Published:Updated:

மிஸ்டர் மியாவ்

மிருணாளினி ரவி
பிரீமியம் ஸ்டோரி
மிருணாளினி ரவி

கமலின் ‘தேவர் மகன்’ படத்தின் பார்ட் 2 திட்டம் பல வருடங்களாகப் பேசப்பட்டுவருகிறது. இடையில் கிடப்பில் கிடந்த இந்தத் திட்டம் இப்போது மீண்டும் உயிர்பெற்றிருக்கிறது.

மிஸ்டர் மியாவ்

கமலின் ‘தேவர் மகன்’ படத்தின் பார்ட் 2 திட்டம் பல வருடங்களாகப் பேசப்பட்டுவருகிறது. இடையில் கிடப்பில் கிடந்த இந்தத் திட்டம் இப்போது மீண்டும் உயிர்பெற்றிருக்கிறது.

Published:Updated:
மிருணாளினி ரவி
பிரீமியம் ஸ்டோரி
மிருணாளினி ரவி

ஓணம் பூங்கொத்தாகப் புன்னகைக்கும் மிருணாளினி ரவி, சசிகுமாரின் ‘எம்.ஜி.ஆர். மகன்’, விஷாலின் ‘எனிமி’ படங்களை முடித்து, ரிலீஸுக்குக் காத்திருக்கிறார்.

விக்ரமின் ‘கோப்ரா’விலும் கெத்துகாட்டியிருக்கிறார். ‘தெலுங்குப் பக்கம் இன்னும் அதிக வாய்ப்பு கிடைத்தால் ஒரு ரவுண்டு வரலாமே’ என்கிற ஆசையும் இருக்கிறது அம்மணிக்கு!

மிஸ்டர் மியாவ்
மிஸ்டர் மியாவ்
மிஸ்டர் மியாவ்

ஷங்கர் இயக்கும் ‘இந்தியன் 2’ படத்தில், மறைந்த நகைச்சுவை நடிகர் விவேக்கும் நடித்திருந்தார். நிறைய காட்சிகள் ஷூட் செய்யப்பட வேண்டியிருந்ததால், விவேக் காட்சிகளை முழுமையாக நீக்கவேண்டிய கட்டாயம் உருவானது. அதேநேரம் சரவணா ஸ்டோர்ஸ் அதிபர் ஹீரோவாக நடிக்கும் படத்தில் விவேக் நடிக்க வேண்டிய மீதக் காட்சிகளை கிராபிக்ஸ் மூலம் விவேக் நடிப்பது போலவே எடுக்கிறார்களாம். ‘எவ்வளவு செலவானாலும் நான் பார்த்துக்கொள்கிறேன்’ எனச் சொல்லிவிட்டாராம் சரவணா ஸ்டோர்ஸ் அதிபர்.

எதிர்வரும் ஆயுத பூஜைக்கு அஜித்தின் ‘வலிமை’ படத்தைக் கொண்டுவர முடியுமா என தியேட்டர்கள் தரப்பில் கேட்கிறார்கள். ஒரு சண்டைக் காட்சியைத் தவிர மற்றபடி மொத்தப் படத்தையும் பக்காவாக முடித்துவிட்டார் இயக்குநர் ஹெச்.வினோத். அதனால் தியேட்டர்காரர்களின் கோரிக்கையை நிறைவேற்ற முடிவெடுத்துவிட்டாராம் தயாரிப்பாளர் போனி கபூர். விரைவிலேயே டீசர் ரிலீஸ் இருக்கும் என்கிறார்கள்.

கமலின் ‘தேவர் மகன்’ படத்தின் பார்ட் 2 திட்டம் பல வருடங்களாகப் பேசப்பட்டுவருகிறது. இடையில் கிடப்பில் கிடந்த இந்தத் திட்டம் இப்போது மீண்டும் உயிர்பெற்றிருக்கிறது. கதை, திரைக்கதை, வசனத்தை எழுதி முடித்திருக்கும் கமல், இந்தப் படத்தில் நடிக்கப்போவது கிடையாதாம். தயாரிப்புப் பணியை மட்டும் ஏற்று விக்ரமை வைத்து ‘தேவர் மகன் பார்ட் 2’ எடுக்கப்போகிறாராம். இயக்கம் ‘மாலிக்’ என்கிற மலையாளப் படத்தை இயக்கிய மகேஷ் நாராயணன்.

எக்ஸ்க்ளூசிவ்: ரஜினியின் ‘அண்ணாத்த’ படத்தை டப்பிங்கில் பார்த்தவர்கள் அசந்துபோய்ப் பேசுகிறார்கள். தங்கைக்காக பிரகாஷ் ராஜ் காலில் ரஜினி விழுவது மாதிரி காட்சியாம். பார்க்கிற அத்தனை பேரையும் கலங்கடிக்கும் வகையில் அற்புதமான சென்டிமென்ட்டாக இந்தக் காட்சி வொர்க்அவுட்டாகியிருக்கிறதாம். ‘இந்த மாதிரி உணர்ச்சிப் பிழம்பாக ரஜினியைப் பார்த்து எத்தனை வருஷமாச்சு’ என நெகிழ்ந்துபோனாராம் தயாரிப்பாளர் கலாநிதி மாறன்!

உஷ்…

அணில் அமைச்சரோடும், தமிழக அரசோடும் மோதிக்கொண்டிருக்கும் மண்சார்ந்த இயக்குநர், விரைவில் பத்திரிகையாளர் சந்திப்பையும் நடத்தப்போகிறாராம். அரசுக்கு எதிரான ஆவேசத்தைக் கொட்டித்தீர்க்க அவர் தயாராகிவிட்ட தகவலை உளவுத்துறை `நோட்’வைக்க, ‘தாராளமாகக் கொட்டட்டும்’ என பதில் வந்ததாம். #உன் குத்தமா என் குத்தமா...

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism