Published:Updated:

மிஸ்டர் மியாவ்

தமிழ், தெலுங்கு என இரண்டிலும் கவனம் செலுத்திவரும் சமந்தா, சமீபமாக ஓடிடி தளங்களில் தடம் பதிக்க நினைத்து, கதைகள் கேட்டுவருகிறார்

பிரீமியம் ஸ்டோரி

* ஹீரோயின்களுக்கு மாலத்தீவு மேல் ஏன் அத்தனை பிரியம் என்று தெரியவில்லை. ஷூட்டிங் இல்லாத நாள்கள் கையிலிருந்தால், உடனே மாலத்தீவுக்கு ட்ரிப் போய்விடுகிறார்கள். லாக்டெளன் முடிந்தவுடன் வெகேஷனுக் காக டாப்ஸி, ஹனிமூனுக்காக காஜல் அகர்வால், ஜாலி ட்ரிப்பாக வேதிகா, ப்ரணிதா ஆகியோர் சென்று வந்த சில நாள்களில் ரகுல் ப்ரீத்சிங் தற்போது மாலத்தீவு பறந்திருக்கிறார். ‘மாலத்தீவும் பிகினி உடையும்’தான் சரியான காம்பினேஷன் போல. அங்கு போனால் எல்லா ஹீரோயின்களும் பிகினியில் ஒரு புகைப்படத்தை எடுத்து இன்ஸ்டாகிராமில் பதிவிட்டு ஹார்டின்களை அள்ளுகின்றனர். ‘கடலை வாசனை பாருங்கள்; வானத்தை உணருங்கள்; உங்கள் ஆன்மா மேலே பறக்கட்டும்’ என்ற கேப்ஷனோடு பச்சை நிற மோனோகினியில் ரகுல் இருக்கும் புகைப்படம்தான் இந்த வார சென்சேஷன்!

மிஸ்டர் மியாவ்

* கன்னடத்தில் புனீத் ராஜ்குமாருக்கு ஜோடியாக நடித்தால், அடுத்த டார்கெட் சிவராஜ்குமாருக்கு ஜோடியாக நடிப்பதுதான்போல. ‘ராஜ்குமாரா’ படத்தில் புனீத்துடன் நடித்த ப்ரியா ஆனந்த், தற்போது ‘RDX’ படத்தில் சிவராஜ்குமாருக்கு ஜோடியாக நடிக்கவிருக்கிறார். இதேபோல, ‘ரணவிக்ரமா’ என்ற படத்தில் புனீத்துக்கு ஜோடியாக நடித்த அஞ்சலிக்கு தற்போது சிவராஜ்குமாருக்கு ஜோடியாக நடிக்க வாய்ப்பு வந்திருக்கிறது. விஜய் மில்டன் இயக்கும் கன்னடப் படத்தில் அவர்தான் நாயகி. அஞ்சலிக்கு ‘வக்கீல் சாப்’, ‘பூச்சாண்டி’ உள்ளிட்ட படங்கள் கைவசமிருக்கின்றன.

மிஸ்டர் மியாவ்

* தமிழ், தெலுங்கு என இரண்டிலும் கவனம் செலுத்திவரும் சமந்தா, சமீபமாக ஓடிடி தளங்களில் தடம் பதிக்க நினைத்து, கதைகள் கேட்டுவருகிறார். அப்படித்தான் ‘ஃபேமிலி மேன்’ இரண்டாவது சீஸனில் நெகட்டிவ் ரோலில் நடித்திருக்கிறார். நாகர்ஜுனாவுக்கு ஷூட்டிங் இருந்ததால் சில நாள்கள் தெலுங்கு `பிக் பாஸ்’ நிகழ்ச்சியைத் தொகுத்து வழங்கி அசத்தினார். தற்போது, ‘ஆஹா ஒரிஜினல்ஸ்’ எனும் அல்லு அர்ஜுனுடைய ஓடிடி தளத்தில் ‘Sam Jam’ என்ற டாக் ஷோ ஒன்றைத் தொகுத்து வழங்கிவருகிறார். முதல் எபிசோடில் விஜய் தேவரகொண்டா, இரண்டாவது எபிசோடில் சிரஞ்சீவி எனப் பெரிய கைகள் வருவதாலும், சமந்தாவுக்காகவும் இந்த ஷோவுக்குத் தனி ரசிகர்கள் கிடைத்திருக்கிறார்கள்.

மிஸ்டர் மியாவ்

* தமிழ், மலையாளம் என இரண்டு மொழிகளிலும் கவனம் செலுத்திவரும் ரம்யா நம்பீசன், இந்த லாக்டெளனில் சில குறும்படங்கள் இயக்கி நடித்துவந்தார். தவிர, விஜய் ஆண்டனியுடன் ‘தமிழரசன்’, ரியோவுடன் ‘பிளான் பண்ணி பண்ணணும்’, சிபி சத்யராஜுடன் ‘ரேஞ்சர்’ ஆகிய தமிழ்ப் படங்கள் இவர் நடிப்பில் வெளியாகாமல் இருக்கின்றன. இந்தநிலையில், விதார்த்துடன் ‘என்றாவது ஒருநாள்’ என்ற படத்தில் நடித்துவருகிறார். கிராமத்துப் பின்னணியில் நடக்கும் இந்தக் கதையை அறிமுக இயக்குநர் வெற்றி துரைசாமி இயக்கிவருகிறார்.

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism
அடுத்த கட்டுரைக்கு