Published:Updated:

“நாங்க பால்கோவா லவ்வர்ஸ்!”

தமிழில் ஒளிபரப்பாகிவரும் ‘நாச்சியார்புரம்’ சீரியலில் காதலன் - காதலியாக நடிக்கிறார்கள், கணவன் - மனைவியான தினேஷ் - ரச்சிதா. அவர்களிடம் ஒரு ஜாலியான அரட்டை.

பிரீமியம் ஸ்டோரி

“ஏற்கெனவே ‘பிரிவோம் சந்திப்போம்’ சீரியலில் ஜோடியாக நடித்தோம். இப்போது இது இரண்டாவது முறை. அதுமட்டுமில்லை, ‘ஜூனியர் சீனியர்’, ‘ஜூனியர் சூப்பர் ஸ்டார்ஸ்’ போன்ற நிகழ்ச்சிகளுக்கு நடுவர் வாய்ப்பும் வந்தது. எனக்குக் குழந்தைகள் ரொம்பப் பிடிக்கும். அதனால், ‘ஜூனியர் சூப்பர் ஸ்டார்ஸ்’ நிகழ்ச்சிக்கு உடனே ஓகே சொல்லிட்டேன். குழந்தைகள் என்னைவிட நல்லாவே நடிக்கிறாங்க’’ என்கிறார் ரச்சிதா.

‘` ‘ஜூனியர் சூப்பர் ஸ்டார்ஸ்’ நிகழ்ச்சியின் மற்ற நடுவர்களான பாக்யராஜ் மற்றும் தேவயானி பற்றி?’’

‘`செட்ல பாக்யராஜ் சார், தேவயானி மேடம், நான் எல்லோரும் செம ஜாலியா இருப்போம். சீனியர்கள் என்கிற எந்த பந்தாவும் இல்லாம எனக்கான மரியாதையைக் கொடுப்பாங்க. பிரேக் கிடைச்சா சாப்பிட்டுக்கிட்டே இருப்போம். நான் ஏதாவது ஒரு ஸ்நாக்ஸ் பாக்கெட் ஓப்பன் பண்ணினா, ‘இங்கே கொஞ்சம் அனுப்பேன்’னு தேவயானி கேட்பாங்க. பாக்யராஜ் சார் காரமா இருந்தா மட்டும்தான் சாப்பிடுவார். அவருக்குக் கொய்யாப்பழத்துக்குக் காரம் தூவிக் கொடுக்கிறது, நாங்கதான்’’ என்று சிரிக்கும் ரச்சிதாவைத் தொடர்ந்து தினேஷ் பேச ஆரம்பித்தார்.

 “நாங்க பால்கோவா லவ்வர்ஸ்!”

‘``ஸ்ரீவில்லிபுத்தூர்க் கோயிலுக்கு முன்னாடிதான் என் வீடு. அங்கேதான் ‘நாச்சியார்புரம்’ ஷூட்டிங் நடக்குது. நம்ம ஊர் பையன் சீரியல்ல நடிக்கிறான் என்ற பாசத்திலும், பெருமையிலும் நிறையவே சப்போர்ட் பண்றாங்க மக்கள். ஸ்ரீவில்லிபுத்தூரின் அடையாளம் பால்கோவா. அதை மையப்படுத்திதான் கதை நகரும். நான் பால்கோவாக் கடை வைத்திருப்பேன். ரச்சிதா வக்கீலுக்குப் படித்துக்கொண்டிருப்பார். ரெண்டுபேருக்கும் இடையில் காதல் உருவாகும். அந்தக் காதல் இரு வீட்டாரையும் எந்த அளவுக்கு பாதிக்கும் என்பதுதான் கதை’’ என தினேஷ் முடிக்க, ரச்சிதா தொடர்கிறார்.

‘‘ ‘பிரிவோம் சந்திப்போம்’ சீரியலில் நடிக்கும்போது, ஒருநாள் ஷூட்டிங் ஸ்பாட்டுக்குப் பால்கோவாவை வாங்கிட்டு வந்தார். அன்றிலிருந்து பால்கோவாவுக்கு ரசிகை ஆகிட்டேன். ஸ்வீட்ல நான் விரும்பிச் சாப்பிடுறது, பால்கோவாவைத்தான். பால்கோவாதான் எங்களைப் பழக்கப்படுத்திவிட்டது. அதுக்குப் பிறகு காதல், கல்யாணம்னு கடந்து, இத்தனை வருடங்கள் ஆனாலும், இந்த சீரியல் மூலமா மறுபடியும் லவ் பண்ண ஆரம்பிச்சிருக்கோம்னு தான் சொல்லணும்” என்று சிரிக்கிறார்.

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism
அடுத்த கட்டுரைக்கு