Published:Updated:

டாப் 2 - விஜய், அஜித்; கடைசி 2 - அப்பா, மகன் - டாப் 10 டிரெய்லர்கள் 2019

top 10 trailers
top 10 trailers

ரஜினியின் `பேட்ட' படத்தின் டிரெய்லர்தான் முன்னணியில் இருக்கும் என்று நினைத்த நமக்கு அதிர்ச்சி கொடுத்தார் ரஜினியின் தீவிர ரசிகர்...

டிரெய்லர்கள்தான் ஒரு திரைப்படத்தின் மிகப் பெரிய விளம்பரம். அப்படி, இந்த ஆண்டு வெளியான திரைப்படங்களின் டிரெய்லர்களில் அதிக யூ-டியூப் வ்யூஸ் அள்ளிய டிரெய்லர்களின் பட்டியல் இதோ.

யூடியூப்
யூடியூப்

முதல் 3 இடங்கள்!

கடந்த இரண்டு ஆண்டுகளைப் போல இந்த ஆண்டும் விஜய் படத்தின் டிரெய்லர்தான் யூ-டியூபில் பட்டையைக் கிளப்பியது. அட்லி இயக்கத்தில் விஜய் நடிப்பில் உருவான `பிகில்' படத்தின் டிரெய்லரை இதுவரை 4.8 கோடி பேர் பார்வையிட்டுள்ளனர். 23 லட்சம் பேர் இந்த டிரெய்லரை லைக் செய்ததன் மூலம் `அதிகம் லைக் செய்யப்பட்ட இந்தியத் திரைப்பட டிரெய்லர்' என்ற பெருமையைப் பெற்றது `பிகில்' டிரெய்லர். இரண்டாவது இடத்தில், சிறுத்தை சிவா - அஜித் கூட்டணியில் உருவான `விஸ்வாசம்' படத்தின் டிரெய்லர் உள்ளது. அஜித் ரசிகர்கள் கொண்டாடித் தீர்த்த இந்த டிரெய்லர், 3.2 கோடி பார்வைகளையும் 13 லட்சம் லைக்குகளையும் பெற்றுள்ளது. மூன்றாவது இடத்தில் ரஜினியின் `பேட்ட' படத்தின் டிரெய்லர்தான் இருக்கும் என்று நினைத்த நமக்கு அதிர்ச்சி கொடுத்தார் ரஜினியின் தீவிர ரசிகரான ராகவா லாரன்ஸ். `காஞ்சனா 3' திரைப்பட டிரெய்லர் 2.8 கோடி பார்வைகளுடன் 3-வது இடம்பெற்றுள்ளது.

கடைசி 2 இடங்கள்
கடைசி 2 இடங்களை அப்பாவும் மகனும் பெற்றிருப்பது இந்த டாப் 10 டிரெய்லர்கள் பட்டியலின் மற்றுமொரு சுவாரஸ்யம்.

அடுத்த 7 இடங்கள்!

ரஜினியின் 'பேட்ட' திரைப்படம் 2.6 கோடி பார்வைகளுடன் 4-வது இடத்தைப் பிடித்துள்ளது. ரஜினியின் 'தர்பார்' திரைப்படத்தின் டிரெய்லரை இதுவரை 1 கோடி பேர் பார்வையிட்டுள்ளனர். ஆனால், இந்த ஆண்டு வெளியான திரைப்படங்களை மட்டுமே கணக்கில் எடுத்துக்கொண்டுள்ளதால் `தர்பார்' டிரெய்லரை அடுத்த ஆண்டு டாப் 10-ல் நிச்சயம் காணலாம். 5-வது இடத்தில் 1.72 கோடி பார்வைகளுடன் ஓவியா நடிப்பில் வெளியான '90 ML' திரைப்படத்தின் டிரெய்லர் உள்ளது. டிரெய்லர் வெளியான போது ஆக்டிவ் மோடில் இருந்த `ஓவியா ஆர்மி' வேலைதான் இது. 6-வது இடத்தில் அஜித்தின் 'நேர்கொண்ட பார்வை' டிரெய்லரும் 7-வது இடத்தில் சூர்யா - செல்வராகவன் கூட்டணியில் உருவான 'என்.ஜி.கே' படத்தின் டிரெய்லரும், 8-வது இடத்தில் ஜெயம் ரவியின் 'கோமாளி' பட டிரெய்லரும் இடம்பெற்றுள்ளன. அடுத்த 2 இடங்களை அப்பாவும் மகனும் பெற்றிருப்பது இந்த டாப் 10 பட்டியலின் மற்றுமொரு சுவாரஸ்யம். 9-வது இடத்தை விக்ரமின் `கடாரம் கொண்டான்' டிரெய்லர் பிடித்துக்கொள்ள, 10-வது இடத்தைப் பிடித்துள்ளது த்ருவின் 'ஆதித்ய வர்மா' டிரெய்லர்.

Top 10 Trailers 2019
Top 10 Trailers 2019
Vikatan Infographics
மோடி, விஜய், கோலி, பிகில் - ட்விட்டர் இந்தியாவின் டாப் 10! #ThisHappened2019
அடுத்த கட்டுரைக்கு