Vikatan.com

www.vikatan.com would like to send you push notifications.

Notifications can be turned off anytime from browser settings.

ரஹ்மானை வரவேற்கும் 'office made' 'ருக்குமணி... ருக்குமணி..! - வைரல் வீடியோ

துபாயின் ஷார்ஜாவில் மார்ச் 17-ம் தேதி நடக்கும் இசை நிகழ்ச்சியில் இசைப்புயல் ஏ.ஆர்.ரஹ்மான் கலந்துகொள்கிறார். இந்த நிகழ்ச்சியை ஒருங்கிணைத்து நடத்தும் க்ளப் எஃப்.எம் UAE 99.6 சார்பில் அவரை வரவேற்று அவரது பாடல்களைப் புதுமையாகப் பாடி கவர் வீடியோக்கள் வெளியிடப் பட்டிருக்கின்றன. வித்தியாசமான முறையில் இசை ஒலிகளை எழுப்பி அமைக்கப்பட்டிருக்கும் பாடல்கள் தற்போது பலத்த வரவேற்பைப் பெற்றிருக்கின்றன. 

ரஹ்மான் - ஆர்.ஜே. பவித்ரா

இந்த இசை நிகழ்ச்சியின் அனுமதிச் சீட்டுகளைப் பெறுவதற்காக ரசிகர்களுக்கு டான்ஸ், பாடல் போட்டிகளையும் நடத்தி ஆட்களைத் தேர்வு செய்திருக்கிறார்கள். ஏ.ஆர்.ரஹ்மானை துபாய்க்கு வரவேற்பதில் ஒரு பகுதியாக, அவர் இசையமைத்த 'ருக்குமணி... ருக்குமணி...' பாடலை க்ளப் எஃப்.எம் ஆர்.ஜே பவித்ரா பாட, அந்த அலுவலகத்தையே ஆர்கெஸ்ட்ராவாக்கி, கீ-போர்டுகளில் 'ARR' எனத் தட்டும் ஓசை, டெலிபோன் ரிசீவரை எடுத்து வைக்கும் ஓசை, மவுசை க்ளிக் செய்யும் சத்தம், ஸ்டேப்ளர் பின் அடிக்கும் ஓசை, காபியை சத்தமாக உறிஞ்சும் ஓசை என அலுவலகத்தில் இருக்கும் எல்லாவற்றையும் உபயோகித்து இசையாக மாற்றி இருக்கிறார்கள். ஆர். ஜே பவித்ராவின் குரலில் 'ருக்குமணி... ருக்குமணி...' பாடல் சக்கைபோடு போடுகிறது. அந்த வீடியோ கீழே...

இதற்கு முன்பும் க்ளப் எஃப்.எம் சார்பில் இப்படி வித்தியாசமான கவர் பாடல்கள் வெளியிடப் பட்டிருக்கின்றன. நாம் சொல்லும் கட்டளைகளைக் கேட்டுப், புரிந்துகொண்டு அதற்கேற்பச் செயல்படும்  'சிரி' எனும் ஐபோன் மென்பொருளைப் பயன்படுத்தி அதிலும் ஒரு இசைக் கோர்வையை நிகழ்த்தி இருக்கிறார்கள். அந்த மென்பொருளில் ஒரு ட்ரில்லியனின் பத்து மடங்கிற்கு எத்தனை பூஜ்யங்கள் எனக் கேட்டதும், அது 'ஜீரோ ... ஜீரோ ... ஜீரோ ...' என வரிசையாகச் சொல்வதையே இசையாக்கி அதற்கேற்ப ஒரு பாடலைப் பாடிப் பதிவு செய்து வைரல் ஆக்கினார்கள்.  அந்த வைரல் வீடியோ கீழே ...

ஏ.ஆர்.ரஹ்மானும், தான் இசையமைக்கும் பாடல்களில் எப்போதும் சில புதுமைகளைப் புகுத்துவது வழக்கம். சமீபத்தில் வெளிவந்திருக்கும் 'காற்று வெளியிடை' படத்தின் 'அழகியே...' பாடலில் இசைக்கருவிகள் இல்லாமல் இசைக்கருவிகளின் இசையைப் போலவே குழுவினர் ஒலி எழுப்பி பாடலின் முதல் சில விநாடிகள் உருவாக்கப்பட்டிருக்கும். இதேபோல சமீபத்தில் 'ஊர்வசி... ஊர்வசி... டேக் இட் ஈஸி ஊர்வசி...' பாடலின் வரிகளை ட்ரெண்டுக்கு ஏற்றாற்போல மாற்றச் சொல்லித் தனது ஃபேஸ்புக் பக்கத்தில் பதிவிட்டிருந்தார். அவரது ரசிகர்கள் பலர் ட்ரெண்டியான பாடல் வரிகளை எழுதிக் குவித்திருந்தார்கள். அதில் சிறப்பான வரிகளை வைத்து அந்தப் பாடலைப் பாடியிருந்தார் . 

இப்போது அவரது ரசிகர்களும் அவர் பாணியிலேயே புதுமையான முயற்சிகள் செய்து கவர் பாடல்களை உருவாக்கி வெளியிட்டு வரவேற்றிருக்கிறார்கள். 'ருக்குமணி... ருக்குமணி...' பாடலைப் பாடிய ஆர்.ஜே.பவித்ராவை சாட்டில் பிடித்தோம். "நான் ரஹ்மான் சாரோட பிக் ஃபேன். சார் இன்னும் நாங்க பண்ணின அந்தப் பாட்டைக் கேட்கலை போல... அவர் பார்த்ததும் சொல்லப்போற முதல் வார்த்தைக்காக வெய்ட்டிங். ஷார்ஜாவில் நடக்கப்போற கான்செர்ட் முடியுறவரை கொஞ்சம் பிஸிங்க... சாரி..." என அரக்கப்பரக்க ஆஃப்லைன் போனார். 

'ருக்குமணி... ருக்குமணி... அக்கம் பக்கம் என்ன சத்தம் ..?'

- விக்கி 
 

உங்கள் கருத்தைப் பதிவு செய்யுங்கள்

Advertisement
Advertisement
Advertisement

MUST READ

Advertisement

எடிட்டர் சாய்ஸ்