Published:Updated:

நெற்றிக்கண் - சினிமா விமர்சனம்

நயன்தாரா
பிரீமியம் ஸ்டோரி
நயன்தாரா

காவல்துறை உதவி ஆய்வாளராக மணிகண்டன் படம் முழுக்க ஒரேவித உடல்மொழியை வெளிப்படுத்துகிறார்.

நெற்றிக்கண் - சினிமா விமர்சனம்

காவல்துறை உதவி ஆய்வாளராக மணிகண்டன் படம் முழுக்க ஒரேவித உடல்மொழியை வெளிப்படுத்துகிறார்.

Published:Updated:
நயன்தாரா
பிரீமியம் ஸ்டோரி
நயன்தாரா
பார்வை பறிபோன சி.பி.ஐ அதிகாரி, பெண்களைக் கடத்தித் துன்புறுத்தும் சைக்கோவைத் தன் நெற்றிக்கண் கொண்டு பிடிக்கும் படம்.

ஒரு விபத்தில் தன் பார்வையையும் தம்பியையும் இழக்கிறார் சி.பி.ஐ அதிகாரி துர்கா. ஒரு மழை இரவில் அவரின் பாதையும், பெண்களைக் கடத்தித் துன்புறுத்தும் பாலியல் சைக்கோ ஒருவனின் பாதையும் சந்தித்துக் கொள்கின்றன. அந்த சைக்கோ, துர்காவையே தன் அடுத்த டார்கெட்டாக முடிவுசெய்ய, அதிலிருந்து மீண்டு, கடத்தப்பட்ட பெண்களையும் தன்னையும் துர்கா எப்படிக் காப்பாற்றுகிறார் என்பதே மீதிக்கதை.

நெற்றிக்கண் - சினிமா விமர்சனம்

தென்கொரியாவின் ‘பிளைண்ட்’ படத்தைச் சிற்சில மாற்றங்களுடன் இறக்குமதி செய்திருக்கிறார்கள் தயாரிப்பாளர் விக்னேஷ் சிவனும், ‘அவள்’ புகழ் இயக்குநர் மிலிந்த் ராவும். இரண்டரை மணி நேரம் ‘நீளும்ம்ம்’ படத்தை ஒற்றை ஆளாகத் தாங்கிப் பிடித்திருக்கிறார் நயன்தாரா. சி.பி.ஐ அதிகாரியாக முதல் காட்சியில் மிரட்டல் என்றால், பார்வை பறிபோன துர்காவாகத் தளர் நடை, தடுமாறும் உடல்மொழி என சமீபத்தில் பார்வையிழந்தவர்களைக் கச்சிதமாகத் திரையில் பிரதிபலித்திருக்கிறார்.

வில்லன் டாக்டர் ஜேம்ஸாக அஜ்மல். பெண்களைக் கடத்தி, துன்புறுத்தி அதை ரசிக்கும் மனோபாவம் ஆரம்பத்தில் பதைபதைப்பைக் கிளப்பினாலும், அவர் கதாபாத்திரத்தின் தன்மை நமக்குப் புரிந்த பிறகும் மீண்டும் மீண்டும் அதையே காட்சிப்படுத்தியிருப்பது நெருடல். அவரின் ஓவர் ஆக்ட்டிங்கும் நமக்கு அயர்ச்சியைத் தருகிறது. கோலிவுட்டில் இருக்கும் நோய்கள் போதாதென்று பாலியல் சம்பந்தப்பட்ட Biastophilia Disorder என்ற ஒன்றை இறக்குமதி செய்திருக்கிறார்கள். அதை விளக்கும் அஜ்மலின் பின்கதை நமக்கு எந்தவிதத் தாக்கத்தையும் ஏற்படுத்தாமல் கடந்துபோவது படத்தின் பெருஞ்சறுக்கல்.

காவல்துறை உதவி ஆய்வாளராக மணிகண்டன் படம் முழுக்க ஒரேவித உடல்மொழியை வெளிப்படுத்துகிறார். சரண் சக்திக்கு கனமான கதாபாத்திரம் என்றாலும், விழித்திறன் சவால் கொண்ட ஒருவரைத் தாக்கிப் பேசும் வசனங்களைத் தவிர்த்திருக்கலாம்.

கிரிஷ் கோபாலகிருஷ்ணனின் இசை, பின்னணியில் அதிர்ந்தாலும் ‘இதுவும் கடந்து போகும்’ பாடலில் மயிலிறகால் வருடுகிறது. குறிப்பாக, கார்த்திக் நேத்தாவின் வரிகள் புதியதொரு உத்வேகத்தைக் கொடுக்கின்றன.

நெற்றிக்கண் - சினிமா விமர்சனம்

ஒரு சி.பி.ஐ அதிகாரியின் புத்திசாலித் தனமோ மற்ற நுண்திறன்களோ எதுவுமே நயன், சைக்கோவைப் பிடிப்பதில் வெளிப்படவில்லை. ‘என்னைப் பிடிச்சுக்கோ’ ரீதியில் அஜ்மலே மாட்டுகிறார். மால், மெட்ரோ நிலையம் எனத் துரத்தும் சைக்கோ, ஒரு சி.சி.டி.வி கேமராவில்கூடச் சிக்காமல் தப்பிப்பது, அஜ்மல் சிறையிலிருந்து தப்பிக்கும் காட்சி, தொடர் பெண் கடத்தல்களைக் கண்டுகொள்ளாத காவல்துறை என ஏகப்பட்ட லாஜிக் மீறல்கள் என்பதால் ‘நெற்றிக் கண்’ணிலேயே ஏகப்பட்ட குற்றங்கள்!

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism