``அதோ அவர்களுக்காக தான்! - என்.டி.ராமராவ்

மாம்பலம் பசுல்லா ரோடு முனையில் ஒரு பங்களா. அதன் வாசலில் வழக்கம் போல இரண்டு டூரிஸ்ட் பஸ்கள். ஆந்திராவிலிருந்து வந்தவை. பஸ் நிறைய பளபளக்கும் மொட்டைத் தலைகள்! நேற்றுதான் திருப்பதியில் முடி இறக்கிக் கொண்டு வெங்கடேச பெருமானை தரிசித்து விட்டு அப்படியே நேரே சென்னை வந்து பிரபல ஆந்திர நடிகர் ராமராவைப் பார்க்க வந்திருக்கிறார்கள்.பல படங்களில் ராமராவை பகவான் பாத்திரங்களில் பார்த்ததால் அவர்களுக்கு அவரிடம் அப்படி ஒரு ‘பக்தி’!