Published:Updated:

விகடன் TV: வெளியே வரும்போது மோடி தாடி!

சர்வைவர்
பிரீமியம் ஸ்டோரி
சர்வைவர்

போட்டியாளர்களின் பட்டியல் கிட்டத்தட்ட இறுதி வடிவம் பெற்றுவிட்டது.

விகடன் TV: வெளியே வரும்போது மோடி தாடி!

போட்டியாளர்களின் பட்டியல் கிட்டத்தட்ட இறுதி வடிவம் பெற்றுவிட்டது.

Published:Updated:
சர்வைவர்
பிரீமியம் ஸ்டோரி
சர்வைவர்

இன்டர்நேஷனல் கான்செப்டான ‘சர்வைவர்’ பிரமாண்ட ரியாலிட்டி ஷோவைத் தமிழுக்கு அறிமுகம் செய்கிற அதிகாரபூர்வ அறிவிப்பை வெளியிட்டுள்ளது ஜீ தமிழ். இந்த ஷோ குறித்தும், தமிழில் என்னென்ன செய்யவிருக்கிறார்கள் என்பது குறித்தும் நமக்குக் கிடைத்த சில எக்ஸ்க்ளூசிவ் தகவல்கள் இங்கே...

* ஷோ ஷூட்டிங் முழுக்க வெளிநாட்டில் நடக்கிறது. போட்டியாளர்களுடன் நிகழ்ச்சியைத் தொகுத்து வழங்கும் ஆங்கரும் அந்த நாட்டிற்குச் சென்றுவிட வேண்டுமாம். ஆங்கரும் வார இறுதி என்றில்லாமல் ஷோவில் ஒவ்வொரு நாளும் தோன்றவிருக்கிறார்.

* தான்சானியா பகுதியிலுள்ள ஜான்சிபார் தீவுகள்தான் ஷூட்டிங் ஸ்பாட்டாக டிக் செய்யப்பட்டுள்ளதாம். ஆப்பிரிக்காவிலேயே மிக அமைதியான சுற்றுலாப் பிரதேசம் அது. கோவிட் ஊரடங்கு காரணமாக சர்வதேச வான்போக்குவரத்தில் நிலவிவரும் சில சிக்கல்கள் தீர்ந்ததும் போட்டியாளர்கள் அங்கே செல்லவிருக்கிறார்கள்.

* போட்டியாளர்கள் தங்கும் தீவில் மின்சாரம் இருக்காது என்கிறார்கள். எனவே வெளிச்சத்துக்குத் தீப்பந்தங்களை ஏற்றிக்கொள்வார்களாம். ’தொழில்நுட்ப ரீதியாக ஏதும் பிரச்னை இருக்காதா?’ என்றால், ‘த்ரில்லிங்கான ஒரு எஃபெக்ட் இருக்குமே’ என சஸ்பென்ஸ் கூட்டுகிறார்கள்.

* டூல்ஸ் மாதிரியான எந்தவொரு பொருளும் அந்தத் தீவுக்குள் அனுமதிக்கப்படாதாம். எனவே, போட்டியாளர்கள் ஷேவிங் செய்யக்கூட அனுமதியில்லை என்கிறார்கள். ஷோ முடிந்து வெளியே வரும்போது ஒவ்வொருவருமே மோடி ஸ்டைலில் தாடியுடனேயே வருவார்கள் என எதிர்பார்க்கலாம்.

விகடன் TV: வெளியே வரும்போது மோடி தாடி!

* போட்டியாளர்களின் பட்டியல் கிட்டத்தட்ட இறுதி வடிவம் பெற்றுவிட்டது. நடிகர், நடிகைகள், ஆங்கர், மாடல் எனப் பல முகங்கள் இருக்கிறார்களாம். சில போட்டியாளர்கள் நேரடியாக ஆன் ஏர் அறிமுகமாகவிருக்கிறார்கள்.

* நிகழ்ச்சியைத் தொகுத்து வழங்குவது யார் என்பது பெரிய சீக்ரெட்டாக உள்ளது. தனுஷ், சிவகார்த்திகேயன், விஷால் எனப் பலரின் பெயர்கள் அடிபட்டு, கடைசியாக சிம்புவை கமிட் செய்யப் பெரிய முயற்சி எடுக்கப்பட்டிருக்கிறது. ஆனால் அவர் மறுத்துவிட்டதாகவும், இப்போது நடிகர் அர்ஜுனிடம் பேசியிருப்பதாகவும் சொல்லப்படுகிறது.

*ஜான்சிபார் தீவில் தங்கியிருக்கும் போட்டியாளர்களில் எலிமினேட் ஆகிறவர்கள் முதலில் அருகிலுள்ள இன்னொரு குட்டித்தீவில் தங்க வைக்கப்படுவார்கள். அவர்கள் மறுபடியும் நிகழ்ச்சிக்குள் ஷோ பார்மெட்படி நடுவர்களாக அனுமதிக்கப்படுவார்கள்.