Published:Updated:

விகடன் TV: “அப்போ இயக்குநர்... இப்போ தயாரிப்பாளர்!”

ஜெனிப்ரியா
பிரீமியம் ஸ்டோரி
ஜெனிப்ரியா

ஹலோ, லாக் டௌன்ல முடிவடைஞ்ச ‘அழகு’ சீரியல்லகூட நடிச்சிட்டிருந்தேன். அதுக்கு முன்னாடி ‘வாணி ராணி’யில நடிச்சேன்

விகடன் TV: “அப்போ இயக்குநர்... இப்போ தயாரிப்பாளர்!”

ஹலோ, லாக் டௌன்ல முடிவடைஞ்ச ‘அழகு’ சீரியல்லகூட நடிச்சிட்டிருந்தேன். அதுக்கு முன்னாடி ‘வாணி ராணி’யில நடிச்சேன்

Published:Updated:
ஜெனிப்ரியா
பிரீமியம் ஸ்டோரி
ஜெனிப்ரியா

“தமிழ்ப்படம் 2’ க்குப் பூஜை போட்டு, முதல் நாள் ஷூட். வேறொரு செய்தி வாசிப்பாளர் நடிச்ச சீன் திருப்தியா வரலைன்னு, அந்த ஷூட்டிங் ஸ்பாட்ல இருந்தே எனக்கு போன் பண்ணினாங்க. ஒரு மணி நேரத்துல போயிட்டேன். இயக்குநர் சி.எஸ்.அமுதன் சாரை அன்னைக்குத்தான் முதன்முதலா சந்திக்கிறேன். டயலாக் கொடுத்துப் பேசச் சொன்னார். படத்தின் ஓப்பனிங்கான அந்தக் காட்சியின் டயலாக்கை சிங்கிள் டேக்ல பேசி, அந்த இடத்துலயே படத்துல கமிட் ஆனேன். அதே காட்சி இப்ப மறுபடியும். பூஜை முடிஞ்சு முதல் நாள் ஷூட்டிங்ல இருக்கேன். ஒரேயொரு வித்தியாசம், அன்னைக்கு அமுதன் சார் சினிமா இயக்குநர். இன்னைக்கு சீரியல் தயாரிப்பாளர்...’’

’தமிழ்ப்படம்’ சி.எஸ்.அமுதன் தயாரிக்க விரைவில் பாலிமர் தொலைக்காட்சியில் ஒளிபரப்பாகும் ‘ராஜமன்னார் வகையறா’ சீரியலில் லீடு ரோலில் கமிட் ஆனதைத்தான் ஃபிளாஷ்பேக்குடன் விவரித்தார் ஜெனிப்ரியா.

ஜெனிப்ரியா
ஜெனிப்ரியா

``அது சரி, மேக்-அப் ஸ்டூடியோ தொடங்கி, டிவியில இருந்து நீங்க ஒதுங்கிட்டதாச் சொன்னாங்களே?’’

‘‘ஹலோ, லாக் டௌன்ல முடிவடைஞ்ச ‘அழகு’ சீரியல்லகூட நடிச்சிட்டிருந்தேன். அதுக்கு முன்னாடி ‘வாணி ராணி’யில நடிச்சேன். சினிமா, டிவியில நிரந்தரமான வாய்ப்பு யாருக்குத்தான் அமையும்? வாய்ப்பு இல்லாத காலத்துக்கு ஒரு வழி வேணும்னு ஆரம்பிச்சதுதான் ‘சாரா ஸ்டூடியோ’. அதுக்காக நடிப்பை விட்டு ஒதுங்கிடலை. ‘ராஜமன்னார் வகையறா’ சீரியல்ல லீடு ரோல். முதன்முதலா டிவிக்கு வந்திருக்கும் அமுதன் சார் தன்னுடைய அதே டீமையும் கூட்டிட்டுத்தான் வந்திருக்கார். பூந்தமல்லி ஈவிபி பிலிம் சிட்டியில சீரியலுக்குப் போடப்பட்டிருக்கும் அரண்மனை மாதிரியான செட்டைப் பார்க்கிறவங்க ‘சினிமா ஷூட்டிங்கா’ன்னுதான் கேப்பாங்க. அந்த அளவு லுக் இருக்கு. அதனால நிச்சயம் இந்த சீரியல் ஹிட் ஆகும்னு நம்பலாம்.’’

`` ‘ராஜமன்னார் வகையறா’ எந்த மாதிரியான சீரியல்?’’

“ஜமீன், மன்னர் குடும்பம்னெல்லாம் கதையில வரும். ஆனா ஹிஸ்டாரிகல் சீரியல்னு நினைக்கத் தேவையில்லை. பழைய வரலாறும் இன்றைய ட்ரெண்டிங் ஜெனரேஷனும் சரிசமமா கலந்த கதைக்களம்தான். ‘தமிழ்ப்படம் 2’ல் கோ டைரக்டரா இருந்த ரவி சார் சீரியலின் இயக்குநர். பெரிய நட்சத்திரப் பட்டாளமே இருக்கு. பிரைம் டைம் ஸ்லாட்தான்னு சொன்னாங்க. கூடுதல் தகவல்களெல்லாம் சீக்கிரமே அறிவிப்பாங்கன்னு நினைக்கிறேன். சீரியல்ல என்னுடைய நிஜப் பெயரையே கேரக்டருக்கும் வச்சிருக்காங்க. அதுவே எனக்குப் பெரிய சந்தோஷமா இருக்கு’’ என்கிறார் ஜெனி.

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism