Published:Updated:

மிஸ்டர் மியாவ்: விஜய் 65... அசத்தல் அப்டேட்ஸ்

ஒரு நாளைக்கு இரண்டு மணி நேரம் ஷூட்டிங் நடத்தினாலே பெரிது என்றாகிவிட்டதாம்.

பிரீமியம் ஸ்டோரி

இயக்குநர் நெல்சனின் ‘டாக்டர்’ படம் ரிலீஸாவதற்கு முன்னரே விஜய்யின் 65-வது படம் அவருக்கு எப்படிக் கிடைத்தது என்பதுதான் கோடம்பாக்கம் முழுக்க கும்மியடிக்கிற கேள்வி. விஜய்க்கு உற்ற துணையாக இருக்கும் ஜெகதீஷ் என்பவர்தான் நெல்சன் பெயரைச் சிபாரிசு செய்திருக்கிறார். கதை கேட்டவுடனேயே விஜய் ஓகே சொல்லியிருக்கிறார். ஆனாலும், சிவகார்த்திகேயன் அனுமதியுடன், ‘டாக்டர்’ படத்தை பிரத்யேகமாக விஜய்க்கு திரையிட்டுக் காட்டியிருக்கிறார் நெல்சன். படத்தைப் பார்த்த விஜய்யிடம், “என்னோட வொர்க் பிடிச்சிருந்தா பண்ணுங்க சார்” என நெல்சன் சொல்ல, அப்படியே கட்டிப்பிடித்து, ‘‘ஷூட்டிங் கிளம்புவோமா?’’ என்றாராம் விஜய்.

மிஸ்டர் மியாவ்: விஜய் 65... அசத்தல் அப்டேட்ஸ்

ஜார்ஜியாவுக்குக் கிளம்பிப்போன நேரமோ என்னவோ, அங்கே தொடர் மழையாம். ஒரு நாளைக்கு இரண்டு மணி நேரம் ஷூட்டிங் நடத்தினாலே பெரிது என்றாகிவிட்டதாம். தொடர்ச்சியாக மூன்று நாள்கள் ஷூட்டிங் நடத்தவே முடியாத சூழலில், அங்கேயே கதை விவாதத்தை விஜய்யுடன் நடத்தியிருக்கிறார் நெல்சன். ஒரு முறை கதை கேட்டு ஓகே செய்தால் அதன் பிறகு கதைக்குள் தலையிடவே மாட்டார் விஜய். ஆனாலும், நெல்சன் வற்புறுத்தியதால் தனக்குப் பிடித்தபடி சில மாற்றங்களைச் சொல்லி மெருகேற்றியிருக்கிறாராம்.

மிஸ்டர் மியாவ்: விஜய் 65... அசத்தல் அப்டேட்ஸ்

மிக யூத்தான பூஜா ஹெக்டே விஜய்க்கு செட்டாவாரா என்கிற தயக்கம் ஆரம்பத்தில் இருந்திருக்கிறது. ஆனால், காட்சிகளை ஷூட் செய்தபோது விஜய் - பூஜா ஹெக்டே ஜோடி பட்டையைக் கிளப்பிவிட்டதாம். முகத்தை அஷ்டகோணலாக்கி ஷூட்டிங் ஸ்பாட்டைக் கலகலப்பாக்கும் பூஜா ஹெக்டே, விஜய்யின் பரம ரசிகையாம். இப்போது அவருடனே ஜோடியாக நடிப்பதில் பூஜாவுக்கு டபுள் குஷியாம்!

மிஸ்டர் மியாவ்: விஜய் 65... அசத்தல் அப்டேட்ஸ்

சிம்புவைவைத்து இயக்குநர் நெல்சன் ‘வேட்டை மன்னன்’ என்கிற படத்தை இயக்கியபோது அவருக்கு உதவி இயக்குநராகப் பணியாற்றியவர் சிவகார்த்திகேயன். அதிலிருந்து தொடரும் நட்புதான் விஜய் 65 படத்தில் சிவகார்த்திகேயன் பாட்டு எழுதுகிற அளவுக்கு வளர்ந்திருக்கிறது. படத்தில் விஜய்க்கு உற்ற நேரத்தில் உதவுகிற ஒரு கேரக்டர் இருக்கிறதாம். ‘அந்த கேரக்டரில் நீங்கள் வந்துபோனால் தியேட்டர் தெறிக்கும்’ என்றாராம் நெல்சன். ஆனாலும், ‘தளபதி படத்துல ஸ்க்ரீன்ல அவர் இருக்கணும். சீட்ல நாங்க இருக்கணும்’ எனச் சொல்லி அன்போடு மறுத்திருக்கிறார் சிவா.

மிஸ்டர் மியாவ்: விஜய் 65... அசத்தல் அப்டேட்ஸ்

கமர்ஷியல் மசாலாத்தனங்களுக்குக் கதையில் குறைவே இல்லையாம். அதேநேரம் நெஞ்சைத் தைக்கும் வகையில் சமூகத்துக்கு அக்கறையான ஒரு மெசேஜும் சொல்லப்பட்டிருக்கிறதாம். நெல்சனின் இந்த நுட்பத்தைத்தான் விஜய் வியந்து பாராட்டுவதாகச் சொல்கிறார்கள்.

மிஸ்டர் மியாவ்: விஜய் 65... அசத்தல் அப்டேட்ஸ்

‘பட்ஜெட்டைப் பற்றிக் கவலைப்படவே வேண்டாம்’ என்கிற அளவுக்குச் சுதந்திரம் கொடுத்திருக்கிறது சன் பிக்சர்ஸ் நிறுவனம். ஆனாலும், செட் வொர்க் தொடங்கி சி.ஜி வொர்க் வரை பார்த்துப் பார்த்துச் செலவுகளைக் குறைக்கிறாராம் நெல்சன். “இந்தக் காலத்துல இப்படியொரு இயக்குநரா?” என அசந்துபோய் பேசுகிறார்கள் யூனிட்டில்.

மிஸ்டர் மியாவ்: விஜய் 65... அசத்தல் அப்டேட்ஸ்

`கில்லி’ படத்தில் பாடி லாங்குவேஜை அநியாயத்துக்கு மாற்றி காமெடியிலும் கலக்கியிருப்பார் விஜய். இந்தப் படத்தில் ஸ்டைலிஷான பாடி லாங்குவேஜில் அசத்துகிறாராம். மேல்தட்டுப் பையனாக, அளந்து பேசி அசத்துகிற பாத்திரமாம். காஸ்ட்யூம்ஸ் தொடங்கி கண்ணசைவு வரை விஜய்யை இந்தப் படத்தில் வேறு மாதிரி பார்க்கலாம் என்கிறார்கள்.

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism
அடுத்த கட்டுரைக்கு