அறிவியலுக்கும் அரசியல் உண்டு!

நெ ட்ஃபிளிக்ஸில் வெளியாகி, பார்வையாளர்களின் கவனத்தை ஈர்த்த இரு படங்கள் இவை. இரண்டு படங்களும் கறுப்பினத்தவர்களின் வாழ்க்கையைப் பேசும் படங்கள்.

2002-ம் ஆண்டு வில்லியம் கம்வம்பா என்னும் சிறுவன் ஒரு காற்றாலையை உருவாக்குகிறான். ஆப்பிரிக்கா முழுவதும் அச்செய்தி வைரலாகிறது. 2015-ம் ஆண்டு The Boy Who harnessed The wind என்ற அந்தக்கதை தற்போது திரைப்படமாக வெளியாகியிருக்கிறது.

. ஆப்பிரிக்காவில் நிலத்தால் சூழப்பட்ட தேசங்களுள் ஒன்று மலாவி. அதில் கசுங்கா என்னும் கிராமத்தில் பிறந்தவன் வில்லியம். வெள்ளமும், வறட்சியும் துன்பத்தை வரவழைக்கும் நிலப்பரப்புகளும் மலாவிக்குச் சொந்தமானவை. ஒரு அறுவடையை முழுவதுமாக வெள்ளம் விழுங்கிவிடுகிறது. வெள்ளம் வடிந்ததும், வறட்சி தாண்டவமாடுகிறது.

ரேடியோக்களை ரிப்பேர் செய்து தருவதுதான் 13 வயது வில்லியமின் பொழுதுபோக்கு. பள்ளிக்கட்டணம் கட்டாததால், பள்ளியிலிருந்து வெளியேற்றப்படுகிறான். அவனின் அக்காவை, அறிவியல் ஆசிரியர் காதலிக்க, அதைப் பயன்படுத்தி ரகசியமாக நூலகத்தைப் பயன்படுத்திவருகிறான். அதிலும் பல தடைகள்.

. The Boy Who harnessed The wind . காற்றாலையை வைத்து மின்சாரம் தயாரித்து, அதன் மூலம் தண்ணீர் எடுக்க முடியும் என்கிறது வில்லியம் படித்த அறிவியல். ஆனால் அதற்கான அடிப்படைக் கருவிகள் எவையும் வில்லியமிடம் இல்லை. சைக்கிளில் இருக்கும் சக்கரமும் பெடலும், டைனமோவும் மின்சாரத்தை உருவாக்குவதைத் தெரிந்துகொள்கிறான்.

. ஆசிரியரை மணக்கும் வில்லியமின் அக்கா, வரதட்சணையாக வில்லியமுக்கு டைனமோவைப் பெற்றுத்தருகிறாள் (ஆப்பிரிக்காவின் பல தேசங்களில் ஆண்கள்தான் வரதட்சணை தரவேண்டும் ).

. டைனமோ கிடைத்துவிட்டது. தற்போதைய தேவை ஒரு சைக்கிள். ஆனால், வில்லியமின் கனவு நிறைவேற சைக்கிளைத் தர மறுக்கிறார் அவன் தந்தை. ஊர் கொஞ்சம் கொஞ்சமாக அதன் மக்களை இழக்கிறது. வறட்சியும், வெறுமையும் வீடுகளிலும் குடிகொள்கிறது. இறுதியாக தனக்கான காற்றாலையை உருவாக்கித் தண்ணீர் வரச் செய்கிறான் வில்லியம்.

12 years a Slave படத்தின் நாயகன் எஜியோஃபோர்தான் இப்படத்தின் இயக்குநர். வில்லியமின் தந்தையாகவும் எமோஷனல் காட்சிகளில் மிரட்டியிருக்கிறார். படத்தின் இறுதியில் அதுவரை வில்லியமாக வந்த மேக்ஸ்வெல் விலகி, ஒரிஜினல் வில்லியமையும், அவன் செய்த காற்றாலையையும் நமக்கு அறிமுகம் செய்கிறார்கள். தடைகளை உடைத்த வில்லியம், சாதிக்கத் துடிக்கும் அனைவருக்கும் முன்னுதாரணம்.

. சிஜே வாக்கரும், செபஸ்டியன் தாமஸும் டைம் மெஷின் ஒன்றை உருவாக்குகிறார்கள். அமெரிக்க கறுப்பினச் சிறார்களான இவர்கள் பள்ளியில் நடைபெறும் அறிவியல் கண்காட்சிக்காக உருவாக்கியதுதான் இந்த டைம் மெஷின்.

. நிறவெறியில் ஊறிய அமெரிக்கக் காவல்துறை சுட்டுக்கொன்ற தன் அண்ணனை மீட்க டைம் மெஷினைப் பயன்படுத்துகிறான் வாக்கர். ஆனால், காலச்சக்கரம் வேறு மாதிரி சுழல்கிறது. துப்பாக்கிச் சூட்டில் வாக்கரின் அண்ணன் தப்பிக்க, செபஸ்டியன் கொல்லப்படுகிறான். அடுத்து என்ன நடக்கிறது என்பதை 80 நிமிட சினிமாவாகச் சொல்கிறது See You yesterday.

. ஸ்பைக் லீ தயாரித்திருக்கும் இத்திரைப்படத்தின் அனைத்துக் கதாபாத்தி ரங்களுமே கறுப்பினத்தவர்கள். கண்டுபிடிப்பு களில்கூட இவர்களுக்கான அங்கீகாரம் புறக்கணிப்படுவதைப் படம் நெடுகிலும் காணலாம்.

. See You yesterday . அரசியலைக் கலையாக மாற்றுவதில் வெற்றிபெற்றிருக்கிறது இந்தப் படம்.

அறிவியலுக்கும் அரசியல் உண்டு!

Karthikeyan KG