சினிமா விமர்சனம் - பெட்ரோமாக்ஸ்

ஒ ரு பேய்வீட்டில் யாராவது சிலர் தங்கிவிட்டுத் திரும்பினால் ‘பேய் வீடு’ என்ற அடையாளத்தை அழித்து அதை விற்றுவிடலாம் என்று திட்டம் போட்டு பணத்தேவையுள்ள ஒரு குழுவை அந்த வீட்டில் தங்கவைக்கிறார் நாயகன்.பேய்களுக்கும், மனிதர்களுக்கு மான அந்த டாம் அண்டு ஜெர்ரி ஆட்டத்தில் யார் ஜெயிக்கிறார்கள் என்பதே கதை.

. பேயாக வரும் தமன்னாவுக்குப் படத்தில் சில காட்சிகள்தான், வசனமும் இரண்டு பக்கம்தான். ‘ஹீரோயின் தமன்னா’ என்பதெல்லாம் படத்திற்கான வியாபாரத்திற்கு மட்டுமே!

. மாற்றுத்திறனாளி சத்யன், பயந்தால் சிரிக்க வேண்டும் என்ற மருத்துவரின் கட்டளையோடு நடமாடும் முனீஸ்காந்த், ‘9 மணி’ சரக்கு பார்ட்டியாக காளி வெங்கட், அத்தனை நடிகர்களையும் இமிடேட் செய்யும் திருச்சி சரவணன்... இவர்கள்தான் படத்தில் ஒரே ஆறுதல். இது போக பிரேம், மைம் கோபி, ஸ்பெஷல் என்ட்ரி கொடுக்கும் யோகி பாபு என, திரை நிரப்பும் கேரக்டர்கள் அதிகம். அவர்களுக்கு நடிக்கும் வாய்ப்பு குறைவு.

. மொத்தப்படத்தையும் சுவாரஸ்யம் குறையாமல் நகர்த்தப் பெரிதும் உதவியிருப்பவை ஜிப்ரானின் பின்னணி இசை, டேனி ரேமண்டின் ஒளிப்பதிவு, லியோ ஜான் பாலின் படத்தொகுப்பு இந்த மூன்றும்தான். சுமாரான ஒரு படத்தை சூப்பராகக் காட்ட ரொம்பவே மெனக்கெட்டி ருக்கிறார்கள்.

. ஆனால் ரோஹின் வெங்கடேசன் திரைக்கதையில் அத்தனை பேன்டேஜ் காயங்கள்! காமெடி, சென்டிமென்ட்... எதை சீரியஸாக எடுத்துச் செல்வது என்பதில் ஏகப்பட்ட குழப்பம்.

இந்தப் படத்திற்கு ‘பெட்ரோமாக்ஸ்’ என்ற தலைப்பு ஏன் என்பதை இயக்குநர்தான் விளக்க வேண்டும்.

சினிமா விமர்சனம் - பெட்ரோமாக்ஸ்

விகடன் விமர்சனக்குழு