Published:Updated:

எஸ்.பி.பி-யின் கொரோனா நாள்கள்... நடந்தது என்ன?!

எஸ்.பி.பாலசுப்ரமணியம்
எஸ்.பி.பாலசுப்ரமணியம்

பாடகர் எஸ்.பி.பாலசுப்ரமணியத்தின் இறுதி நாள்கள்...

இசைமேதை எஸ்.பி.பாலசுப்ரமணியம் இன்று மதியம் 1.04 மணிக்கு இறந்ததாக அதிகாரப்பூர்வமாக அறிவிக்கப்பட்டிருக்கிறது. கடந்த ஆகஸ்ட் 5-ம் தேதி சென்னை சூளைமேட்டில் உள்ள எம்.ஜி.எம் மருத்துவமனையில் கொரோனா காரணமாக சேர்க்கப்பட்ட பாலசுப்ரமணியம் 51 நாள் சிகிச்சைக்குப்பிறகு மரணமடைந்திருக்கிறார்.

கொரோனா பாதிப்பு!

எஸ்.பி. பாலசுப்ரமணியம்
எஸ்.பி. பாலசுப்ரமணியம்

கொரோனா காரணமாக லாக்டெளன் தொடங்கியதில் இருந்தே சென்னை வீட்டில்தான் இருந்தார் எஸ்.பி.பி. ஆனால், கடந்த ஜூலை 30-ம் தேதி இடிவி-யில் ஒளிபரப்பாகிவரும் பிரபல இசை நிகழ்ச்சியான 'Samajavaragamana' படப்பிடிப்புக்காக ஐதராபாத் சென்றார். இரண்டு நாள்கள் அங்கே தங்கியிருந்து ஷூட்டிங்கில் கலந்துகொண்டு சென்னை திரும்பியவருக்கு சளி, காய்ச்சல். இடிவி நிகழ்ச்சியில் கலந்துகொண்ட பலருக்குமே இதேபோல் அறிகுறிகள் தென்பட பலரும் டெஸ்ட் எடுத்திருக்கிறார்கள். எஸ்.பி.பி-க்கும் டெஸ்ட் எடுக்கப்பட்டது.

உனக்கென்ன மேலே நின்றாய் ஓ நந்தலாலா... எஸ்.பி.பி நினைவுகள்! #RIPSPB

அதில் மைல்ட் கொரோனா, வீட்டில் இருந்தே மருந்துகள் எடுத்துக்கொள்ளலாம் என்று மருத்துவர்கள் சொல்லியிருக்கிறார்கள். ஆனால், வீட்டில் யாருக்கும் தொந்தரவாக இருக்கவேண்டாம் என மருத்துவமனையில் தங்கி சிகிச்சை எடுத்துக்கொள்கிறேன் என சொல்லியிருக்கிறார் எஸ்.பி.பி. சில நாள்களில் குணமடைந்து வீடு திரும்பிவிடுவார் என எதிர்பார்க்கப்பட்ட நிலையில் மூச்சுவிடுவதில் சிரமம் ஏற்பட வென்ட்டிலேட்டர் பொருத்தப்பட்டு, பின்னர் எக்மோ கருவி பொருத்தப்பட்டது.

எஸ்.பி.பி
எஸ்.பி.பி

செப்டம்பரில் கொஞ்சம் கொஞ்சமாக வென்ட்டிலேட்டர் உதவியில்லாமல் சுவாசிக்கிறார் என மருத்துவமனை நிர்வாகம் சொல்லிவந்த நிலையில் செப்டம்பர் 23-ம் தேதி எஸ்.பி.பி- உடல்நிலையில் பின்னடைவு ஏற்பட்டிருக்கிறது. நினைவை முழுவதுமாக இழந்திருக்கிறார். இந்நிலையில்தான் நேற்று மாலை குடும்பத்தினர் மூலமாக செய்திகள் வெளியே வர ஆரம்பித்தன. நடிகர் கமல்ஹாசனுக்கு தகவல் சொல்லப்பட அவர் உடனடியாக நேற்று மாலையே மருத்துவமனைக்கு வந்து பார்த்துவிட்டுச் சென்றார். அடுத்தக்கட்டம் குறித்து பேசப்பட்டு முடிவுகள் எடுக்கப்பட்டிருக்கின்றன. எஸ்.பி.பி அவர்களின் பண்ணை இல்லம் ரெட்ஹில்ஸ் அருகே தாமரைப்பாக்கம் எனும் கிராமத்தில் உள்ளது. இங்கே நாளை அவரது இறுதிசடங்குகள் நடைபெற இருக்கின்றன.

அடுத்த கட்டுரைக்கு