வெளியிடப்பட்ட நேரம்: 08:32 (12/04/2018)

கடைசி தொடர்பு:13:43 (12/04/2018)

’’கவுண்டமணி சார் கேரக்டரை மெயினா வச்சு மிமிக்ரி பண்ணின முதல் ஆள் திவாகர்..!’’ - அத்தியாயம் - 12

’கலக்கப்போவது யாரு’, ‘அது இது எது’ நிகழ்ச்சிகளின் இயக்குநர் தாம்ஸன் சொல்லும், ‘ரியாலிட்டி ஷோ ஹீரோக்களின் ரியல் கதை’ தொடரின் 12-வது அத்தியாயம். இந்த அத்தியாயத்தில் திவாகரைப் பற்றிச் சொல்லியிருக்கிறார் தாம்ஸன்.

’’கவுண்டமணி சார் கேரக்டரை மெயினா வச்சு மிமிக்ரி பண்ணின முதல் ஆள் திவாகர்..!’’ - அத்தியாயம் - 12

திவாகர்

இந்தத் தொடரின் முந்தைய அத்தியாயத்தைப் படிக்க இங்கே க்ளிக் செய்யவும்.

’கலக்கப்போவது யாரு’ சீசன் 4-ல தான் திவாகர் வந்தார். நிறைய பேர் மாதிரி இவரும் ஆடிஷன் முடிஞ்சதுக்குப் பிறகுதான் வந்தார். நானும் பல பேரைப் பார்த்துட்டேன், எல்லாரும் ஆடிஷன் முடிஞ்சதுக்குப் பிறகுதான் வராங்க. ஏன்னா, ஆடிஷன் அப்போ நிறைய பேரு வருவாங்க; தனியா போய்ப் பார்த்த கூட்டமே இருக்காதுனு நினைச்சிட்டு வராங்க. அப்போ உங்களுக்கு ரூல்ஸ் எல்லாம் இல்லையானு கேட்காதீங்க. நாங்க என்ன ஐ.பி.எல்.லா நடத்திட்டு இருக்கோம். அதுலேயே ரூல்ஸ் இல்லாமத்தான் போயிட்டு இருக்கு. சரி, நாம திவாகர் கதைக்கு வருவோம். 

சீசன் 4 ஆடிஷனுக்கு வந்தவர்கிட்ட, ஸ்டாண்டப் காமெடியா - மிமிக்ரியானு கேட்டேன். மிமிக்ரினு சொல்லிட்டு, மிமிக்ரியை ஸ்டாண்டப் காமெடி மாதிரி பண்ணினார். நிறைய வாய்ஸ் பேசினாலும் கவுண்டமணி வாய்ஸ் பக்காவா பண்ணினார். அது ரொம்ப பிடிச்சுப்போய் அவரை செலக்ட் பன்ணினோம். சீசன் 4-ல ஃபைனல் வரைக்கும் வந்தார் திவாகர். அவரால வின் பண்ண முடியலை; ஆனால் ஃபைனல் வரைக்கும் வந்து செம டஃப் கொடுத்தார். 

திவாகர்

அதுக்கப்பறம் ’அது இது எது’ நிகழ்ச்சி ஸ்டார்ட் பண்ணலாம்னு ப்ளான் பண்ணிட்டு இருந்த நேரம், ஒரு டெஸ்ட் ஷூட் பண்ணிக்கொடுங்கனு விஜய் டிவியில இருந்து சொன்னாங்க. அந்த டெஸ்ட் ஷூட்டோட ’சிரிச்சா போச்சு’ல திவாகர்தான் காமெடி பண்ணுனார். சொல்லப்போன ’சிரிச்சா போச்சு’வை தொடங்கி வச்சதே திவாகர்தான். அந்த டெஸ்ட் ஷூட் மட்டும் ஓகே ஆகாமல், ’அது இது எது’ ப்ராஜெக்ட் ட்ராப் ஆகியிருந்தா திவாகரைத்தான் எல்லாரும் திட்டியிருப்போம். ஆனால், அவர் தொடங்கி வச்ச ஒரு நிகழ்ச்சி ரெண்டு சீசனையும் தாண்டி 400 எபிசோடுக்கு மேல போயிட்டு இருக்கு.

திவாகர்

’அது இது எது’ ஷோ ஆரம்பிச்ச முதல் நாள்ல இருந்து இன்னைக்கு வரைக்கும் ’சிரிச்சா போச்சு’வை விடாம பண்ணிட்டு இருக்கார். சில எபிசோடுகள் வர முடியாமல் போயிருக்கும். ஆனால், அவர் லாங் ப்ரேக் எடுத்தது இல்லை. அந்த வகையில திவாகர் எனக்கு ரொம்ப பிடிச்ச ஒரு ஆள். கவுண்டமணி சாரை முதன்மை கேரக்டராக வைத்து ஒரு மிமிக்ரி ஸ்கிரிப்ட் பண்ணின முதல் ஆள் திவாகர்தான். இன்னைக்கு வரைக்கும் அதைத்தான் பண்ணிட்டு இருக்கார்; அது வேற விஷயம். ஆனால், அவர் ஸ்கிரீன்ல எப்படி கவுண்டமணி மாதிரி பண்றாரோ, அதே மாதிரிதான் ஆஃப் ஸ்கிரீன்லேயும் இருப்பார். சொல்லப்போனா ஆஃப் ஸ்கிரீன்லதான் இன்னும் நல்லா காமெடி பண்ணுவார்; எல்லாரையும் ஓட்டுவார். ஒரு நாள் மா.கா.பா.வோட பிறந்தநாள் வந்துச்சு. அன்னைக்கு அதை செட்ல செலிபிரேட் பண்ணினோம். அப்போ திவாகர், ‘மா.கா.பா பிறந்தநாளை முன்னிட்டு இன்றைய தினம் உலக ஆங்கர் தினமா அறிவிக்கப்படுகிறது’னு சொன்னார். இப்படி ஆஃப் ஸ்கிரீன்ல கவுன்ட்டர் போட்டுட்டே இருப்பார். 

திவாகர்

’சிரிச்சா போச்சு’ல வடிவேல் பாலாஜிக்கு முன்னாடியிருந்தே சோலோவா காமெடி பண்ணிட்டு இருந்தார் திவாகர். அப்பறம் நிறைய சோலோ பெர்ஃபார்மர் வந்தனால டீமா மாத்திட்டோம். அந்த டீம்ல ரோபோ சங்கர், வடிவேல் பாலாஜி, ராமர்பழனி பட்டாளம், அமுதவாணன், சிங்கப்பூர் தீபன், ஜெய சந்திரன், நாஞ்சில் விஜயன், தங்கதுரை, திவாகர்னு எல்லாருமே இருந்தாங்க. செம டீமா ஃபார்ம் பண்ணி அதகளம் பண்ணிட்டு இருந்தோம். எல்லா எபிசோடும் வைரலாச்சு. இந்த டீமில எப்போதுமே திவாகர்தான் லீடு வாய்ஸ் பேசுவார். லீடு வாய்ஸ் பேசுறது செம கஷ்டமான வேலை. மத்தவங்க எல்லாரையும் கலாய்ச்சு அந்த ஸ்கிரிப்டை கொண்டு போறதே அந்த லீடு வாய்ஸ் பேசுற கேரக்டர்தான். அதை திவாகர் ரொம்ப சரியா பண்ணுவார். அதனால அதை வேற ஆள்கிட்ட கொடுக்க மாட்டேன்; கொடுக்கவும் விடமாட்டார். 

திவாகர்

திவாகர் இன்னும் ஒரு பெரிய இடத்துக்குப் போகணும்கிற ஆசை எனக்குள்ள இருக்கு. அதுக்கு அவர் நிறைய கெட்டப்ஸ் போடணும். பெரும்பாலும் அவர் வேற வேற கெட்டப்ஸ் போடவே விரும்ப மாட்டார். ரொம்ப கஷ்டப்பட்டு ஒரு டைம் லேடி கெட்டப் கொடுத்தோம். அவருக்கு ஏண்டா கொடுத்தோம் என்கிற ரேஞ்சுக்கு பண்ணினார். ’பருத்திவீரன்’ பட பிரியாமணி கேரக்டர்தான் பண்ணினார். கெட்டப் போட்டு வரும்போது, ’பருத்திவீரன்’ படத்தோட க்ளைமேக்ஸ்ல பிரியாமணி எப்படி இருப்பாங்களோ அப்படி இருந்தார். அந்த எபிசோடு முடிச்சுட்டு வந்ததும் திவாகர்கிட்ட, ‘பிரியாமணி மட்டும் இதைப் பார்த்தாங்கன்னா, அவங்க வாங்குன தேசிய விருதை திரும்ப கொடுத்திருப்பாங்க’னு சொன்னேன். அதுக்கப்பறம் அவர் கெட்டப் போடவே இல்லை. ஆர்வமா பல கெட்டப்ஸ் போட்டா இன்னும் ரீச்சாகலாம். 

ஆல் தி பெஸ்ட் திவாகர்!