Published:Updated:

விகடன் TV: அவருக்குப் பதில் இவர்!

சுந்தரி தொடர்
பிரீமியம் ஸ்டோரி
News
சுந்தரி தொடர்

‘சேத்தன் டைரக்‌ஷன் பண்ணப் போறார்’னு சொல்லி என்னைக் கேட்டாங்க. உண்மைதானான்னு அவர்கிட்ட செக் பண்ணிக்கிட்டேன். அதன் பிறகும் தயக்கமா இருந்தது.

‘இவருக்குப் பதில்’ சமாசாரத்தில் இப்படி ஒரு கதையா’ என ஆச்சர்யப்பட வைத்திருக்கிறார் நடிகர் சதீஷ்.

பொதுவாக சீரியல்களில் ஒரு ஆர்ட்டிஸ்ட் மாறினால், ‘இவருக்குப் பதில் இவர்’ என கார்டு போட்டு புதிய ஆர்ட்டிஸ்ட்டைக் கொண்டு வந்துவிடுவார்கள். ஆரம்பக் காலத்திலெல்லாம் நடிகர், நடிகைகள் மாறுவதற்குப் பின்னால் பல கதைகள் சொல்லப்பட்டன. இயக்குநருக்குப் பிடிக்காமல் தூக்கியடிக்கப்பட்டவர்கள் நிறைய. ‘எனக்கு அதிக சீன், உனக்கு அதிக சீன்’ என்கிற சண்டையில் மாற்றப்பட்டவர்களும் உண்டு. ஆனால், ‘சுந்தரி’ சீரியலில் இப்போது நடந்திருக்கும் மாற்றம் இந்த வகையிலானது அல்ல.

விகடன் TV: அவருக்குப் பதில் இவர்!

தொடரில் நடித்துவந்த மனோகருக்குப் பதில் சில நாள்களுக்கு முன் திடீரென கமிட் ஆனார் நடிகர் சதீஷ். சீரியல் ரசிகர்கள் சதீஷை அந்தக் கேரக்டரில் ஏற்றுக்கொள்ளத் தொடங்கிவிட்ட நிலையில், இப்போது மறுபடியும் மனோகரே சீரியலுக்குள் வந்திருக்கிறார்.

என்ன நடந்தது என்று சதீஷிடம் கேட்டேன்.

விகடன் TV: அவருக்குப் பதில் இவர்!

‘‘மனோகர் கொரோனாவால பாதிக்கப்பட்டிருக்கார்னு சொல்லி ‘அவருக்குப் பதில் நீங்க பண்ண முடியுமா’ன்னு கேட்டாங்க. நல்ல காலத்துலயே சீரியல் ஆர்ட்டிஸ்டுகள் பலருக்கு சரியா வாய்ப்புகள் அமையறதில்லை. இந்தக் கொடிய தொற்றுக் காலத்துல ஒருத்தருடைய வேலை, அதுவும் உடல்நலன் சரியில்லாத சமயத்துல எனக்குக் கிடைக்குதுன்னா, அதுல சந்தோஷப்படறதுல அர்த்தமில்லை. அதனால, ‘ட்ராக் மாத்திக் கொண்டு போக வேண்டியதுதானே’ன்னு சொன்னேன். அவங்களால அப்படிப் பண்ண முடியலைன்னு சொன்னதும், ஒரேயொரு கண்டிஷன் போட்டேன். ‘கொரோனா சரியாகி மனோகர் வந்ததும், நான் வெளியேறிவிடுவேன்’ங்கிற நிபந்தனைதான் அது. தயாரிப்புத் தரப்புல அதுக்குச் சம்மதம் சொன்னதால நடிச்சேன். இப்ப மனோகர் குணமாகி வந்துட்டார். நான் வெளியேறிட்டேன். நாங்கெல்லாம் ஒரு குடும்பம்னு நினைக்கிறேன். ஒரு குடும்பத்துல சக உறுப்பினர் ஒருத்தருக்கு நெருக்கடின்னா உதவறதுதான் இது.

மத்தபடி, ‘என்னய்யா இது ஆட்களை மாத்திட்டே இருக்காங்க’ன்னு சீரியல் ரசிகர்கள் எரிச்சல் அடைஞ்சிருந்தாங்கன்னா அவங்ககிட்ட ஒரு ஸாரி கேட்டுக்க வேண்டியதுதான்” என்கிற சதீஷ், முன்பு ‘அத்திப்பூக்கள்’ சீரியலில் சேத்தனுக்குப் பதில் நடிக்க வந்தபோதும் சேத்தனிடம் பேசிய பிறகே கமிட் ஆனாராம்.

விகடன் TV: அவருக்குப் பதில் இவர்!

‘‘ ‘சேத்தன் டைரக்‌ஷன் பண்ணப் போறார்’னு சொல்லி என்னைக் கேட்டாங்க. உண்மைதானான்னு அவர்கிட்ட செக் பண்ணிக்கிட்டேன். அதன் பிறகும் தயக்கமா இருந்தது. ஏன்னா சேத்தனுக்கு ஜோடியா நடிச்சது அவரின் நிஜ மனைவி தேவதர்ஷினி. ரியல் தம்பதியை அப்படியே சீரியல்லயும் பார்த்து அந்தக் கேரக்டர்களுடன் ஒரு பாண்டிங்ல இருப்பாங்க சீரியல் ரசிகர்கள். நம்மை ஏத்துப்பாங்களான்னு யோசனையா இருந்தது. ஆனா தொடர் நான் கமிட் ஆன பிறகுமே நல்லா போய் பெரிய வரவேற்பைப் பெற்றது’’ என்கிறார்.

அந்த மனசு இருக்கே...