Published:Updated:

சினிமா விகடன்: சினிமா விமர்சனம்: ஒரு பக்க கதை

ஒரு பக்க கதை
பிரீமியம் ஸ்டோரி
ஒரு பக்க கதை

மனித இனத்தில் இதுவே முதன்முறை என்று மருத்துவர்கள் அறிவிக்க, மீடியாக்கள் மொய்க்கின்றன.

சினிமா விகடன்: சினிமா விமர்சனம்: ஒரு பக்க கதை

மனித இனத்தில் இதுவே முதன்முறை என்று மருத்துவர்கள் அறிவிக்க, மீடியாக்கள் மொய்க்கின்றன.

Published:Updated:
ஒரு பக்க கதை
பிரீமியம் ஸ்டோரி
ஒரு பக்க கதை

ணின் துணை யில்லாமல் பிறக்கும் அதிசயக் குழந்தையைக் கடவுளாக்கி அபகரிக்க நினைக்கும் மதத்தின் தந்திரத்தை நகைச்சுவையுடனும் உணர்வு பூர்வமாகவும் சுட்டிக் காட்டுகிறது. இந்த ‘ஒரு பக்க கதை.’

கல்லூரியில் படிக்கும் காதல் ஜோடி காளிதாஸ் ஜெயராம் - மேகா ஆகாஷ். வீட்டில் திருமணத்துக்கு அனுமதி தந்த நிலையில், அவர்களுக்குள் பாலுறவு நிகழாமலே மேகா ஆகாஷ் கர்ப்பமாகிறார். மருத்துவ ரீதியாக இந்த ‘விர்ஜின் பர்த்’ நிகழ்வை அறிவியல் பூர்வமாக விளக்கி, மனித இனத்தில் இதுவே முதன்முறை என்று மருத்துவர்கள் அறிவிக்க, மீடியாக்கள் மொய்க்கின்றன. பிறக்கும் பெண் குழந்தை உலகப் புகழ்பெற, அதை ஆன்மிக மடம் ஒன்று ‘தெய்வக் குழந்தை’ என அபகரித்துக் கொள்கிறது. காளிதாஸ் - மேகா ஆகாஷ் தம்பதி குழந்தையை மீட்டெடுத் தார்களா என்பதே கதை.

சினிமா விகடன்: சினிமா விமர்சனம்:  ஒரு பக்க கதை

‘தங்கமாக’ தடம் பதித்துவிட்ட காளிதாஸ் ஜெயராமுக்கும் சில படங்களில் நடித்துவிட்ட மேகா ஆகாஷுக்கும் இதுதான் தமிழில் முதல் படம். ‘நடுவுல கொஞ்சம் பக்கத்த காணோம்’ இயக்குநரின் இரண்டாம் படம். அந்தப் படத்தில் விஜய்சேதுபதியின் மேனரிசங்களை சில காட்சிகளில் நினைவு படுத்தினாலும் முதல் படம் என்ற வகையில் நன்றாகவே நடித்திருக்கிறார் காளிதாஸ். மேகா ஆகாஷும் பாத்திரத்தின் கனம் உணர்ந்து பொருத்தமாக நடித்திருக்கிறார். ‘எப்படி கர்ப்பமாக முடியும்’ என்ற குழப்பத்துடன் சுற்றுவதும், வீட்டில் நடக்கும் புதிய வகை கவனிப்புகளை ஏற்றுக்கொள்ள முடியாமல் தவிப்பதும் இயல்பு. காளிதாஸ் - மேகா இருவரின் பெற்றோர்கள், சாமியார், மடத்தைச் சேர்ந்தவர்கள், மருத்துவர்கள் என அனைவருமே கச்சிதமாக நடித்திருக்கிறார்கள்.

இயல்பான நகைச்சுவை, எதார்த்தமான பெற்றோர்கள் ஆகியவற்றின் மூலம் படத்துக்கு சுவை கூட்டியிருக்கிறார் பாலாஜி தரணிதரன். சாதாரண மனிதர்கள், அசாதாரண நிகழ்வுகள், அதையொட்டிய நகைச்சுவை, சின்னச் சின்னக் குழப்பங்கள் ஆகியவற்றைத் தனக்கான டெம்ப்ளேட்டாக உருவாக்கியிருக்கிறார். ஆனால், அவரின் கிளிஷேவான நீண்ட நெடிய டிராலி ஷாட்கள், தொடர்ந்து ரீப்பீட்டாகும் காட்சிகள், அதீத க்ளோஸ்அப் போன்றவை இதிலும் விரவிக்கிடப்பது சற்றே சலிப்பை ஏற்படுத்துகிறது.

சினிமா விகடன்: சினிமா விமர்சனம்:  ஒரு பக்க கதை

இரண்டு பள்ளிச் சிறுவர்கள், அவர்களுக்குள் நிகழும் ‘அவதாரம்’ தொடர்பான துணைக் கதையும் படத்தின் முதன்மைக் கதையைப் பகடி செய்யும் வகையில் அமைத்தது சிறப்பு. அதில் இன்னமும் கொஞ்சம் விளையாடி யிருக்கலாமே பாலாஜி?! கோவிந்த் மேனனின் (கோவிந்த் வசந்தாதான். அவருக்கு முதல் படம். டைட்டிலில் இப்படித்தான் பெயர் போடுகிறார்கள்) பின்னணி இசை, காட்சிகளின் வீரியத்தை அதிகரித்து, கதைக்குத் தேவையான பதைபதைப்பைக் கூட்டியிருக்கிறது. “குழந்தை பிறக்க உதவினா மட்டும் அப்பா ஆயிட முடியுமா?”, “குழந்தையவே நாங்க தெய்வமா பார்த்துப்போம். தெய்வமே குழந்தையா பொறந்திருக்கு” போன்ற வசனங்கள் கிளாஸ்!

துணிந்து ஆன்மிக அரசியலைச் சாடியிருப்பதும் அதைப் பிரசாரமாக இல்லாமல் மெல்லிய நகைச்சுவையுடன் கூடிய சுவாரஸ்யமான படமாகத் தந்த வகையில் பக்க கதை, பக்கா கதை!

- விகடன் விமர்சனக் குழு