கேபிள் கலாட்டா!

விளங்காத விளம்பரம்!

 ''சமீபகாலமாக டி.வி-யில் வரும் ஒரு பற்பசை விளம்பரத்தில் மணமேடையில் புரோகிதர் மணமகனுக்கு பற்பசை குறித்து பாடம் நடத்துகிறார். இடம், சூழல், போதிப்பவர், போதிக்கப் படுபவர் என எதுவுமே இந்த விளம்பரத்தின் நோக்கத்தை நிறைவேற்றவில்லை. மாறாக முகம் சுளிக்க வைக்கிறது. பல் பாதுகாப்பு, பராமரிப்பு குறித்த பாலபாடம் குழந்தைகளுக்குத்தான் தேவை. அப்போதுதான் குழந்தைகளின் கூடவே விழிப்பு உணர்ச்சியும் வளரும். பணத்தைக் கொட்டி எடுக்கும் விளம்பரம் பளிச்சென புரிய வேண்டாமா?’' என்று குட்டு வைக்கிறார் உடுமலைப்பேட்டையில் இருந்து எஸ்.ஜானகி.

விரச வசனங்கள் குட்டீஸுக்கு எதற்கு?

''சித்திரம் டி.வி. என்பதே குட்டிக் குழந்தைகளுக்கானது. அதில் சமீபத்தில் விக்கிரமாதித்தன் கதையை ஒளிபரப்பினார்கள். விக்கிரமாதித்தன் தாசி வீட்டுக்குச் செல்வது போலவும், நான்கு பெண்களை மணப்பது போலவும் காட்சியைப் பார்த்துவிட்டு, கோடை விடுமுறைக்காக எங்கள் வீட்டுக்கு வந்திருந்த குழந்தைகள், இதற்கான விளக்கத்தை கேட்க, பதில் சொல்ல முடியாமல் தர்மசங்கடத்துக்கு ஆளானோம். குழந்தைகள் விரும்பி பார்க்கும் பல சேனல்களிலும் இதுபோன்ற கதைகள் தமிழிலும் ஆங்கிலத் திலும் ஒளிபரப்புகின்றனர். அறிவுபூர்வமான, கார்ட்டூன் கதைகளை வழங்கினால் நன்றாக இருக்கும். இனிமேலாவது யோசிப்பார்களா?'' என்று கேட்கிறார் சீர்காழியில் இருந்து வேம்பு ராமச்சந்திரன்.

குழந்தைகள் பார்க்கட்டும்!

''ஆங்கில சேனல் 'ழிமிசிரி’, தினமும் காலை 11 முதல் 11.30 வரை 'பிக் அண்ட் டிரிக்' எனும் மேஜிக் நிகழ்ச்சியை ஒளிபரப்புகிறது. மிகவும் அருமையான முறையில் அதைத் தந்து வரும் மேண்டி செய்யும் ஒவ்வொரு மேஜிக்கும் படுஅமர்க்களமாக இருக்கிறது. கடைசியில் அதன் ரகசியத்தையும் அவர் உடைத்துவிடுவது, நமக்கு மேஜிக் கற்றுத் தருவதுபோலவே இருக்கிறது. இந்த விடுமுறையில் குழந்தைகளைக் கட்டாயம் பார்க்க வையுங்கள்... நிறைய கற்றுக்கொள்வார்கள்'' என்று வழி காட்டுகிறார் அம்பத்தூரில் இருந்து ஹேமமாலினி.

ஒவ்வொன்றுக்கும் பரிசு:

150

''பேச்சுதான் என் மூச்சு ரீட்டா''னு பெருமூச்சு விடும் ரேகா, எம்.ஓ.பி. வைஷ்ணவா கல்லூரி

யில் இளங்கலை கணிதம் இரண்டாமாண்டு மாணவி. படிக்கிற நேரம் போக, ஏ.எம்.என். சேனலில் செய்தி வாசிப்பாளராக ஜமாய்க் கிறார்.

''சின்ன வயசுலேர்ந்து எந்த டாப்பிக்கை கொடுத்தாலும் 'நச்’னு பேசுவேன். சுர்ஜித் சிங் பர்னாலா, அப்துல் கலாம்னு பெரிய தலைவர்கள்லாம் என்னை பாராட்டி இருக்காங்க தெரியுமா. பரிசும் நிறைய வாங்கி இருக்கேன்.

மேடைப் பேச்சுக்கும் ஒரு மேடை தேவையா இருக்கே... அதான் ஆர்வத்துல நியூஸ் ரீடரா இங்க சேர்ந்தேன். படிப்படியா கோயில் சிறப்புகள், திரை விமர்சனம் பற்றியெல்லாம் பேச ஒரு வாய்ப்பு கிடைச்சுது. மக்கள் டி.வி-ல உரிமைக்குரல் நிகழ்ச்சில பேசுனதை என்னால மறக்கவே முடியாது. அப்படியே டி.வி மீடியாவை கெட்டியா பிடிச்சுக் கிட்டேன்’'னு குஷியா சொல்ற ரேகாவுக்கு சொந்த ஊர் செங்கல்பட்டு பக்கத்துல 'அசலிபிசலி பேட்டை’ ஸாரி... ரஜாகுளிபேட்டையாம்.

''எனக்கு அப்பா, அம்மா இல்லை ரீட்டா. என் பாட்டி தாத்தாதான் எனக்கு சப்போர்ட். சிறந்த பேச்சாளரா வரணும். அதுவும் சாலமன் பாப்பையா நடத்துற பட்டிமன்றத்துல பேசணும். இதான் என் கனவு'’ - ரேகாவின் வார்த்தைகளில் மேக்னட் உறுதி.