Published:Updated:

மிஸ்டர் மியாவ்

மிஸ்டர் மியாவ்
பிரீமியம் ஸ்டோரி
மிஸ்டர் மியாவ்

மலையாளத்தில் அறிமுகமாகி அடுத்தடுத்து கன்னடம், இந்தி, தமிழ் என பிஸியாக வலம்வந்துகொண்டிருக்கிறார் நடிகை மாளவிகா மோகனன்

மிஸ்டர் மியாவ்

மலையாளத்தில் அறிமுகமாகி அடுத்தடுத்து கன்னடம், இந்தி, தமிழ் என பிஸியாக வலம்வந்துகொண்டிருக்கிறார் நடிகை மாளவிகா மோகனன்

Published:Updated:
மிஸ்டர் மியாவ்
பிரீமியம் ஸ்டோரி
மிஸ்டர் மியாவ்

* நடிகைகளுக்குக் கோயில் கட்டுவது கோலிவுட்டுக்குப் புதிதல்ல என்பதை இன்னொரு முறை நிரூபித்திருக்கிறார்கள் சென்னை வாலிபர்கள். குஷ்பு, நமீதா, நயன்தாரா, ஹன்சிகா வரிசையில் தற்போது நிதி அகர்வாலுக்கும் சென்னையில் கோயில் கட்டியிருக்கிறார்கள். இதில் ஆச்சர்யம் என்னவென்றால், ‘ஈஸ்வரன்’, ‘பூமி’ என நிதியின் இரண்டு படங்கள் மட்டுமே இதுவரை வெளியாகியிருக்கின்றன. ‘ரசிகர்களின் காதலர் தினப் பரிசாக எடுத்துக்கொள்கிறேன்’ என்று கூறியிருக்கும் நிதி, கோயில் விஷயத்தில் செம குஷியாம்.

* ‘பில்லா’, ‘ஆரம்பம்’ படங்களுக்குப் பிறகு மீண்டும் அஜித்தைவைத்துப் படம் இயக்க வேண்டும் என முயன்று சோர்ந்துபோன விஷ்ணுவர்தன், பாலிவுட்டுக்கே சென்றுவிட்டார். அங்கு இரண்டு படங்களை இயக்கிவிட்டு, மூன்றாவது படத்துக்கான வேலையையும் ஆரம்பித்திருந்த நிலையில், அவரை மீண்டும் தமிழுக்கு அழைத்துவரவிருக்கிறார் ‘மாஸ்டர்’ தயாரிப்பாளர் சேவியர் பிரிட்டோ. இவரின் மருமகனும், அதர்வாவின் தம்பியுமான ஆகாஷுக்கும் நடிப்பதில் ஆர்வம் என்பதால், தனது அடுத்த படத்தை ஆகாஷை வைத்தே தயாரிக்கிறார் பிரிட்டோ. இந்தப் படத்தை இயக்குவதற்காகத்தான் விஷ்ணுவர்தனிடமும் பேசிவருகிறாராம்.

மிஸ்டர் மியாவ்

* மலையாளத்தில் அறிமுகமாகி அடுத்தடுத்து கன்னடம், இந்தி, தமிழ் என பிஸியாக வலம்வந்துகொண்டிருக்கிறார் நடிகை மாளவிகா மோகனன். திரையில் பார்ப்பதைவிட இன்ஸ்டாகிராம் போட்டோக்களில் இவரைப் பார்க்கத் துடிக்கும் இளைஞர்கள் அதிகம். தனுஷுடன் நடிக்கும் படத்தின் முதல் ஷெட்யூல் முடிந்தவுடன், பாலிவுட் படம் ஒன்றை கமிட் செய்திருக்கிறார். ‘யுத்ரா’ எனப் பெயரிடப்பட்டிருக்கும் இந்தப் படத்தில் ‘கல்லி பாய்’ புகழ் சித்தார்த் சதுர்வேதியுடன் நடிக்கிறார் மாளவிகா.

* ஐசரி கணேஷ் தயாரிப்பில், கெளதம் மேனன் இயக்கத்தில், சிம்பு நடிக்கவிருக்கும் படத்துக்கான வேலைகள் வேகமாக நடந்து வருகின்றன. ஒரு பக்கம் ஏ.ஆர்.ரஹ்மானிடம் ட்யூன் வாங்குவதில் பிஸியாக இருக்கும் கெளதம் மேனன், இன்னொரு பக்கம் இந்தப் படத்தின் ஹீரோயின் தேர்விலும் பிஸியாக இருக்கிறார். ‘த்ரிஷா இல்லனா நயன்தாரா’ என்ற பட டைட்டில்போலவே இந்தப் படத்துக்கும் த்ரிஷா, நயன்தாராவிடம்தான் பேசியிருக்கிறார்களாம். இதுவரைக்கும் கெளதம் மேனன் இயக்கத்தில் நயன்தாரா நடிக்கவில்லை என்பதால், இந்தப் படத்தில் நயன்தாரா நடிக்க அதிக வாய்ப்புகள் இருக்கின்றன என்கிறார்கள்.

உஷ்...

நட்சத்திரங்களும் காக்கிகளும் உறுப்பினர்களாக இருக்கும் வாட்ஸ்அப் குழு, சமீபத்தில் சென்னையிலுள்ள நட்சத்திர விடுதியில் கெட் டுகெதர் பார்ட்டி ஒன்றை நடத்தியிருக்கிறது. இதில் நடிகர்கள், அரசியல்வாதிகள் எனப் பலரும் கலந்து கொண்டிருக்கிறார்கள். இந்த பார்ட்டிக்கான மொத்தச் செலவையும் பிரபல லாட்டரிப்புள்ளியே செய்திருக்கிறார். இது அவரின் திருமண நாளுக்கான பார்ட்டி என்கிறார்கள்!