட்டுள்ளார்.

  • நடன இயக்குநர் பிருந்தா இயக்குநர் அவதாரம் எடுக்கும் படத்தில், துல்கர் சல்மானும் காஜல் அகர்வாலும் நடிக்கின்றனர். தற்போது, இந்தப் படத்தில் அதிதி ராவும் இணைந்துள்ளார்.

 யாமி கெளதம்
யாமி கெளதம்
  • மலையாளத்தில் வெளியாகி ஹிட்டான ‘ஹெலன்’ படத்தை தமிழில் ரீமேக் செய்யவிருக்கிறார்கள். அருண் பாண்டியன் தயாரிக்கும் இந்தப் படத்தில் நாயகியாக அவரின் மகள் கீர்த்தி பாண்டியன் நடிக்கிறார். ‘இதற்குத்தானே ஆசைப்பட்டாய் பாலகுமாரா’, ‘காஷ்மோரா’, ‘ஜுங்கா’ உள்ளிட்ட படங்களை இயக்கிய கோகுல்தான், இந்தப் படத்தை இயக்கவிருக்கிறார்.

ம்யூட்

  • சமீபத்தில் வெளியான உச்ச நட்சத்திரத்தின் படத்தில், அவரது ‘வின்டேஜ்’ படத்தின் இசை இடம்பெற்றது. அந்த இசைக்கு காப்பி ரைட் வைத்துள்ள ஆடியோ நிறுவனம் வழக்கு தொடுத்ததில், பெரிய தொகை ஒன்றை நஷ்டஈடாகக் கொடுக்குமாறு தீர்ப்பு வந்தது. இந்தப் பிரச்னையை சுமுகமாகத் தீர்க்க நினைத்த அந்த உச்ச நட்சத்திரம், மற்ற மொழிகளில் இருக்கும் தன் நண்பர்களான டாப் ஸ்டார்களை வைத்து அந்த நிறுவனத்திடம் பேசியிருப்பதாக தகவல்.