Vikatan.com

www.vikatan.com would like to send you push notifications.

Notifications can be turned off anytime from browser settings.

“தங்கதுரையோட ஜோக் மட்டுமில்ல, அவரே பழசுதான்..!” - அத்தியாயம் - 9

தங்கதுரை

இந்தத் தொடரின் முந்தைய அத்தியாயத்தைப் படிக்க இங்கே க்ளிக் செய்யவும்.

‘கலக்கப்போவது யாரு’ முதல் சீசனிலேயே தங்கதுரை போட்டியாளராக இருந்தார். இப்போ எல்லாரும் அவரை பழைய ஜோக் தங்கதுரைனு சொல்றாங்க. அவரோட ஜோக் மட்டுமில்ல, அவரே பழசுதான் மக்களே. இப்போ எப்படி பழைய, பழைய ஜோக்கா சொல்றாரோ அதே மாதிரிதான், முதல் சீசனிலும் மதன்பாப் சாரைப் பார்த்து, ‘சார் நீங்க எவ்வளவுதான் குண்டா இருந்தாலும் உங்களைத் துப்பாக்கியில போட்டுச் சுட முடியாது’னு ஒரு பழைய ஜோக்கைப் போட்டார். அதனாலேயே எலிமினேட் ஆகி போயிட்டாப்ள. அதுக்கப்பறம் வேற, வேற சேனல்களுக்குப் போய், சில படங்கள் நடிச்சிட்டு மறுபடியும் ’அது இது எது’ ஷோவுல ரீ-என்ட்ரி ஆனார்.

சரி, திரும்ப வந்ததுக்கு அப்பறம் புது ஜோக்கா சொல்லுவார்னு பார்த்தா, அப்பவும் நிறைய பழைய ஜோக் சொன்னார். நாங்களும் எவ்வளவோ சமாளிச்சுப் பார்த்தோம், முடியல. ’சரி, இதுதான் உனக்கு வருது. நீ இதையே பண்ணு’னு சொல்லி, டைகர் கார்டன் தங்கதுரையா இருந்தவரை பழைய ஜோக் தங்கதுரையா மாத்தி களத்துல இறக்கி விட்டோம். 

தங்கதுரை

பெயர் மாத்துன ராசியா, சாம்பியன்ஸ் ஆரம்பிச்ச நேரமானு தெரியலை, தங்கதுரை எந்த ஜோக் சொன்னாலும் கைதட்ட ஆரம்பிச்சுட்டாங்க. ‘இவன் எப்படியும் பழைய ஜோக்தான் சொல்லப்போறான். நாம கைதட்டுவோம்’னு தட்டுனாங்களானு தெரியலை. ஆனா, ஆடியன்ஸ் தங்கதுரையோட செட்டாகிட்டாங்க. தங்கதுரை பழைய ஜோக்கினால மட்டும் ஃபேமஸ் ஆகலை. அவர் பழைய கவிதை, பழைய கானா பாட்டுனு அள்ளி எரிவாப்ல. 

சாம்பியன்ஸுல ராமருக்கு அப்பறம் தங்கதுரைக்குதான் ஃபேன்ஸ் ஜாஸ்தி. ராமரும், தங்கதுரையும் கவுண்டமணி - செந்தில் காம்போ மாதிரி. ராமர் இல்லைன்னா தங்கதுரைக்கு வேலை இல்லை. தங்கதுரை இல்லைன்னா ராமருக்கு வேலை இல்லை. ரெண்டு பேருமே ஒருத்தரை ஒருத்தர் கலாய்ச்சே ஸ்கோர் பண்ணிட்டு இருக்காங்க. 

தங்கதுரை

தங்கதுரையோட ஸ்பெஷல் என்னான்னா, எதிர்ல பேசுறவங்க சொல்ற வார்த்தையை வெச்சே, அவர் போட்டு வர கெட்டப்பை வெச்சே கவுன்ட்டர் கொடுப்பார். ஒரு தடவை ராமரைப் பார்த்து, ‘என்னணே மங்களகரமான மனிதக் குரங்கு மாதிரியே இருக்கியேணே’னு சொன்னார். அதே மாதிரி குரேஷி ஒரு தடவை வடிவேலு கெட்டப் போட்டு வந்தான். குரேஷி நல்லா கலரா இருப்பான். அவன் வடிவேலு கெட்டப் போட்டு வந்ததும், ‘என்னடா நீ வடகொரியா வடிவேலு மாதிரி இருக்கியேடா’னு சொன்னார். இப்படி தங்கதுரையை யாராவது கலாய்க்க வந்தா, அவங்களை இவர் கலாய்ச்சிடுவார். 

தங்கதுரைகிட்ட, ‘உனக்கு ஷூட் இருக்கு வாடா’னு சொன்னா, ‘ராமர் ஐயா வராறா’னுதான் கேட்பார். ஷூட்டுக்கு தங்கதுரை வந்தா, முதல்ல ராமர் என்ன கெட்டப் போடுறார்னு பார்ப்பார். ஒரு தடவை ராமர் சங்கீதகலாபூஷண் கெட்டப் போட்டு வந்தார். உடனே தங்கதுரை, ‘என்னாது, சங்கீதா கலா புருஷனா’னு கலாய்ச்சிட்டார். அடுத்து ராமர் மேக்கப் போடும்போது தங்கதுரையைப் பக்கத்துலையே விட மாட்டார். இருந்தாலும் டெம்ப்ளேட்டா சில கவுன்ட்டரை வெச்சு கலாய்ச்சி விட்ருவார். உதாரணத்துக்கு, ‘யார்ணே நீ... எந்த கெட்டப் போட்டாலும் அசிங்கமா இருக்க...’, ‘மாட்டு சாணியில ஃபேஷியல் பண்ணுன மாதிரி இருக்கியேணே’, ‘கலாய்க்கிறத்துக்காகவே படைக்கப்பட்ட மூஞ்சிணே உன்னோட மூஞ்சி’ இப்படி நிறைய வெச்சிருப்பார். ராமரை வெச்சுத்தான் தங்கதுரை ஃபேமஸ் ஆனார். ஒருத்தர் கலாய்ப்பார், ஒருத்தர் கலாய் வாங்குவார். இதை மாத்தி, மாத்தி பண்ணிட்டே இருக்கறதனாலதான் ஹிட்டாகுறாங்க.

தங்கதுரை

தங்கதுரையோட கல்யாணத்துல ஒரு காமெடி நடந்துச்சு. அன்னைக்குத்தான் எங்க டீமில் ஆனந்த்னு ஒரு பையனுக்குப் பிறந்தநாள். எல்லாரும் கல்யாணத்துக்குப் போய் அவரை வாழ்த்திட்டு, கல்யாண பொண்ணையும், மாப்பிள்ளையையும் பின்னாடி நிக்க வெச்சுட்டு, ஆனந்துக்கு கேக் வெட்ட ஆரம்பிச்சுட்டாங்க. கல்யாணத்துக்கு வந்தவங்க எல்லாரும், ‘என்னடா, இவனுங்க கல்யாணத்துக்கு வந்துட்டு பிறந்தநாள் கொண்டாடிட்டு இருக்காங்க’னு பார்த்தாங்க. அடுத்த நாள், ’ஏண்டா, நான் காசு கொடுத்து மஹால் புடிச்சு கல்யாணம் வெச்சா, நீங்க வந்து பர்த்டே கேக் வெட்டுறீங்க’னு செம கடுப்புல வந்து திட்டிட்டு இருந்தார்.

தங்கதுரை பழைய ஜோக்கே சொன்னாலும் அவரோட ஸ்லாங்தான் நமக்கு சிரிப்பு வர வைக்கும். அதே பழைய ஜோக்கை நான் சொன்னாலோ, வேற யார் சொன்னாலோ சிரிப்பு வராது, கோபம்தான் வரும், அதான் தங்கதுரைகிட்ட இருக்கிற ப்ளஸ். தங்கதுரை என்ன கேரக்டர் கொடுத்தாலும் சூப்பரா நடிப்பார். ‘எங்கேயும் எப்போதும்’, ‘மாநகரம்’னு சில நல்ல படங்களில் நடிச்சிருக்கார். இப்போ ’அட்டக்கத்தி’ தினேஷ் நடிச்சிருக்கிற ‘அண்ணனுக்கு ஜே’ படத்துல ஒரு முக்கியமான கேரக்டர்ல நடிச்சிருக்கார். இன்னும் நல்ல நல்ல கதாபாத்திரங்கள் நடிச்சு, பெரிய நடிகனாக வர தங்கதுரைக்கு என்னோட வாழ்த்துக்கள்.

உங்கள் கருத்தைப் பதிவு செய்யுங்கள்

Advertisement
Advertisement
Advertisement
Advertisement

MUST READ

Advertisement

எடிட்டர் சாய்ஸ்

Advertisement