Published:Updated:

விகடன் TV: “சென்னையை விட்டுப் போகமாட்டேன்!”

ஆஷா கௌடா
பிரீமியம் ஸ்டோரி
News
ஆஷா கௌடா

முதன் முதலா நான் பார்த்த வேலை ஏரோபிக் ட்ரெய்னர்தான். உடலுக்கு, மனசுக்கு ஆரோக்கியத்தைத் தர்றதாலேயே அந்த வேலை ரொம்பவும் பிடிச்சிருந்தது.

‘கோகுலத்தில் சீதை' ஆஷா கௌடாவுக்கு முதல் சீரியல்.

‘‘பெங்களூரில் சாதாரணக் குடும்பத்துல பிறந்து படிப்பு முடிச்சிட்டு வேலைக்குப் போயிட்டிருந்த பொண்ணு நான். இன்னைக்கு தமிழ்நாட்டுல பொது இடங்களுக்குப் போனா சுலபமா என்னை அடையாளம் கண்டு பேசறாங்க. இந்த லைஃப் எனக்குப் பிடிச்சிருக்கு. அதனால் இனி நான் சென்னையை விட்டுப் போக மாட்டேன்’' என்றவரிடம் உரையாடத் தொடங்கினேன்.

``நாளைக்கே கன்னடத்துல சினிமா வாய்ப்பு வந்தா போக மாட்டீங்களா?’’

‘‘ஏங்க, இப்பவே ரெண்டு கன்னடப் படத்துல கமிட் ஆகியிருக்கேன். போய் நடிச்சுக் கொடுத்துட்டு வர வேண்டியதுதான். சீரியலோ, சினிமாவோ தமிழ் இன்டஸ்ட்ரி தரும் ரீச் பெரிசா இருக்கு. அதனால இங்க தொடர்ந்து இருக்கணும்கிற ஆசையில அப்படிச் சொன்னேன்.''

ஆஷா கௌடா
ஆஷா கௌடா

``ஏரோபிக் பயிற்சியாளரா இருந்திருக்கீங்க. அந்தத் தொடர்பு இப்பவும் இருக்கா?’’

‘‘முதன் முதலா நான் பார்த்த வேலை ஏரோபிக் ட்ரெய்னர்தான். உடலுக்கு, மனசுக்கு ஆரோக்கியத்தைத் தர்றதாலேயே அந்த வேலை ரொம்பவும் பிடிச்சிருந்தது. நடக்கறது, ஓடறது, சைக்கிளிங், நீச்சல், டான்ஸ்னு அது ஒரு கலவையான உடற்பயிற்சிங்கிறதால எந்த வயசுக்காரங்களும் பண்ணலாம். அதுமேல இருந்த அதிக ஆர்வம் காரணமாகவே பயிற்சி எடுத்துட்டிருந்த நிலையில் இருந்து சீக்கிரமே பயிற்சி கொடுக்கிற இடத்துக்கு வந்தேன். அந்த வேலையைப் பார்த்திட்டிருந்த நேரத்துலதான் இன்ஸ்டாவுல போட்டோக்கள் போடத் தொடங்கினேன். அது மூலமா சீரியல் வாய்ப்பு வந்தது. இப்பவும் ஷூட்டிங் முடிஞ்சு பெங்களூரு போனா, ஏரோபிக்ல இறங்கிடுவேன். என்னைப் பொறுத்தவரை அது எனக்கொரு ஸ்ட்ரெஸ் பஸ்டர்.’’

``தொடர்ந்து தமிழ் சீரியல்ல இருக்கணும்னு ஆசைப்படறீங்க. அதுக்கு என்ன முயற்சி செய்றீங்க?’’

‘‘நல்லா நடிக்கறேன்னு நம்பறேன். சீரியல்ல எனக்கு சாமி வந்து ஆடுற மாதிரி ஒரு சீன். அந்த சீன் நல்லா வருமான்னு பயந்துட்டிருந்தேன். ஆனா நல்ல பாராட்டை வாங்கித் தந்தது.''