Published:Updated:

நடிகர் விஜய் பெயரில் எஸ்.ஏ.சி கட்சி ஆரம்பித்திருப்பது குறித்து மக்கள் கருத்து? #VikatanPollResults

விஜய்
விஜய்

#அஇதவிமஇ என்ற பெயரில் எஸ்.ஏ.சந்திரசேகர் கட்சி ஆரம்பித்திருப்பது குறித்து மக்களின் கருத்து என்ன? #VikatanPollResults

தமிழகத்தில் தேர்தல் ஜுரம் அனலடிக்கத் துவங்கிவிட்டது எனலாம். இந்த முறை தி.மு.க vs அ.தி.மு.க என்ற இருமுனை போட்டியைத் தாண்டி, மூன்றாவதாகவும் ஓர் அணி களம் காணும் என்றே தெரிகிறது. கமலின் ம.நீ.ம மூன்றாவது அணி அமைக்கத் தயார் என்று அறிவித்த நிலையில், ரஜினியின் அரசியல் வருகை இன்னமும் குழப்பமாகவே இருக்கிறது. இதனிடையே ஒரு பரபரப்பு கிளம்பியது. நடிகர் விஜய் `அகில இந்தியத் தளபதி விஜய் மக்கள் இயக்கம்’ என்ற பெயரில் தன் அரசியல் கட்சியைத் தேர்தல் ஆணையத்தில் பதிவு செய்ய விண்ணப்பித்திருப்பதாகத் தகவல் வெளியானது.

விஜய்
விஜய்

இதனிடையே இந்த விவகாரம் தொடர்பாக நடிகர் விஜய் விளக்கம் கொடுத்து அறிக்கை ஒன்றை வெளியிட்டிருந்தார். அந்த அறிக்கையில், "இன்று எனது தந்தை எஸ்.ஏ.சந்திரசேகர், ஓர் அரசியல் கட்சியை ஆரம்பித்துள்ளார் என்பதை ஊடகங்கள் வாயிலாக அறிந்தேன். அவர் தொடங்கியுள்ள கட்சிக்கும் எனக்கும் நேரடியாகவோ மறைமுகமாகவோ எவ்விதத் தொடர்பும் இல்லை எனத் திட்டவட்டமாக எனது ரசிகர்களுக்கும் பொதுமக்களுக்கும் தெரிவித்துக் கொள்கிறேன்" என்று தெரிவித்துள்ளார். மேலும், தனது ரசிகர்கள், தனது தந்தை கட்சி ஆரம்பித்துள்ளார் என்பதற்காக அவர்களை அக்கட்சியில் இணைத்துக்கொள்ளவோ, அந்தக் கட்சிக்காகப் பணியாற்றவோ வேண்டாம் எனவும் கேட்டுக்கொண்டுள்ளார்.

#அஇதவிமஇ என்ற பெயரில் எஸ்.ஏ.சந்திரசேகர் கட்சி ஆரம்பித்திருப்பது குறித்து மக்களின் கருத்து என்ன? விகடன் தளம் மற்றும் ட்விட்டர் பக்கத்தில் கிடைத்த முடிவுகள்...

விகடன் ட்விட்டர் பக்கத்தில் கிடைத்த முடிவுகள்

Vijay Party | Vikatan Poll
Vijay Party | Vikatan Poll

விகடன் தளத்தில் கிடைத்த முடிவுகள்

அனைத்து poll-களையும் வைத்து கிடைத்த இறுதி முடிவுகள்

#அஇதவிமஇ என்ற பெயரில் எஸ்.ஏ.சந்திரசேகர் கட்சி ஆரம்பித்திருப்பது குறித்து உங்கள் கருத்து? #VikatanPoll
ஆதாயம் தேடப்பார்க்கிறார் - 44.4%
விஜய்க்கே விருப்பமில்லை! - 30.7%
அவசர முடிவு - 17.95%
தவறில்லை - 6.95%
இது குறித்து உங்களின் பிற கருத்துகளை கமென்ட்டில் தெரிவியுங்கள்...
அடுத்த கட்டுரைக்கு