Published:Updated:

`இந்தக் கதையை எங்கிருந்து திருடியிருக்காங்கனு பார்ப்போம்...' - யோகிபாபுவின் 'கூர்கா' பட டிரெய்லர்!

உ. சுதர்சன் காந்தி.

சாம் ஆண்டன் இயக்கத்தில் யோகிபாபு நடித்த 'கூர்கா' படத்தின் டிரெய்லர் வெளியாகியுள்ளது.

'டார்லிங்’, ‘எனக்கு இன்னொரு பேர் இருக்கு’ ஆகிய படங்களை இயக்கியவர் சாம் ஆன்டன். அதர்வா - ஹன்சிகா ஜோடியை வைத்து '100' என்ற படத்தை எடுத்து முடித்தார். அந்தப் படம் வெளியாகி நல்ல வரவேற்பை பெற்றது. இதைத் தொடர்ந்து, யோகி பாபுவை வைத்து 'கூர்கா' படத்தை முடித்திருக்கிறார். யோகி பாபு கூர்கா கேரக்டரில் நடித்திருக்கும் இந்தப் படத்தில் கனடாவைச் சேர்ந்த எலிஸா ஹீரோயினாக நடித்திருக்கிறார்.

யோகி பாபு
யோகி பாபு

சார்லி, ஆனந்தராஜ், மனோபாலா ஆகியோர் முக்கிய கதாபாத்திரத்தில் நடித்துள்ளனர். ஒரு ஷாப்பிங் மாலில் பலபேர் பணயக் கைதிகளாக மாட்டிக்கொள்கிறார்கள். அங்கிருந்து அவர்கள் எப்படித் தப்பிக்கிறார்கள் என்பதை ஹியூமராகச் சொல்வதுதான் இப்படத்தின் களம். இந்தப் படத்தில் சிவகார்த்திகேயன், விக்னெஷ் சிவன் ஆகியோர் பாடல் எழுதியுள்ளனர்.

கூர்கா
கூர்கா

யோகிபாபுவுடன் ஒரு நாயும் நடித்திருக்கிறது. முழுக்க முழுக்க காமெடி டிராமா ஜானரில் உருவாகும் இந்தப் படத்தின் டீசரை தனுஷ் வெளியிட்டதைத் தொடர்ந்து, அதன் டிரெய்லரை இசையமைப்பாளர் அனிருத் தன் ட்விட்டர் பக்கத்தில் வெளியிட்டுள்ளார். வரும் ஜூலை 12ம் தேதி திரைக்கு வரவிருக்கிறது.