Published:Updated:

“உடல்கேலியை பொருட்படுத்தாதீர்கள்!”

நிகில்பாவனா
பிரீமியம் ஸ்டோரி
News
நிகில்பாவனா

பாவனா சிறு வயதிலிருந்தே நடனம், பாட்டு என இசையோடு வளர்ந்தவள்.

பாவனாவைத் தொலைக்காட்சித் தொகுப் பாளராகத் தெரியும். இந்த லாக்டௌன் நாள்களில், வீட்டிலிருந்தபடியே தமிழ் மற்றும் ஆங்கிலப் பாடல்களை இணைத்து, புதுமையான பல மேஷ்-அப் பாடல்களைத் தொகுத்து கவனம் ஈர்த்து வருகிறார். சமீபத்தில் உடல் கேலிக்கு ஆளானதும் சர்ச்சையானது.

உங்கள் அன்றாட தேவைகளின் அனைத்து பொருட்களையும் சிறந்த தள்ளுபடியில் வாங்க

VIKATAN DEALS

“இரண்டு வெவ்வேறு மொழிப் பாடல்களை இணைத்து மேஷ்-அப் செய்யவேண்டும் என்ற எண்ணம் எப்படித் தோன்றியது?”

“சிறு வயதிலிருந்தே நடனம், பாட்டு என இசையோடு வளர்ந்தவள் நான். சூப்பர் சிங்கர் நிகழ்ச்சியைத் தொகுத்து வழங்கியபோது, பாடல்களோடு ஒன்றிப்போய்விட்டேன் என்று கூடச் சொல்லலாம். அதனைத் தொடர்ந்து கபடி, கிரிக்கெட் போன்ற விளையாட்டு நிகழ்ச்சிகளில் பணிபுரிந்த காலகட்டங்களில் இசை என்னை விட்டு வெகுதூரம் சென்றதுபோல் உணர்ந்தேன். இந்த லாக்டௌன் நாள்களில் மீண்டும் நான் இசையோடு இணைந்து பயணிக்கத் தொடங்கி யிருக்கிறேன். பொதுவாக நான் பேசும்போதே ஆங்கிலம் மற்றும் தமிழ் இரண்டு மொழிகளிலும் கலந்துதான் பேசுவேன். ஏதாவதொரு பாடலைக் கேட்கும்போது, எனக்கு உடனே வேறொரு பாடல் நினைவுக்கு வரும். இதுபோன்ற அடிப்படை விஷயங்களில் தோன்றியதுதான் இந்த மேஷ்-அப் ஐடியா. இதற்காக மக்களிடமிருந்து நல்ல வரவேற்பும் கிடைத்திருக்கிறது. லாக்டௌன் முடிந்தபின் தனியாகவே மேஷ்-அப் கான்செர்ட் பண்ணலாம் என்ற திட்டமும் இருக்கிறது.”

Follow @ Google News: கூகுள் செய்திகள் பக்கத்தில் விகடன் இணையதளத்தை இங்கே கிளிக் செய்து ஃபாலோ செய்யுங்கள்... செய்திகளை உடனுக்குடன் பெறுங்கள்.

“உங்களுடையது காதல் திருமணமா?”

“பயங்கரமாகக் காதலித்துத் திருமணம் செய்துகொள்ள வேண்டும் என்பதுதான் என் கனவாகவே இருந்தது. ஆனால், பல நேரங்களில் நம்மைவிட நம் பெற்றோர்களுக்குத்தான் நமக்கு எது சிறந்தது என்பது தெரியும். அந்த வகையில் என் அம்மா அப்பா எனக்கு மிகவும் நல்ல மனிதரையே தேர்வு செய்தனர். திருமணமான புதிதில் இருவரும் ‘டாம் அண்ட் ஜெர்ரி’ போன்றுதான் வாழ்ந்தோம். இதுதான் நாங்கள் இருவரும் இணைந்து வாழும் இறுதி ஆண்டு என்ற அளவிற்கு சண்டைகள் நீண்டிருக்கின்றன. திருமண வாழ்வில் இவை இயல்பு என்பதையும் இந்தக் கஷ்டங்களைத் தாண்டி இருவரும் இணைந்தே பயணிக்கவேண்டும் என்பதையும் ஒருகட்டத்தில் புரிந்துகொண்டோம். அதனைத் தொடர்ந்து எட்டு ஆண்டுகளாக எல்லா இன்ப துன்பங்களையும் இருவரும் ஒன்றாகவே கடந்து வருகிறோம்.”

“சமீபத்தில் உங்களுக்கு நேர்ந்த பாடி ஷேமிங் சர்ச்சையை எப்படிக் கடந்து வந்தீர்கள்?”

“உலக அழகி ஐஸ்வர்யா ராய்கூட பாடி ஷேமிங்கைக் கடந்து வந்தவர்தான். பிரபலங்களுக்கு சர்ச்சைகள் புதிதல்ல. குறிப்பாக பாடி ஷேமிங்கிற்குப் பெண் பிரபலங்கள்தான் ஆளாகி றார்கள். இந்தச் சர்ச்சையை நான் பொருட்டாகவே மதிக்கவில்லை. ஆனால், இந்தச் சர்ச்சைக்கு பதிலடியாக என் தோழி ஐஸ்வர்யா எனக்காக ஓர் ஓவியத்தை வரைந்து, அதனோடு நீண்ட பதிவை சமூக வலைதளத்தில் வெளியிட்டிருந்தார். அதுதான் என்னை மிகவும் நெகிழ வைத்தது.

நிகில்பாவனா
நிகில்பாவனா

நமக்கு மிகவும் முக்கியமானவர்கள் நம்மைக் காயப்படுத்தினால்தானே நாம் அதற்காக வருத்தப் படுவோம். ஆனால், என்னைச் சுற்றியுள்ள சொந்தங்கள் யாரும் என்னை அப்படிக் காயப்படுத்தியதேயில்லை. வெற்றியையும் தோல்வியையும் ஒரேமாதிரி அணுகவேண்டும் என்பது என் மனதில் ஆழமாகப் பதிந்த விஷயம். அதனால், என்னை எவ்வளவு புகழ்ந்தாலும் இகழ்ந்தாலும் சமமாகத்தான் எடுத்துக்கொள்வேன். மேலும், இந்த விஷயத்திற்குப் பின் ஏராளமானவர்கள் தனிப்பட்ட வகையில், தாங்களும் இதுபோன்ற உருவ கேலிகளால் காயப்பட்டிருக்கிறோம் என்று அவர்களின் வாழ்வில் நடந்தவற்றைப் பகிர்ந்து கொண்டனர். உலக அழகி ஐஸ்வர்யா ராய் கர்ப்பமாக இருந்தபோதும் இப்படிப்பட்ட உருவக் கேலி சர்ச்சை நடந்திருக்கிறது. நாங்கள் லைம்லைட்டில் இருப்பதனால் இவை வெளியே தெரிகின்றன. இதில் பெரிதாக எடுத்துக்கொள்வதற்கு எதுவுமில்லை. எல்லாவற்றையும் கடந்துபோவது தானே வாழ்க்கை.”