Published:Updated:

மிஸ்டர் மியாவ்

மிஸ்டர் மியாவ்
பிரீமியம் ஸ்டோரி
மிஸ்டர் மியாவ்

``கொரோனா தொற்றிலிருந்து குணமடைந்துவிட்டாலும், முன்புபோல என்னால் வேகமாக உடற்பயிற்சி செய்ய முடியவில்லை’’

மிஸ்டர் மியாவ்

``கொரோனா தொற்றிலிருந்து குணமடைந்துவிட்டாலும், முன்புபோல என்னால் வேகமாக உடற்பயிற்சி செய்ய முடியவில்லை’’

Published:Updated:
மிஸ்டர் மியாவ்
பிரீமியம் ஸ்டோரி
மிஸ்டர் மியாவ்

* கிளாமர் ரோல்களில் நடித்து தமிழகத்து மச்சான்களைக் கவர்ந்தவர் நமீதா. 2017-ம் ஆண்டு வீரேந்திர செளத்ரி என்பவரை மணம் முடித்தார். உடல் எடை அதிகரித்ததன் காரணமாக, திருமணத்துக்குப் பிறகு நடிப்பதைத் தவிர்த்து அரசியலில் இறங்கினார் நமீதா. தற்போது மீண்டும் உடல் எடையைக் குறைத்து சினிமாவுக்குள் ரீ-என்ட்ரி கொடுத்திருக்கிறார். தமிழ் மற்றும் மலையாளத்தில் உருவாகும் `பவ் வவ்’ (Bow Wow) என்ற படத்தில் Blogger கதாபாத்திரத்தில் நடித்து வருகிறார். திருவனந்தபுரத்தில் இந்தப் படத்தின் படப்பிடிப்பு முழுவீச்சில் நடைபெற்றுவருகிறது. நமீதாவின் ரெண்டாம் ஆட்டம் ஸ்டார்ட்!

நமீதா - பூர்ணா
நமீதா - பூர்ணா

* தமிழில் `தகராறு’, `வித்தகன்’ உள்ளிட்ட படங்களில் கதாநாயகியாகவும் `சவரக்கத்தி’, `லாக்கப்’ உள்ளிட்ட படங்களில் குணச்சித்திர நடிகையாகவும் நடித்து, தன் நடிப்பின் மூலம் தமிழ் ரசிகர்கள் மத்தியில் பிரபலமடைந்தவர் பூர்ணா. ஜெயலலிதாவின் வாழ்க்கையை மையமாகவைத்து எடுக்கப்படும் `தலைவி’ படத்தில் சசிகலா கதாபாத்திரத்தில் நடித்திருக்கிறார். தற்போது தெலுங்கில் `பேக் டோர்’ (Back Door) என்ற வுமன் சென்ட்ரிக் படத்தில் கதாநாயகியாக நடித்துக்கொண்டிருக்கிறார். பூர்ணா சமீபத்தில் நடத்திய போட்டோஷூட் படங்களும் இணையத்தில் வைரலாகிக்கொண்டிருக்கின்றன.

* ஜீ5 ஓடிடி தளத்தில் நேரடியாக வெளியான `இஃக்லூ’ படத்தின் மூலம், தமிழக இளைஞர்கள் மத்தியில் வரவேற்பைப் பெற்றவர் மலையாள நடிகை அஞ்சு குரியன். லாக்டெளன் காலத்தில் போட்டோஷூட் நடத்தி இன்ஸ்டாகிராமில் பதிவேற்றி, அதன் மூலம் லட்சக்கணக்கான ஃபாலோயர்களைப் பெற்றார் அஞ்சு. தற்போது `மேப்படியான்’ என்ற மலையாளப் படத்தில் உன்னி முகுந்துக்கு ஜோடியாக நடித்துவருகிறார். நடிப்பில் பிஸியாகி விட்டாலும், இன்ஸ்டாகிராமில் தினம் ஒரு புகைப்படத்தையாவது பதிவேற்றி ரசிகர்களை உற்சாகப்படுத்துவதைக் கைவிடாமலிருக்கிறார் அஞ்சு.

ஒட்டுமொத்த விகடனுக்கும் ஒரே ஷார்ட்கட்!

அஞ்சு குரியன் - தமன்னா - சாக்‌ஷி அகர்வா
அஞ்சு குரியன் - தமன்னா - சாக்‌ஷி அகர்வா

* ஹைதராபாத்தில் தெலுங்குப் படப்பிடிப்புக்காகச் சென்றிருந்த தமன்னாவுக்கு கொரோனா தொற்று ஏற்பட்டது. தொற்றிலிருந்து மீண்டு வந்தவர், வீடியோ ஒன்றை வெளியிட்டார். அந்த வீடியோவில், ``கொரோனா தொற்றிலிருந்து குணமடைந்துவிட்டாலும், முன்புபோல என்னால் வேகமாக உடற்பயிற்சி செய்ய முடியவில்லை’’ என்று சொல்லி ரசிகர்களுக்கு அதிர்ச்சி தந்தார். தற்போது உற்சாகமாக ஒரு போட்டோ ஷூட் நடத்தி மீண்டும் தன் ரசிகர்களை மகிழ்ச்சியடையச் செய்திருக்கிறார் தமன்னா.வெண்ணிற உடையிலிருக்கும் தமன்னாவின் அழகிய புகைப்படம், இன்ஸ்டாகிராமில் இப்போது வைரல்!

*`காலா’, `விஸ்வாசம்’ உள்ளிட்ட படங்களில் துணை நடிகையாக நடித்த சாக்‌ஷி அகர்வாலுக்கு, ‘பிக் பாஸ்’ மூன்றாவது சீஸன் திருப்புமுனையாக அமைந்தது. பிக் பாஸுக்குப் பிறகு `புரவி’ என்ற வுமன் சென்ட்ரிக் படத்தில் கதாநாயகியாக கமிட்டானார். தொடர்ந்து, எஸ்.ஏ.சந்திரசேகர் இயக்கத்தில் சமுத்திரக்கனி நடிக்கும் படத்திலும் கதாநாயகியாக நடிக்கிறார் சாக்‌ஷி. இந்தப் படத்தின் படப்பிடிப்பு, சமீபத்தில் சென்னையில் தொடங்கிவிட்டது.

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism