வெளியிடப்பட்ட நேரம்: 08:33 (15/03/2018)

கடைசி தொடர்பு:10:05 (15/03/2018)

’’ஆக்‌ஷன் ஹீரோக்களை வெச்சு காமெடி பண்றதுல அமுதவாணன் கில்லி..!’’ - அத்தியாயம் - 10

ரியாலிட்டி ஷோ

இந்தத் தொடரின் முந்தைய அத்தியாயத்தைப் படிக்க இங்கே க்ளிக் செய்யவும்.

’கலக்கப்போவது யாரு’ சீசன் 3ல அமுதவாணன் போட்டியாளரா இருந்தார். ஆனால், அந்த சீசனோட ஆடிஷன் முடிஞ்சதுக்குப் பிறகுதான் அமுதவாணன் வந்தார். அவர் பண்ணின பெர்ஃபார்மன்ஸ் பிடிச்சிருந்தனால செலக்ட் பண்ணிட்டோம். பொதுவா ’கலக்கப்போவது யாரு’ ஆடிஷன்னு சொன்னதும் மதுரையில இருந்து விஜயகாந்த் வாய்ஸ், கோயம்புத்தூரில் இருந்து சத்யராஜ் வாய்ஸ், திருநெல்வேலியில இருந்து கோட்டா ஸ்ரீனிவாசன் வாய்ஸ்னு ஒவ்வொரு ஊர்க்காரங்களும் வந்துடுவாங்க. ஆனால், அமுதவாணன் ஒரு டான்ஸரா இருந்தனால, அந்த டான்ஸை வெச்சே எப்படி காமெடி பண்றதுன்னு வித்தியாசமா யோசிச்சு பண்ணினார். சத்யராஜ், ராமராஜ், அர்ஜூன், சரத்குமார் மாதிரி ஆக்‌ஷன் ஹீரோக்களை வெச்சு காமெடியாக ஆடிக்காட்டினார். எனக்கு அது புதுசா இருந்துச்சு. ஆனால், அந்த சீசனில் அமுதுவால் வின் பண்ண முடியலை. 

அந்த வெறியில அடுத்து நடந்த ’கலக்கப்போவது யாரு’ சாம்பியன்ஸில் அமுதவாணனும் ராமரும் சேர்ந்து டைட்டில் வின் பண்ணுனாங்க. டான்ஸில் இருந்து மிமிக்ரி, ஸ்கிரிப்ட்னு நல்லாவே டெவலப் ஆகிட்டார். சாம்பியன்ஸ் முடிஞ்சதுக்குப் பிறகு ’அது இது எது’ ஆரம்பிச்சோம். ’சிரிச்சா போச்சு’ல தனியா வந்தே வடிவேல் பாலாஜி ஸ்கோர் பண்ணிட்டு இருந்த டைம்ல அமுதவாணன், பழனி பட்டாளம், ஜெயசந்திரன், திவாகர், சிங்கப்பூர் தீபன் இவங்க ஒரு டீமா என்ட்ரி ஆனாங்க. இதுதான் ’அது இது எது’ ஷோவை வேற லெவலுக்கு எடுத்துட்டுப் போச்சு. டீமா பண்ணும் போது நிறைய வித்தியாசமான ஸ்கிரிப்ட் பண்ணினாங்க. பல எபிசோடு வைரல் ஆச்சு.

அமுதவாணன்

சில வாய்ஸ் மட்டுமே பேசினாலும் அதை கரெக்ட்டா பேசுவார் அமுதவாணன். சில பேர் நான் 100 வாய்ஸ் பேசுவேன்; 150 வாய்ஸ் பேசுவேன்னு சொல்லுவாங்க. தமிழ் சினிமாவுல மொத்தம் அத்தனை ஹீரோக்களே இருக்க மாட்டாங்க. அந்தளவுக்கு கதை விடுறவங்க மத்தியில அமுதவாணன் மாதிரி சில வாய்ஸ் பேசினாலும் பக்காவா பேசணும். டான்ஸ், மிமிக்ரி அப்பறம் கெட்டப்ஸ் மேல கவனம் செலுத்த ஆரம்பிச்சார். ’அமைதிப்படை’ சத்யராஜ் கெட்டப்ல செமையா இருப்பார். எந்த கெட்டப் போட்டாலும் அது பக்காவா செட்டாகணும்னு அதுக்காக மெனக்கெடுவார். டான்ஸுக்கு அடுத்து கெட்டப்தான் அமுதுவை ஃபேமஸாக்குச்சு. 

டான்ஸ் நல்லா வரதுனால ’ஜோடி நம்பர் ஒன்’ல கலந்துக்கப் போனார். அங்கப்போய் டான்ஸ் மட்டுமில்லாம அதுலையும் சில காமெடிகள் பண்ணி என்டர்டெயின் பண்ணுனார். அந்த ஷோலையும் டைட்டில் வின் பன்ணி, தான் ஒரு நல்ல டான்ஸர்னு நிரூபிச்சார். அப்பறம் பாலா சாரோட ’தாரை தப்பட்டை’ படத்தில் நடிச்சார். முதல் படமே பாலா சார், இளையராஜா சார், சசிகுமார், வரலட்சுமினு ஒரு பெரிய படமா கிடைச்சதுனால எனக்கு செம ஹேப்பி. இப்போ அடுத்தடுத்து சில படங்களில் நடிச்சுட்டு இருக்கார். சினிமாவுலையும் நல்லா வருவார்னு நம்பிக்கை இருக்கு.

ரியாலிட்டி ஷோ

அமுதவாணன்கிட்ட இருக்கிற மிகப்பெரிய நல்ல குணமே, எப்போதும் மாறாம இருக்கிறதுதான். முதல் நாள் என்கிட்ட எப்படி பேசினாரோ அதே மாதிரிதான் இப்போதும் பேசுவார். அதேபோல் முன்னேறணும்கிற வெறி நிறையவே இருக்கு. காமெடி பண்ற வேலையா இருந்தாலும் அதை சீரியஸா எடுத்து பண்ணக்கூடிய ஆள். செம எனர்ஜியான ஆள். இரவு 2 மணிக்கு ஷூட் இருந்தாலும் எனர்ஜியா பெர்ஃபார்மன்ஸ் பண்ணுவார். ஒரு வாய்ப்பு நமக்கு கிடைக்கிதுனா அதை மிஸ் பண்ணிடவேக்கூடாதுனு நினைக்கிற ஆள். அதுனாலதான் எந்த ஒரு வாய்ப்பு கிடைச்சாலும் அதில் சிறப்பா பண்ணுவார். அமுது எப்போவோ ஜெயிக்க வேண்டிய ஆள். அவருக்கான நேரம் இன்னும் சரியா செட்டாகாம இருக்கு. சிவகார்த்திகேயன், ரோபோ ஷங்கர் மாதிரி அமுதவாணனும் சீக்கிரமே சினிமாவுல ஜொலிப்பார்.