வெளியிடப்பட்ட நேரம்: 13:42 (05/07/2018)

கடைசி தொடர்பு:19:59 (05/07/2018)

’’சாமி-2வில் சின்ன ரோல்தான்... த்ரிஷா அளவுக்கு நடிக்கலைதான்... ஆனா...’’ - ஐஸ்வர்யா ராஜேஷ்

ஹரி இயக்கத்தில் `சாமி 2' படத்தில் நடித்து முடித்திருக்கிறார் நடிகை ஐஸ்வர்யா ராஜேஷ். இது குறித்து அவரிடம் பேசினோம்.

’’சாமி-2வில் சின்ன ரோல்தான்... த்ரிஷா அளவுக்கு நடிக்கலைதான்... ஆனா...’’ - ஐஸ்வர்யா ராஜேஷ்

`துருவநட்சத்திரம்' படத்தைத் தொடர்ந்து ஹரி இயக்கத்தில் `சாமி 2' படத்திலும் விக்ரமுடன் இரண்டாவது முறையாகக் கைகோத்திருக்கிறார் ஐஸ்வர்யா ராஜேஷ். சாமி முதல் பாகத்தில் த்ரிஷா நடித்த கேரக்டரில்தான் இவர் நடித்திருக்கிறாராம். இது தொடர்பாக அவரிடம் பேசிய போது, ``ரொம்ப சந்தோஷமா இருக்கு. என்னோட சினிமா வாழ்க்கையில் பெரிய இயக்குநர்கள் படங்களில் நடிச்சிருக்கேன்; அதுவும் குறைந்த காலத்தில். இதை வரமாக நினைக்கிறேன்'' என சந்தோஷமாகப் பேச ஆரம்பித்தார் ஐஸ்வர்யா ராஜேஷ். 

ஐஸ்வர்யா ராஜேஷ்

``நான் ஸ்கூல் படிச்சிட்டிருந்தப்போ `சாமி' படம் வந்துச்சு. அந்தப் படத்துல வந்த `கல்யாணந்தான் கட்டிக்கிட்டு ஓடி போலாமா'' பாட்டு செம ஃபேமஸ்; எனக்கு அந்தப் படமும் ரொம்பப் பிடிக்கும். இப்போ `சாமி 2'ல நான் நடிச்சிருக்கேன். இது சந்தோஷமான விஷயம். ஏன்னா, நிறைய கமர்ஷியல் படங்களில் நான் நடிச்சதில்லை. ஹரி சார் படங்கள் ஃபக்கா கமர்ஷியல் படங்களா இருக்கும். ஹரி சார் எனக்கு போன் பண்ணி, ` `சாமி 2' படத்துல நடிக்க முடியுமா..? சின்ன ரோல்தான்.. நல்ல ரீச் இருக்கும்' னு சொன்னார். ஹரி படத்துல நடிக்கணும்னு ஆசையிருந்துச்சு. அதனால ஓகே சொன்னேன். ரொம்ப நாளால த்ரிஷா நடிச்ச கேரக்டரில் நடிக்க சரியான ஆளை தேடிக்கிட்டு இருந்திருக்காங்க. நான் சரியா இருப்பேன்னு தோன்றியதால என் கிட்ட கேட்டாங்க. ஸ்பெஷலான கேமியோ ரோல். சில காட்சிகளில் மட்டும் வருவேன்.  

`சாமி' படத்துல த்ரிஷா சூப்பரா நடிச்சிருப்பாங்க. அவங்க அளவுக்கு நடிக்கலைனாலும் என்னால முடிஞ்ச அளவுக்கு நடிச்சிருக்கேன். முதல் பாகத்துல த்ரிஷாவுக்கு வலுவான கேரக்டர் இருக்கும். படம் முழுக்க முக்கியத்துவம் இருக்கும். ஆனா, `சாமி  2' அப்படியில்ல. சின்ன ரோல்தான். ஆனா, கொஞ்சம் சீன்ஸ் வந்தாலும் ரசிகர்கள் ரசிக்குற மாதிரியிருக்கும். டூயட் பாட்டும் இருக்கும். கணவன் மனைவி உறவை அழகாகக் காட்டிருப்பாங்க. ஹோம்லியான லுக்குல விக்ரம் சார்கூட நடிச்சது சந்தோஷம். 

சாமி 2

எல்லா இயக்குநர்கள் படங்களிலும் நடிக்கணும்னு நான் எப்போவும் ஆசைப்படுவேன். அது ஒரு நல்ல அனுபவத்தைக் கொடுக்கும். அதனாலதான் சின்ன கேரக்டர் ரோலா இருந்தாலும் நிறைய இயக்குநர்கள்கூட சேர்ந்து வொர்க் பண்றேன். நான் நடிச்சிருக்கிற படங்கள் ரிலீஸ் ஆனதுக்கு அப்புறம் வித்தியாசமான கெட்டப்பில் திரைப்படங்களில் என்னைப் பார்ப்பீங்க. 

`துருவநட்சத்திரம்' படத்துலேயும் விக்ரம் சார்கூட நடிச்சிருக்கேன். இது வேற மாதிரியான ஜானர். இந்தப் படத்துல துணிச்சலான பெண் கேரக்டர். கெளதம் சாருடைய படங்கள் பார்த்தாலே சிம்பிள் அண்டு க்ளாஸ் லுக்குல இருக்கும். என்னோட லுக்கும் படத்துல அப்படித்தான் இருக்கும். 

மணிரத்னம்

`செக்கச்சிவந்த வானம்' படத்துல சிம்பு, விஜய் சேதுபதி, அரவிந்த் சாமி, அருண்விஜய்னு நாலு ஹீரோக்களையும் ஒரே நேரத்துல பார்த்தேன். ஜோதிகா மேடம் என்கிட்ட, `உங்களோட படங்கள் எல்லாம் பார்த்திருக்கேன். செலக்டிவா பண்ணுறீங்க'னு சொன்னாங்க. `நல்லா நடிக்கிறீங்க’னு பாராட்டுனாங்க. இந்தப் படத்துல கமிட் ஆகும் போது ரொம்ப பயந்தேன். ஏன்னா, மணிரத்னம் சாருடைய படம். எப்படி ஷூட்டிங் ஸ்பாட்டில் இருப்பார்னு பயம் இருந்துச்சு. அவரைப் பார்க்கும் போது எப்போவும் கண்டிப்பா இருக்குற மாதிரியே இருக்கும். அவர்கூட வொர்க் பண்ணி முடிச்சதுக்கு அப்புறம்தான் ஃபீல் பண்ணேன். ரொம்ப கூலான பெர்ஷன் மணி சார்னு. ரொம்ப ஈஸியா இருந்துச்சு அவர்கூட வொர்க் பண்ணுனது. எந்தவொரு இடத்துலேயும் டென்ஷனே ஆகல. கஷ்டமே இல்லாம வேலை வாங்குனார். இவருடைய படத்துல வொர்க் பண்ணுனது வரம். 'வடசென்னை', `துருவநட்சத்திரம்', `செக்கச்சிவந்த வானம்', `சாமி 2' படத்தில் என்னோட போர்ஷனோட ஷூட்டிங் முடிஞ்சிருச்சு. ரசிகர்கள் மாதிரி இந்தப் படங்களோட ரிலீஸூக்கு நானும் வெயிட் பண்றேன்’’ என்றார் ஐஸ்வர்யா ராஜேஷ்.

நீங்க எப்படி பீல் பண்றீங்க


டிரெண்டிங் @ விகடன்