Published:Updated:

`ஒரு கதை சொல்லட்டுமா சார்?’ - பாலிவுட் ரீமேக்கில் விக்ரம் யார்.. வேதா யார்?

தார்மிக் லீ

மாதவன் -விஜய் சேதுபதி நடிப்பில் வெளியான 'விக்ரம் வேதா', 2017-ன் ப்ளாக்பஸ்டர் லிஸ்டில் இடம்பெற்றது.

விக்ரம் வேதா
விக்ரம் வேதா

மாதவன் - விஜய் சேதுபதி நடிப்பில் புஷ்கர் - காயத்ரி இயக்கத்தில் 2017-ல் வெளிவந்த படம், 'விக்ரம் வேதா'. சசிகாந்த் தயாரிப்பில் உருவான இப்படம், ரசிகர்களிடையே நல்ல வரவேற்பைப் பெற்றிருந்தது. இந்நிலையில், பாலிவுட்டில் இப்படம் ரீமேக் ஆக இருக்கிறது.

Saif Ali Khan - Aamir Khan
Saif Ali Khan - Aamir Khan

'சூது கவ்வும்', 'சேதுபதி' போன்ற படங்கள்தான் விஜய் சேதுபதிக்கு மாஸ் ஹீரோ என்ற இமேஜை உருவாக்கிக் கொடுத்தது. அதைத் தொடர்ந்து வெளிவந்த 'விக்ரம் வேதா' விஜய் சேதுபதி கரியரில் முக்கியமான படமாக அமைந்தது.

மாதவன் - விஜய் சேதுபதி காம்போவில் வெளியான இப்படம், மக்களிடைய வேற லெவல் ரீச்சைப் பெற்றது. சாம் சி.எஸ் இசையமைக்க, பி.எஸ்.வினோத் இப்படத்தை ஒளிப்பதிவு செய்திருந்தார். 'நியோ நாயர் ஆக்‌ஷன் த்ரில்லர்' ஜானரில் வெளியான இப்படம், தற்போது பாலிவுட்டில் ரீமேக் ஆக இருக்கிறது.

விக்ரம் - வேதா
விக்ரம் - வேதா

மாதவனாக சைஃப் அலி கானும், விஜய் சேதுபதியாக அமீர் கானும் நடிக்கின்றனர். தமிழில் இயக்கிய புஷ்கர் காயத்ரியே இதை பாலிவுட்டிலும் இயக்க அதிக வாய்ப்பு உள்ளது. மார்ச் 2020-ல் ஷூட்டிங்கை ஆரம்பித்து அந்த ஆண்டின் இறுதியிலேயே ரிலீஸ் செய்ய திட்டமிட்டுள்ளனர்.

Vikatan