Published:Updated:

AKS - 66: காதலுக்காக எதுவும் செய்யலாமா? காயத்ரியின் அணுகுமுறையும், ராஜேஷின் பக்குவமும் சொல்வது என்ன?

சிவாவின் மனதில் நீதான் இருக்கிறாய் என்று சொல்லும் புனிதாவிடம் தனக்கு மாயாவைப் பார்த்தால் பாவமாக இருக்கிறது என்று காயத்ரி சொல்கிறாள்.

சிவாவின் பிறந்தநாளைக் கொண்டாட மாயா தங்கியிருக்கும் ஹோட்டல் அறைக்கு சிவா செல்கிறான். மாயாவும் சிவாவும் அலுவலகம் வராததைத் தொடர்ந்து சிவாவைத் தேடி மாயாவின் அறைக்கு காயத்ரி செல்கிறாள். சிவா கேக் வெட்டுகிறான். கேக்கின் முதல் துண்டை கையில் எடுத்து காயத்ரியைப் பார்க்கிறான். உடனே சுதாரித்த மாயா சிவாவை பெயர் சொல்லி கூப்பிடுகிறாள். சிவா மாயாவினடம் கேக்கை நீட்டுகிறான். மாயா அதிலிருந்து சிறிதளவு எடுத்து சிவாவிற்கு ஊட்டுகிறாள். காயத்ரி அதைக் காண முடியாமல் முகத்தைத் திருப்பிக் கொள்கிறாள்.

AKS
AKS

``All is far in love and war" என்று சொல்வார்கள். காதலில் அல்லது காதலுக்காக என்ன வேண்டுமானாலும் செய்யலாம் என்றாலும் மாயா தங்கியிருக்கும் அறைக்கு சிவா வந்திருக்கும்போது மாயாவின் அனுமதி இல்லாமல் அவள் அறைக்கு சிவாவை வாழ்த்துவதற்காக வருவதும், கொண்டாட்டத்தில் கலந்து கொள்வதும் மாயாவின் தனிப்பட்ட வாழ்வில் தலையிடுவதைப் போன்றது. காயத்ரிக்கு சிவாவிடம் தனியாக பேச உரிமை இருக்கலாம். அதை சாதகமாகக் கொண்டு மாயாவிடமும் அதே உரிமையை எடுத்துக்கொள்ள முடியாது.

AKS
AKS

காயத்ரி நடந்தவற்றை புனிதாவிடம் சொல்லிக் கொண்டிருக்கிறாள். சிவா ஏதோ ஒரு வகையில் மாயாவுக்கு நம்பிக்கை அளிக்கப் போய்தான் சிவா தன்னைக் காதலிப்பான் என்று மாயா இவ்வளவு தூரம் உறுதியாக இருக்கிறாள் என காயத்ரி சொல்கிறாள். ஆனால் புனிதா அதன் இன்னொரு பக்கத்தைப் பற்றி பேசுகிறாள். காயத்ரியை மாயாவின் அறையில் எதிர்பாராத விதமாக கண்ட மாயா, பதற்றத்தில் சிவா தன்னுடன் நெருக்கமாக இருப்பதைப் போல காட்டிக் கொள்வதற்காக அவ்வாறு நடந்து கொள்கிறாள் என்று புனிதா சொல்கிறாள்.

சிவாவின் மனதில் நீதான் இருக்கிறாய் என்று சொல்லும் புனிதாவிடம் தனக்கு மாயாவைப் பார்த்தால் பாவமாக இருக்கிறது என்று காயத்ரி சொல்கிறாள். அதற்கு புனிதா, உனக்கு மாயா யாரென்றே தெரியாத போது அதைப் பற்றியெல்லாம் யோசிக்க வேண்டாம் என காயத்ரிக்கு அறிவுரை சொல்கிறாள்.

மாயாவுக்கு சிவா காயத்ரியின்மீது ப்ரியத்துடன் இருப்பது நன்றாகவே தெரிகிறது. அதைத் தன்பக்கம் திசை திருப்புவதற்காக காயத்ரியின் முன்னால் தனக்கே சிவாவின்மீது அதிகம் உரிமை இருப்பது போல் காட்டிக் கொள்கிறாள். இதைக் காணும் காயத்ரி தானாகவே ஒதுங்கிக் கொள்வாள் என நினைக்கிறாள்.

காயத்ரி மாயாவுக்காக இரக்கம் கொள்கிறாள். ஏனென்றால் சிவாவும் மாயாவும் ஏற்கனவே காதலித்து கொண்டு இருந்திருக்கிறார்கள். காயத்ரி அவர்களுக்கு இடையில் தான் வருவதைப் போல குற்றவுணர்ச்சி கொள்கிறாள். அதை அப்படியே வெளிப்படுத்தாமல் மாயாவை பார்த்தால் பாவமாக இருக்கிறது என்று புனிதாவிடம் சொல்கிறாள். புனிதாவும் காயத்ரியும் பேசிக் கொண்டிருக்கும் போது அங்கே வரும் மாயா, காயத்ரிக்கு நன்றி சொல்கிறாள். தான் மறுநாள் ஊருக்கு கிளம்புவதற்குள் சிவா தனக்கு ஒரு நல்ல முடிவாக சொல்வான் என்றும் அதற்கு காயத்ரி தான் காரணம் என்றும் அவளுக்கு நன்றி சொல்கிறாள். ஆனால் புனிதா காயத்ரியிடம் மாயா வேண்டுமென்றே இவ்வாறு சொல்கிறாள் என விளக்கம் சொல்லி காயத்ரிக்கு சூழ்நிலையை புரிய வைக்கிறாள்.

ராஜேஷின் அலுவலகத்திற்கு அவனது அம்மா வந்திருக்கிறார். கவிதாவிடம் அவளது பெற்றோரை நேரில் வரவழைத்து திருமணம் பற்றி பேச வேண்டும் என சொல்லி அவளது பெற்றோரின் தொடர்பு எண்ணை கேட்கிறார்.

AKS
AKS

அங்கு வரும் ராஜேஷ் அவனது அம்மாவிடம் இந்த திருமணம் நடக்காது என்று கூறுகிறான். கவிதா தனக்கு திருமணத்தில் சம்மதம் என்று சொல்லியும் ராஜேஷ் மறுத்து விடுகிறான். கவிதாவை தனியாக அழைத்துப் பேசுகிறான். பாண்டியனை மறப்பதற்காகவும் தன்மீது இருக்கும் அனுதாபத்தாலும் திருமணத்திற்கு சம்மதிக்க வேண்டாம் என்று கூறுகிறான்.

ராஜேஷ் கவிதாவைக் காதலிக்கிறேன் என்று சொல்லி கவிதா ஒப்புக் கொண்ட பின்னர் செல்லும் இடங்களுக்கெல்லாம் பாண்டியனையும் உடன் அழைத்து வந்தாள். அவளையும் அறியாமல் அவள் பாண்டியனை காதலிக்கிறாள் என்பதை உணர்ந்து கொண்ட போது உடனிருந்து ராஜேஷ் அவளுக்கு அதைப் புரிய வைத்து மேற்கொண்டு பாண்டியனிடம் சென்று பேசும் தைரியத்தையும் ஏற்படுத்திக் கொடுத்து நாகரிகமாக தங்களுடைய காதல் உறவில் இருந்து விலகிக் கொள்வான்.

Follow @ Google News: கூகுள் செய்திகள் பக்கத்தில் விகடன் இணையதளத்தை இங்கே கிளிக் செய்து ஃபாலோ செய்யுங்கள்... செய்திகளை உடனுக்குடன் பெறுங்கள்.

காதலில் ஒருவர் இந்த அளவு பெருந்தன்மை மற்றும் நாகரிகத்துடன் நடந்து கொள்வது மிகவும் அபூர்வம். பொதுவாக இருவர் காதலில் இருக்கும் போது இருவரில் ஒருவருக்கு வேறு ஒருவர் மீது காதல் வந்திருக்கிறது என்று தெரிந்தால் அங்கு முதலில் பிரச்னைதான் எழும். அது மிகப்பெரிய சண்டையாகி இருவருக்கும் மன உளைச்சலை ஏற்படுத்துவதோடு பெண்கள் மீது நடத்தப்படும் வன்முறையாகக்கூட பல சம்பவங்கள் முடிந்திருக்கின்றன.

ராஜேஷின் பெருந்தன்மையைத் தற்போதும் கவிதா சரியாக புரிந்து கொள்ளவில்லை. ராஜேஷ் எல்லா உண்மையும் தெரிந்து பொறுமையாக கவிதாவிற்கு நல்ல நண்பனாக இருப்பேன் என்று சொல்கிறான். ஆனால் கவிதாவோ டாக்ஸி கிடைக்கவில்லை என்றால் ஆட்டோவில் போகலாம் என்பது போல பாண்டியன் வேறு பெண்ணை காதலிக்கிறான் என்று தெரிந்ததும் ராஜேஷை திருமணம் செய்து கொள்ள சம்மதிக்கிறாள்.

AKS
AKS

கவிதா பாண்டியனை நினைத்துக் கொண்டிருக்கிறாள் என்று தெரிந்தும் ராஜேஷ் திருமணம் செய்து கொள்ளும் போது திருமணத்திற்கு பிறகு என்ன பிரச்னை வந்தாலும் ராஜேஷிற்கு கவிதாவின்மீது சந்தேகம் வரும். இருவரும் பிரிந்து விட இதுவே கூட பிற்காலத்தில் காரணமாக இருக்கலாம். ராஜேஷ் இதை கவிதாவுக்கு தெளிவாக விளக்கிச் சொல்கிறான்.

கவிதாவும் ராஜேஷும் பிரிந்ததற்கான காரணம் என்ன என்று கவிதா பாண்டியனிடம் சொல்லுவாள்?

இறுதி நாள் சிவா மாயாவிடம் என்ன சொல்லப் போகிறான்?

காத்திருப்போம்!

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism
அடுத்த கட்டுரைக்கு