Vikatan.com

www.vikatan.com would like to send you push notifications.

Notifications can be turned off anytime from browser settings.

இரண்டு புறம்போக்குகளின் கதை!

விஷ்ணுவர்தன் இயக்கத்தில் ஆர்யா, கழுகு கிருஷ்ணா, ஸ்வாதி, தீபா சன்னிதி ஆகியோரின் நடிப்பில் உருவாகிவரும் படம் “யட்சன்”.

பட்டியல், சர்வம், ஆரம்பம் படங்களைத் தொடர்ந்து ஆர்யா - விஷ்ணுவர்தன் கூட்டணியில் வெளியாகவிருக்கும் ஐந்தாவது படம். இரண்டு நண்பர்களின் நட்பு மற்றும் அதை சார்ந்த கதைத் தளமே யட்சன். காமெடி, ஆக்‌ஷன் மற்றும் ரொமான்ஸ் என்று உருவாகிவருகிறது.

அதுமட்டுமில்லாமல் கழுகு நாயகன் கிருஷ்ணா தன்னுடைய சகோதரனின் இயக்கத்தில் முதன் முறை நடித்திருக்கிறார். விஷ்ணுவர்தனின் அனைத்துப் படங்களுக்கும் இசையமைத்திருக்கும் யுவன் சங்கர் ராஜாவே இப்படத்திற்கும் இசையமைத்திருக்கிறார்.  ஸ்ரீகர் பிரசாத் படத்தொகுப்பில் ஓம் பிரகாஷ் ஒளிப்பதிவை கவனிக்கிறார்.

விஷ்ணுவர்தன் கூறும் போது, “ இரண்டு புறம்போக்குகளின் கதை. அவர்களின் நட்பு, காமெடி, ஆக்‌ஷன், ரொமான்ஸ் என எல்லாமே இருக்கும். முதன் முறையாக என் தம்பியை வைத்து இயக்குவது மகிழ்ச்சியாக உள்ளது, அதுமட்டுமில்லாமல் ஆர்யாவை வைத்து படம் ஆரம்பிக்கும் போது இருக்கும் புத்துணர்வு படம் முடியும் வரையிலும் இருக்கும். அந்த அளவுக்கு எங்களுக்குள் புரிதல் இருக்கிறது. கடைசி கட்ட பணிகள் நடந்துவருகிறது. விரைவில் படத்தை எதிர்பார்க்கலாம்” என்று கூறியுள்ளார்.

படத்தை விஷ்ணுவர்தனுடன் இணைந்து யுடிவி மோஷன் பிச்சர்ஸ் தயாரிக்கிறது.

யட்சன் பட ஆல்பத்திற்கு: https://www.vikatan.com/cinema/album.php?&a_id=4168

உங்கள் கருத்தைப் பதிவு செய்யுங்கள்

Advertisement
Advertisement
Advertisement

MUST READ

Advertisement

எடிட்டர் சாய்ஸ்