Published:Updated:

மிஸ்டர் மியாவ்

ராஷி கன்னா
பிரீமியம் ஸ்டோரி
News
ராஷி கன்னா

நெட்ஃப்ளிக்ஸுக்காக கெளதம் மேனன், வெற்றிமாறன், சுதா கொங்கரா, விக்னேஷ் சிவன் இயக்கும் ஆணவக்கொலை பற்றிய ஆந்தாலஜி படம் கிட்டத்தட்ட முடிந்துவிட்டது.

* கேரளாவில் சமீபத்தில் செம ஹிட் அடித்த படம், ‘அய்யப்பனும் கோஷியும்.’ பிரித்விராஜ், பிஜுமேனன் நடித்த இந்தப் படத்தின் தமிழ் ரீமேக் உரிமையை ‘ஆடுகளம்’ படத்தைத் தயாரித்த கதிரேசன் வாங்கியிருக்கிறார். தமிழில் `சசிகுமாரும் சரத்குமாரும் நடிக்கிறார்கள்’ என முதலில் சொல்லப்பட்டது. அடுத்து, `சசிகுமாரும் ஆர்யாவும் நடிக்கிறார்கள்’ எனச் செய்திகள் வந்தன. உண்மையில், இதுவரை சசிகுமார் மட்டுமே இந்தப் படத்துக்காக ஒப்பந்தம் செய்யப்பட்டிருக்கிறார். இன்னொரு நடிகரை இறுதிசெய்யும் பணிகள் முழுவீச்சில் நடக்கின்றன.

ராஷி கன்னா
ராஷி கன்னா

இன்ஸ்டாகிராமில் ஸ்ருதிஹாசன், ஆண்ட்ரியா ஆகியோர் பியானோ வாசித்தபடியே பாடி ரசிகர்களை உற்சாகப்படுத்த, ராஷி கன்னாவோ கிட்டாரோடு வந்து அசத்துகிறார். கிட்டார் இசைக்கக் கற்றுவரும் ராஷி, கிட்டார் இசைத்தபடியே பாடும் வீடியோக்களுக்கு லைக்ஸ் குவிந்துவருகிறது.

விகடன் Daily

Quiz

சேலஞ்ச்!

ஈஸியா பதில் சொல்லுங்க...

ரூ.1000 பரிசு வெல்லுங்க...

Exclusive on APP only
Start Quiz

உங்கள் அன்றாட தேவைகளின் அனைத்து பொருட்களையும் சிறந்த தள்ளுபடியில் வாங்க

VIKATAN DEALS

* மீண்டும் கார்த்தியை இயக்குகிறார் முத்தையா. ஏற்கெனவே ‘கொம்பன்’ படத்தை கார்த்தியைவைத்து ஹிட் கொடுத்த முத்தையாவுக்கு அதன் பிறகு தீவிரமான சாதிய அடையாளம் விழுந்தது. அடுத்தடுத்து முத்தையா இயக்கிய ‘மருது’, ‘கொடிவீரன்’, ‘தேவராட்டம்’ ஆகியவையும் சாதியைப் பின்னணியாகக் கொண்ட படங்களே. இப்போது ஒரு மாஸ் படம் இயக்குவதற்காகத் திரும்ப கார்த்தியுடன் இணைந்திருக்கிறார். இதுவும் மதுரையை மையமாகக்கொண்ட படம்தானாம். இந்தப் படத்தை கார்த்தியின் அண்ணன் சூர்யாவே தயாரிக்கிறார்.

* நடிகர் அஜித்குமார் தன் மனைவி ஷாலினியுடன் சென்னையிலுள்ள ஒரு தனியார் மருத்துவமனைக்குச் சென்ற வீடியோ சமீபத்தில் வைரல் ஆனது. அஜித் தரப்பில் ‘‘ஒவ்வோர் ஆண்டும் செக்அப் செய்துகொள்வது அஜித்தின் வழக்கம். அதன்படி ரெகுலர் செக்அப்-புக்காகச் சென்று வந்தார்’’ என்கிறார்கள். வேறு சிலரோ, தன் தந்தைக்காகத்தான் மருத்துவமனைக்கு அஜித் வந்ததாகச் சொல்கிறார்கள்.

* நெட்ஃப்ளிக்ஸுக்காக கெளதம் மேனன், வெற்றிமாறன், சுதா கொங்கரா, விக்னேஷ் சிவன் இயக்கும் ஆணவக்கொலை பற்றிய ஆந்தாலஜி படம் கிட்டத்தட்ட முடிந்துவிட்டது. ஒவ்வோர் இயக்குநரும் அரை மணி நேரப் படத்தை இயக்கியிருக்கிறார்கள். இதில் சுதா கொங்கரா கொடைக்கானலில் நடப்பதுபோலக் கதைக்களத்தை அமைத்திருக்கிறார். ஒவ்வோர் இயக்குநரின் படத்திலும் பல முக்கியமான நடிகர்கள், இயக்குநர்கள் நடித்திருக்கிறார்கள்.