Published:Updated:

மிஸ்டர் மியாவ்

மணிரத்னம் தயாரிக்கும் ‘நவரசா’ ஆந்தாலஜி கதையின் ரதீந்திரன் இயக்கும் பகுதியில், சித்தார்த்தும், மலையாள நடிகை பார்வதியும் நடிக்கின்றனர்.

பிரீமியம் ஸ்டோரி

* நானியின் 25-வது படமான ‘V’ எதிர்பார்த்த அளவுக்கு ஹிட்டாகவில்லை. தற்போது, ‘டக் ஜெகதீஷ்’ என்ற படத்தில் ஐஸ்வர்யா ராஜேஷ், ரீது வர்மா ஆகியோருடன் நடித்துவருகிறார். இதைத் தொடர்ந்து, நானி நடிக்கும் படம், ‘ஷியாம் சிங்கராய்.’ இந்தப் படத்தில் அவருக்கு ஜோடியாக சாய் பல்லவி, கீர்த்தி ஷெட்டி என இரண்டு ஹீரோயின்கள் நடிக்கவிருக்கிறார்கள். ஏற்கெனவே, ‘மிடில் கிளாஸ் அபாயி’ என்ற படத்தில் நானி - சாய் பல்லவி ஜோடி இணைந்து நடித்திருந்தது குறிப்பிடத்தக்கது.

மிஸ்டர் மியாவ்

* கன்னடத்தில் நடிகை ப்ரியா ஆனந்துக்கு நல்ல மார்க்கெட் இருக்கிறது. புனீத் ராஜ்குமாருக்கு ஜோடியாக ‘ராஜ்குமாரா’ என்ற படத்தின் மூலம் கன்னடத்தில் அறிமுகமானார் ப்ரியா. படமும் சூப்பர் ஹிட். அதன் பிறகு, ‘ஆரஞ்ச்’ என்ற படத்தில் நடித்தார். அதுவும் ஹிட். தற்போது இரண்டு கன்னடப் படங்களில் கமிட்டாகியிருக்கிறார். ஒன்று, சிவராஜ்குமாருடன் ‘RDX’, மற்றொன்று, புனீத் ராஜ்குமாருடன் ‘ஜேம்ஸ்.’ இரண்டுமே முன்னணி ஹீரோக்களுடன் நடிக்கும் படம் என்பதால் பயங்கர குஷியில் இருக்கிறாராம் ப்ரியா.

* மணிரத்னம் தயாரிக்கும் ‘நவரசா’ ஆந்தாலஜி கதையின் ரதீந்திரன் இயக்கும் பகுதியில், சித்தார்த்தும், மலையாள நடிகை பார்வதியும் நடிக்கின்றனர். ‘பெங்களூர் நாட்கள்’ படத்துக்குப் பிறகு, பார்வதி தமிழில் நடிக்கும் படம் இது. தவிர, வஸந்த் இயக்கத்தில் தயாராகியுள்ள ‘சிவரஞ்சனியும் இன்னும் சில பெண்களும்’ படமும் வெளியாகக் காத்திருக்கிறது.

* லாக்டெளன் முடிந்ததும், மாலத்தீவுக்குச் சென்று ரிலாக்ஸ் செய்துகொண்ட டாப்ஸி, தற்போது ‘ராஷ்மி ராக்கெட்’ படத்தில் நடித்துவருகிறார். இது தடகள வீராங்கனையின் கதை. அதனால், தினமும் அதற்கான பயிற்சிகளை மேற்கொள்வதுடன், படத்தின் ஷூட்டிங்கிலும் கலந்து கொள்கிறார். நடிப்புக்கு ஸ்கோப் உள்ள படமாம் இது. இது தவிர, ‘ஹசீன் தில்ரூபா’, ‘சபாஷ் மித்து’, தமிழில் ஜெயம் ரவியுடன் ‘ஜன கண மன’, விஜய் சேதுபதியுடன் ஒரு படம் என அம்மணி செம பிஸி!

மிஸ்டர் மியாவ்

* ‘அட்டக்கத்தி’ படத்தின் மூலம் கோலிவுட்டில் அறிமுகமான நந்திதாவுக்கு முன்புபோல் படங்கள் இல்லை. ஆனாலும், ஏற்கெனவே அவர் நடித்திருந்த படங்களெல்லாம் ஒவ்வொன்றாக வெளியாகிவருகின்றன. அந்த வகையில், சிபிராஜுடன் அவர் நடித்திருந்த ‘கபடதாரி’ என்ற படம் அடுத்து வெளியாகவிருக்கிறது. இந்தநிலையில், சிம்புவுடன் ‘ஈஸ்வரன்’ படத்தில் நடிக்க வந்த வாய்ப்பால் மகிழ்ச்சியாக இருக்கிறார் நந்திதா. இதில் நிதி அகர்வாலுக்கு அக்கா கேரக்டரில் நடித் திருக்கிறாராம் அவர். அக்கா கதாபாத்திரமாக இருந்தாலும், ஹீரோயினுக்கான முக்கியத்துவமும் இருக்கும் என்கிறார்கள்.

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism
அடுத்த கட்டுரைக்கு