Published:Updated:

மிஸ்டர் மியாவ்

விதவிதமான உடைகளில் அல்லது விதவிதமான தீம்களில் போட்டோ ஷூட் நடத்தி வெளியிடுவது ஒரு நடிகையின் கரியரில் இயல்பு.

பிரீமியம் ஸ்டோரி

* சினிமாவில் முன்னணி நடிகையாக இருந்தாலும், ஓடிடி தளங்களில் வெளியாகும் வெப் சீரிஸ்களில் நடிக்க ஆர்வம் காட்டிவருகிறார் தமன்னா. தமிழில் விகடன் தயாரித்த ‘நவம்பர் ஸ்டோரி’ என்ற வெப் சீரிஸில் நடித்து முடித்திருக்கிறார். அது விரைவில் ஹாட்ஸ்டாரில் வெளியாகவிருக்கிறது. இதைத் தொடர்ந்து, தெலுங்கில் ‘11th Hour’ என்ற வெப் சீரிஸிலும் நடித்து முடித்திருக்கிறார். பிரவீன் சட்டரு என்பவர் இயக்கியிருக்கும் இதுவும் தமன்னாவை மையப்படுத்தியக் கதைதானாம். இது ‘ஆஹா ஒரிஜினல்ஸ்’ தளத்தில் வெளியாகவிருக்கிறது.

மிஸ்டர் மியாவ்

* விதவிதமான உடைகளில் அல்லது விதவிதமான தீம்களில் போட்டோ ஷூட் நடத்தி வெளியிடுவது ஒரு நடிகையின் கரியரில் இயல்பு. அப்படி வெளியிடப்பட்ட மடோனா செபாஸ்டியனின் சமீபத்திய போட்டோ ஷூட் ஒன்று நெட்டிசன்களை அதிர்ச்சிக்குள்ளாக்கியது. வெள்ளை நிற திருமண உடையில் மடோனா எடுத்துக்கொண்ட புகைப்படங்கள்தான் அவை. மணமகன்போல் ஜம்மென்று இளைஞர் ஒருவரும் அவருடன் போஸ் கொடுக்க, `மடோனாவுக்குத் திருமணம் முடிந்துவிட்டது’ என நினைத்து அதை வைரலாக்கிவிட்டனர்.

* தன் கணவர் கெளதம் கிச்லுவுடன் ஹனிமூனுக்காக மாலத்தீவு சென்றிருக்கும் காஜல் அகர்வால், அங்கிருந்து புகைப்படங்களை இன்ஸ்டாகிராமில் அள்ளி வீசிவருகிறார். ஏற்கெனவே, தன் தோழிகளுடன் ஜுவல்லரி பிசினஸ் செய்துவரும் காஜலுக்கு, ஆன்லைன் கேம்கள் என்றால் அத்தனை இஷ்டமாம். அதனால், மும்பையில் இயங்கிவரும் ஆன்லைன் கேமிங் கம்பெனியில் 15 சதவிகிதப் பங்கை வாங்கியிருக்கிறார்.

மிஸ்டர் மியாவ்

* ‘ஆலிஸ்’, ‘FIR’, ‘தி சேஸ்’, ‘காதலிக்க யாருமில்லை’, ‘ஹேஷ்டேக் லவ்’ எனக் கைவசம் நிறைய படங்களை வைத்திருக்கிறார் ரைசா. இவர் இன்ஸ்டாகிராமில் அடிக்கடி புகைப்படங்கள் பதிவிடுவதும் லைவ்வில் வருவதும் வழக்கம். ஒரு குறிப்பிட்ட இடைவெளியில் கிளாமர் புகைப்படம் ஒன்றையும் பதிவிடுவார். அப்படி லேட்டஸ்ட்டாக அவர் பதிவிட்ட கறுப்பு நிற நீச்சல் உடை புகைப்படம் செம வைரல்.

* ‘பலூன்’, ‘லிசா’ உள்ளிட்ட ஹாரர் படங்களைத் தொடர்ந்து, மீண்டுமொரு ஹாரர் படத்தில் அஞ்சலியும் யோகிபாபுவும் இணைந்திருக்கிறார்கள். ‘பூச்சாண்டி’ எனப் பெயரிடப்பட்டிருக்கும் இந்தப் படத்தை கிருஷ்ணன் ஜெயராஜ் இயக்குகிறார். இந்தப் படத்தில் கூடைப்பந்து வீராங்கனையாக நடிக்கிறாராம் அஞ்சலி. டோலிவுட்டில் கவனம் செலுத்திவரும் இவரின் கைவசம் ‘ஆனந்த பைரவி’, ‘வக்கீல் சாப்’ என இரண்டு தெலுங்குப் படங்கள் இருக்கின்றன.

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism
அடுத்த கட்டுரைக்கு