Published:Updated:

விகடன் TV: “மக்கள் சினிமாவையும் அரசியலையும் குழப்பிக்கலை!”

ஒட்டுமொத்த விகடனுக்கும் ஒரே ஷார்ட்கட்

Use App
குடும்பத்துடன் டாக்டர் ஷர்மிளா
குடும்பத்துடன் டாக்டர் ஷர்மிளா

சினிமாப் புகழை மட்டுமே பார்த்து ஓட்டு போட்டிருந்தாங்கன்னா கோயம்புத்தூர்ல கமல் சார் ஜெயிச்சிருக்கணுமே

பிரீமியம் ஸ்டோரி
`பகல் நிலவு’ சீரியலில் அரசியல்வாதியாக நடித்த டாக்டர் ஷர்மிளா, நிஜ வாழ்க்கையில் இப்போது எம்.எல்.ஏ-வின் மனைவி. ஆம், திருப்போரூர் தொகுதியில் விடுதலைச் சிறுத்தைகள் கட்சி சார்பில் போட்டியிட்டு வெற்றிபெற்ற எஸ்.எஸ்.பாலாஜி இவரின் கணவர்.

கணவருக்காகப் பிரசாரம் செய்திருப்பீங்களே, அந்த அனுபவம் எப்படி இருந்தது?

‘`திருப்போரூர் வித்தியாசமான ஒரு தொகுதி. ஒருபக்கம் கடற்கரையோர மீனவ மக்கள்னா, இன்னொருபக்கம் ஐ.டி கம்பெனிகள் நிறைந்த பகுதியாகவும் இருக்கு. ஆனா, குடிதண்ணீர், சாலைகள்னு அடிப்படை வசதிகள் எல்லாருக்கும் பொதுவானதுதானே. அந்த வசதிகள் சரியா கிடைக்காமத்தான் இருந்துவந்தது. பிரச்னைகளைப் பட்டியல் போட்டு வச்சிருக்கார். இப்போதைக்கு இந்தக் கொரோனாவுல இருந்து பாதுகாக்கறதுதான் முதல் நடவடிக்கை. கொரோனா நிலைமை சரியானதும் மத்த விஷயங்கள்ல கவனம் செலுத்துவார். என்னுடைய சீரியல், சினிமாப் புகழ் மக்களை ரீச் பண்ணக் கொஞ்சம் உதவுச்சு. மத்தபடி மக்கள் அரசியலையும் சினிமாவையும் போட்டுக் குழப்பிக்கலைன்னுதான் எனக்குப் புரிஞ்சது. யாரைத் தேர்ந்தெடுக்கணும்ங்கிறதுல அவங்க தெளிவாவேதான் இருக்காங்க. சினிமாப் புகழை மட்டுமே பார்த்து ஓட்டு போட்டிருந்தாங்கன்னா கோயம்புத்தூர்ல கமல் சார் ஜெயிச்சிருக்கணுமே!’’

விகடன் TV: “மக்கள் சினிமாவையும் அரசியலையும் குழப்பிக்கலை!”

கணவருக்கு அரசியல் தொடர்பு எப்போது, எப்படி வந்தது?

``என் மாமனார் சைதை எம்.எஸ்.மணி, திராவிடக் கொள்கை மீது பற்றுக் கொண்டவர். அவர் தி.மு.க-வில் இருந்தார். அதனால இவருக்குச் சின்ன வயசுலயே அரசியல் ஆர்வம் வந்திடுச்சு. ஆரம்பத்துல அ.தி.மு.க-வில் இருந்தார். பிறகு விடுதலைச் சிறுத்தைகள் கட்சியின் கொள்கைகள் பிடிச்சுப்போய் அதுல சேர்ந்தார். இப்ப கட்சியின் மாநிலத் துணைப் பொதுச்செயலாளரும்கூட. இந்தத் தேர்தலில் கட்சி சார்பா பொதுத் தொகுதியில போட்டியிட்டு அதுவும் நேரெதிர் துருவமா இருக்கிற பா.ம.க-வின் வேட்பாளரை எதிர்த்து ஜெயிச்சிருக்கார்.’’

சமீபமா அம்பேத்கர், பெரியார் பத்தி நீங்களும் பேசிட்டு வர்றீங்க. உங்களுக்கும் அரசியல் எண்ணம் இருக்கா?

“சமூகச் சிந்தனை எல்லாருக்குமே இருக்கணும்னு நினைக்கிறவள் நான். அதனால வெளிப்படுகிற சிந்தனைகளைப் பேசறேன். நம்பி ஓட்டு போட்டிருக்கிற மக்களுக்காக உழைக்க பரபரப்பாத் தயாராகிட்ட கணவருக்கு முடிஞ்ச அளவு உதவியா இருக்கணும்கிறதுதான் இப்போதைக்கு என்னுடைய எண்ணம். நேரடியா அரசியலுக்கு வர்றது பத்தி எதுவும் யோசிக்கலை.’’

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism
அடுத்த கட்டுரைக்கு