Published:Updated:

மிஸ்டர் மியாவ்

ஊரடங்கு காலத்தைப் பயனுள்ள வகையில் கழிக்க, ஆன்லைன் கோர்ஸில் சேர்ந்திருக்கிறார் நடிகர் விஜய் சேதுபதி.

பிரீமியம் ஸ்டோரி
  • ஹீரோக்களைப்போலவே ஹீரோயின்களும் ஆன்லைனில் பிஸி. நடிப்புக்கான ஸ்பெஷல் கோர்ஸில் சேர்ந்திருக்கிறார் சமந்தா. தன் நடிப்புத்திறனை இன்னும் மெருக்கேற்றிக்கொள்ளத்தான் இந்தக் கணினிவழி படிப்பாம்.

  • வடிவேலு ரிட்டன்ஸ். இந்த முறை சினிமாவில் அல்ல... வெப்சீரிஸில்! ‘‘சீக்கிரம் முழுத்தகவலையும் சொல்றேன்... அதுவரைக்கும் கொஞ்சம் பொறுங்க என் தெய்வமே..!’’ என்கிறார் வைகைப்புயல்.

சமந்தா
சமந்தா
  • ஊரடங்கு காலத்தைப் பயனுள்ள வகையில் கழிக்க, ஆன்லைன் கோர்ஸில் சேர்ந்திருக்கிறார் நடிகர் விஜய் சேதுபதி. தினமும் மாலையில் ஒரு மணி நேரம் ஆன்லைன் வகுப்பு. என்ன கோர்ஸ் என்பது மட்டும் சஸ்பென்ஸ்! விஜய் சேதுபதி ஆன்லைனில் படிக்க, சிவகார்த்திகேயனோ ஆன்லைனில் ஹோம்வொர்க் செய்கிறார். ஆமாம்... பள்ளியில் இருந்து ஆன்லைன் வழியே அனுப்பப்படும் அசைன்மென்ட்டுகளை மகள் ஆராதனா செய்துகொண்டிருக்க, பக்கத்தில் உட்கார்ந்து தேவையான உதவிகளை சின்சியராக செய்கிறாராம் சிவகார்த்திகேயன்.

  • தமிழ் சினிமா உலகுக்கு 2020-ம் ஆண்டு மிகவும் சுமாரான ஆண்டாக இருக்கும் என்கிறார்கள். ஜனவரி தொடங்கி மார்ச் வரை ரிலீஸான படங்களில் பெரிய ஹிட் எதுவும் இல்லை. அதிகம் எதிர்பார்க்கப்பட்ட ரஜினியின் ‘தர்பார்’ படமும் வசூலில் சுமார். இந்த ஆண்டு பெரிய ரிலீஸாக விஜய்யின் ‘மாஸ்டர்’, அஜித்தின் ‘வலிமை’, ரஜினியின் ‘அண்ணாத்த’, சூர்யாவின் ‘சூரரைப் போற்று’ ஆகிய படங்கள் எதிர்பார்க்கப்பட்டன. ‘மாஸ்டர்’ மற்றும் ‘சூரரைப் போற்று’ படங்கள் மட்டுமே ஊரடங்கு முடிந்ததும் ரிலீஸ். ‘வலிமை’யும், ‘அண்ணாத்த’யும் அடுத்த ஆண்டுக்குத் தள்ளிப்போயிருக்கின்றன. இதனால் பெரும் இழப்பை சினிமா உலகம் சந்திக்கும் என்கிறார்கள்.

நயன்தாரா - விக்னேஷ் சிவன்
நயன்தாரா - விக்னேஷ் சிவன்
  • நீண்டகாலமாக லிவ்-இன்னிலேயே இருக்கும் நயன்தாரா - விக்னேஷ் சிவன் இருவருக்கும், இந்த ஆண்டு டிசம்பரில் திருமணம் நடக்க இருப்பதாகக் கிசுகிசுக்கிறது கோடம்பாக்கம். நயன்தாரா கிறிஸ்துவராக இருந்தாலும், முழுக்க முழுக்க இந்து முறைப்படிதான் திருமணம் நடக்க இருக்கிறதாம். விக்னேஷ் சிவன் இயக்கும் ‘காத்துவாக்குல ரெண்டு காதல்’ படம்தான், திருமணத்துக்கு முன் நயன் நடிக்கும் கடைசிப் படமாக இருக்கும்.

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism
அடுத்த கட்டுரைக்கு